08/09 香港足球討論區

StupidPhilip

<大公報>

羅傑承：「三管齊下」求支持

身兼香港職業足球聯賽有限公司籌備委員會成員的南華足主羅傑承前晚表示，籌委會成員計劃拜會18區區議會尋求對來季舉辦職業聯賽的支持，但因籌委會缺乏跟足總會長霍震霆及民政事務局局長曾德成溝通的渠道，加上金融海嘯影響商家的贊助意欲，「港職聯」已失去500萬港元的聯賽贊助，羅傑承對計劃能否成功實行不感樂觀，而籌委會將在12月前「三管齊下」，繼續爭取區議會、贊助商及足總的支持。

分清主場辦好青訓
羅傑承前晚與傳媒飯敘時透露了「港職聯」的最新動向。至於職業聯賽12支球隊在不同地區作主場的分配問題，羅傑承稱，籌委會已初定將全港劃分成新界東、新界西、新界南、九龍東、中九龍及港島6個區域，每個區域容納2支球隊，其中南華與愉園屬意「留守」港島，分別以大球場及香港仔運動場作主場，地區球隊大埔及來季大有機會由乙組「升班」的沙田則順理成章地屬於新界東區域，並且以大埔運動場及源禾路運動場作主場，此外，晨曦有意「落戶」葵涌，傑志則選擇九龍灣。

至於球隊「落區」後如何保證入場人數的問題，羅傑承認為，球隊必須與區議會合作辦好青訓，並且做好宣傳工作，才有機會吸引球迷入場，只要球會在所屬區域成功吸引百分之0.5的市民長期捧場，已可確保每場約有2000人入場，不過他也預計會有4至5支球隊在宣傳上需要「港職聯」幫助。

2076

原帖由 StupidPhilip 於 2008-10-26  10:18 AM 發表


羅傑承：「三管齊下」求支持

身兼香港職業足球聯賽有限公司籌備委員會成員的南華足主羅傑承前晚表示，籌委會成員計劃拜會18區區議會尋求對來季舉辦職業聯賽的支持，但因籌委會缺乏跟足總會長霍震霆及民政事務局局長曾德 ...

唔o係旺角踢真係對我好唔方便

hoyte

原帖由 講野無point的人 於 2008-10-26  01:02 AM 發表
唔覺鄧肇堅差過天水圍囉

兩邊既草地一樣咁爛

阿sa

原帖由 講野無point的人 於 2008-10-26  01:02 AM 發表
唔覺鄧肇堅差過天水圍囉

鄧肇堅成日用黎踼學界, 兆麟好似好d

尹邦美

原帖由 StupidPhilip 於 2008-10-26  10:18 AM 發表
羅傑承：「三管齊下」求支持

身兼香港職業足球聯賽有限公司籌備委員會成員的南華足主羅傑承前晚表示，籌委會成員計劃拜會18區區議會尋求對來季舉辦職業聯賽的支持，但因籌委會缺乏跟足總會長霍震霆及民政事務局局長曾德 ...

唔好玩分乜鬼區 , 簡簡單單你本身有區隊既就繼續, 無區既分區重點其實最緊要就係比到個可以長期優先使用既球場佢用經已夠數啦;
分區真係多餘, 用得既場經已唔多好似淦源呢d一降班之後點算?? 重繼續分個區比個場佢玩嗎?! 乙組升班果隊又點?! 將降班既區照搬補返比佢用呀?! size鬼氣...
如果真係想救市點解南華自己唔試下走去元朗同飛馬一齊共用球場即?!  你有錢就港島大球場, 有心不如就重建自己個場啦
愉園最理想乜唔係應該用返跑馬地既咩?! (如有錢不如借港會場點都好過用香港仔啦, 南區果面得一個場成日都full既, 最後練波咪又係返過黎跑馬地練)

重有宜家主場賽有2000人咪又係假象黎, 如唔係vs 南華+有免費飛派下+有新鮮感+如果唔係因區隊關係有區議員班人組啦啦隊(你話大埔呢d新界區隊就話call到d原居民l撐下場即, 你試下係九龍搵鬼撐呀? 咪又係派免費飛)...

尹邦美

睇完球迷世界
真快手, 早就應該啦, 飛馬主場 vs 謝菲聯原來經已整左個幾靚既相信係流動式電子計分牌啦!!

睇返奕臣一條友過3個射入...

StupidPhilip

原帖由 尹邦美 於 2008-10-26  03:59 PM 發表
睇完球迷世界
真快手, 早就應該啦, 飛馬主場 vs 謝菲聯原來經已整左個幾靚既相信係流動式電子計分牌啦!!

睇返奕臣一條友過3個射入... ...

個牌借返黎架咋
好x貴的

StupidPhilip

無上權威的馮sir又一次將一場平平無奇的比賽
搞到現場氣氛熱血沸騰

StupidPhilip

康宏晨曦投訴球證馮家騟
【21:06】2008年10月26日 【on.cc專訊】 在「辣手判官」馮家騟判罰一個十二碼及兩張紅牌下，康宏晨曦今日在甲組聯賽以一比二不敵傑志，晨曦會長兼足總董事周文亮表示該球證經常針對晨曦，將去信足總，以後晨曦的賽事再不用馮家騟執法！康宏晨曦對傑志之戰，在61分鐘一次門前爭頂，球證判罰晨曦十二碼，晨曦大半隊都不忿球證判決，結果高尼路及羅拔圖都因投訴而領第二面黃牌被逐，僅餘九人應戰的晨曦扳平無望，最終以一比二輸波。周文亮說：「我覺得我們被球證針對，而佢亦似乎對球員投訴特別敏感，動不動就趕球員出場。其實當我知今場係由呢位球證執法，已經吩咐過球員要『有禮貌』，千祈唔好質問球證，最好就『say sorry』，但結果球員都係忍唔住，我都唔怪得他們。」

StupidPhilip

高能任香港隊教練資格受質疑
【21:34】2008年10月26日 【on.cc專訊】 足總一名董事今日表示，剛獲足總委任的香港隊新任教練高能，其身份再受質疑，他說「克羅地亞足總的註冊教練名單上並無高能名字，他實際上僅持有一張教練班上堂證書，假如高能再不能出示『歐洲A級教練證書』，將無法達到足總董事局對他的要求，無法入職這份年薪60萬元的工作。」該董事透露假如足總堅持要聘用高能，可再度召開特別董事會，將「必須持有歐洲A級教練證書」一項條款刪除，讓高能上任。

garyi

原帖由 StupidPhilip 於 2008-10-26  10:04 PM 發表


高能任香港隊教練資格受質疑
【21:34】2008年10月26日 【on.cc專訊】 足總一名董事今日表示，剛獲足總委任的香港隊新任教練高能，其身份再受質疑，他說「克羅地亞足總的註冊教練名單上並無高能名字，他實際上僅 ...

狄恩擔正

StupidPhilip

大連鵬長傷
宋濤表現算ok
下場對大埔見真章

射手shooter

原帖由 尹邦美 於 2008-10-26  13:57 發表

唔好玩分乜鬼區 , 簡簡單單你本身有區隊既就繼續, 無區既分區重點其實最緊要就係比到個可以長期優先使用既球場佢用經已夠數啦;
分區真係多餘, 用得既場經已唔多好似淦源呢d一降班之後點算?? 重繼續分個區比個場 ...

, 先做好個場地優先使用先啦,起碼職球員唔使望門輕嘆

夾硬分區只會有反效果

Eggio

原帖由 StupidPhilip 於 2008-10-26  10:04 PM 發表


高能任香港隊教練資格受質疑

該董事透露假如足總堅持要聘用高能，可再度召開特別董事會，將「必須持有歐洲A級教練證書」一項條款刪除，讓高能上任。

高能係主席契仔?

尹邦美

原帖由 StupidPhilip 於 2008-10-26  10:04 PM 發表


高能任香港隊教練資格受質疑
【21:34】2008年10月26日 【on.cc專訊】 足總一名董事今日表示，剛獲足總委任的香港隊新任教練高能，其身份再受質疑，他說「克羅地亞足總的註冊教練名單上並無高能名字，他實際上僅 ...

宜家先知足總有條咁既例既...
咁以前果d有幾多個係A級?!

尹邦美

原帖由 StupidPhilip 於 2008-10-26  07:08 PM 發表
個牌借返黎架咋
好x貴的

如果係由飛馬負責既話呢d濕碎錢黎...

2076

入馬場

今天「永不回望」出賽，我到了馬場，入場前，太太問我有沒有機會拉頭馬，我綜合了我今天看報章的預測，和練馬師對我說充滿信心的說話，對太太說：「應該會，你穿得漂亮一點。」

我又約了朋友一起入場．朋友見我平時很投入，今次既然叫到，便拉隊捧場，充滿期待．

我是個投入型的馬主，平時很關心馬匹，常去探望牠們，餵牠們吃蘿蔔鼓勵牠們，我平時又跟練馬師緊密聯絡，和副練、騎師和馬伕都「有兩句」．

朋友每問到我關於馬匹操練情況和狀態，我都表現得很清楚，有問必答．

馬匹出賽，我都會入場，會落馬匹亮相圈．

今次，練馬師賽前對我說，永不回望很好狀態，有鬥心，好想贏．

副練又來打招呼，說操練很好，我問他怎知道，是不是騎師告訴他，他還說：「操馬，我來操便成，騎師騎馬就叻，邊識操馬？」他這樣說，我便這樣聽．

騎師來握手，說這是一匹好馬，落在他手一定會有好表現，今天會盡力，坐位望贏．

連永不回望踱步到我面前，都好神氣地向我點頭擺尾，顯示得好有信心．

結果令我又一次失望．

離開馬場時，朋友們都不出聲，沿途我聽了不少馬迷的揶揄說話，例如說永不回望身價又高，質素最好，（這場賽事中）評分最高，用好的外藉騎師，馬主又「高調」入場，但竟然一次又一次令人失望，有無搞錯．．．．

其實，馬又不是我操的，我又沒有給策騎指示，我又不知道騎師有沒有盡力，又不知馬匹有甚麼心理問題，輸了場馬，我最不甘心，也和馬迷一樣失望，不過也明白馬迷心情．

賽後，練馬師致電給我，分析了今天賽事永不回望的走勢，和輸的原因；他又說這兩三星期會加強操練，稍後再向我報告最新情況，這些都是聽過很多次的話．

最後，我只好繼續鼓勵他，叫他操練好些，下次繼續努力．

在此，我亦對今天關心永不回望的馬迷說聲不好意思，再次令大家失望了．

永不回望是一匹很高質素的馬，配合天時地利人和，仍值得看好，即使出師不利，我仍不會放棄栽培牠．

http://hk.myblog.yahoo.com/scaablog/

假得佢ar

[ 本帖最後由 2076 於 2008-10-27  02:06 AM 編輯 ]

阿sa

原帖由 StupidPhilip 於 2008-10-26  10:04 PM 發表


高能任香港隊教練資格受質疑
【21:34】2008年10月26日 【on.cc專訊】 足總一名董事今日表示，剛獲足總委任的香港隊新任教練高能，其身份再受質疑，他說「克羅地亞足總的註冊教練名單上並無高能名字，他實際上僅 ...

無牌教頭

射手shooter

原帖由 2076 於 2008-10-27  02:04 發表
入馬場

今天「永不回望」出賽，我到了馬場，入場前，太太問我有沒有機會拉頭馬，我綜合了我今天看報章的預測，和練馬師對我說充滿信心的說話，對太太說：「應該會，你穿得漂亮一點。」

我又約了朋友一起入場．朋友見我平時很投入，今次 ...

其實佢做團體經理的呢兩隻馬(永不回望,同心協力)表現都算係中規中矩,起碼都叫贏過,當然質未必係佢講到咁高

我倒想睇下佢正式名下的"羅馬"係咩料,外地戰績幾靚

Reina Tanaka

原帖由 尹邦美 於 2008-10-26  01:57 PM 發表

唔好玩分乜鬼區 , 簡簡單單你本身有區隊既就繼續, 無區既分區重點其實最緊要就係比到個可以長期優先使用既球場佢用經已夠數啦;
分區真係多餘, 用得既場經已唔多好似淦源呢d一降班之後點算?? 重繼續分個區比個場 ...

等等...
邊個話港職聯有升降制....?????

南華主場係大球場....幾十年前已經被公認...
幾年後要拆的話都唔知點算

[ 本帖最後由 Reina Tanaka 於 2008-10-27  08:42 AM 編輯 ]