|
|
樓主 |
發表於 2008-11-18 01:03:15
|
顯示全部樓層
做人應該有始有終, 所以, 點都要同大家分享番! 
星期日卒之做左呢一生牛的第一次, 第一次去見左女朋友家長啦! 仲要係一次過, 見晒主人的嬤嬤, 媽媽同埋爸爸. 之前一日已經打去酒樓問有冇得訂位, 咁樣做野先有周詳計劃, 訂左11點半, 但阿姐臨收線之前突然補左一句: 話如果冇位的話, 一樣要等! 所以梗係早少少去自己等, 總好過要長輩等. 11點正就到左酒樓啦, 一路打PSP, 等左3個字左右啦就有位, 直情係坐正門口, 都覺得唔係太好架, 但係又怕要再等又唔知道等到幾時, 所以都ok啦. 我總共係洗左3次杯, 梗係啦! 如果隻杯隻碗有少少乜野唔乾淨的話, 就梗係我的問題! 如果連少少野都做我唔好, 咁樣, 以後點樣去照顧人地個女?
12點左右, 女朋友同嬤嬤, 媽媽, 爸爸都一齊到左, 我有叫到嬤嬤同uncle但因為坐的位置問題, 所以冇機會叫auntie, 但女朋友好醒目咁提我未叫阿媽, 因為佢話阿媽care, 所以即刻主動叫番聲auntie, 而auntie都聽倒! 於是, 大家就叫野食啦! 點心大家都係食黎食去都係嗰d, 冇乜特別驚喜, 不過都講下第一味黎到到燒腩仔先啦. 原來嬤嬤鐘意食燒腩仔, 所以就叫左碗白飯, 雖然一開頭就只係畢左半碗, 但後來, 都係嬤嬤一個人食晒啊! 話說燒腩仔一黎到的時候, 大家都「按兵不動」, 之後女朋友細細聲話不如你夾比大家食, 於是我就立即起筷夾啦, 媽媽有d驚愕, 心諗: 你條死肥仔真係咁肚餓, 咁鬼死冇禮貌, 唔讓長輩先行起筷? 不過我相信當我一夾就夾左舊燒腩仔比auntie之後, 應該問題, 係迎刃而解啦! 夾餸比長輩應該加分! 哈哈! 不過其實主動夾餸比長輩的主要原因, 其實, 係因為如果唔夾比佢地先, 我, 又邊度有得食架? 所以我食完一舊燒腩仔之後, 就即係起勢夾第二舊燒腩仔比大家啦! 雖然大家係仲未食完, 不過我覺得, 都應該比大家領教一下我「機動式」的食法! ;-)
之後的炒飯同炒河都係我夾比大家架, 都冇乜特別. uncle冇乜野講架, 就係同我搶晒d茶壺走, 要我自己爭番一個返黎先得囉! auntie好多野講, 主要講下中藥, 同主人好似啊! 不過講真, 都係有心機去聽佢講, 因為對自己身體好既, 聽下都無訪啦! 埋單都係4xx仲要係頭添, 中午茶而大家都飽晒, 我覺得都ok呀! |
|
IP卡
狗仔卡
發表於 2008-11-16 13:24:20
顯身å¡
發表於 2008-11-19 15:58:29
發表於 2008-11-19 18:57:02
