09/10 香港足球討論區 4

Roberto Mussi

原帖由 尹邦美 於 2010-1-13  12:51 PM 發表

點為之叫有心定無心搞??  
大家都係明知所有附出都係蝕既都肯出黎玩, 好似小露面既貝生每年都出左唔少錢同關係包底, 呢d點計??

其實靠老闆搞, 真係死得, 除非個個都係油王
最近有版友將自己過去多年來的香港聯賽球衣珍藏post左係球衣版
睇番d 心口sponsor, 全部都係大企業
商業支持真係好重要

Lingling316

原帖由 尹邦美 於 2010-1-13  12:51 PM 發表

點為之叫有心定無心搞??  
大家都係明知所有附出都係蝕既都肯出黎玩, 好似小露面既貝生每年都出左唔少錢同關係包底, 呢d點計??

點都要建立一個商業經營制度, 提升質素, 咁先有人去睇, 我想問港職聯幾時有?

尹邦美

原帖由 Roberto Mussi 於 2010-1-13  01:16 PM 發表
其實靠老闆搞, 真係死得, 除非個個都係油王
最近有版友將自己過去多年來的香港聯賽球衣珍藏post左係球衣版
睇番d 心口sponsor, 全部都係大企業
商業支持真係好重要 ...

無老細足球又點搵到心口sponsor, 又點會有隊波??
商業sponsor都同老細關係甚廣, 就算唔係班主都係唔想出面既拍檔背後支持...
舉例:
- 精工 & 寶路華=黃創山&黃創保兄弟(兩隻名錶都係由佢廠出)
- 老牌球會則有星島=胡好, 80後由妹胡仙承兄遺志繼續支持至98官非先退出
- 90前後就大混亂, 借殼既真係唔少, 出面搏上位/背後支持當賣廣告happy玩下...
麗新花花=麗新 > 東方=林氏兄弟既麗新集團=鱷魚恤(名少 & 岳少輪流玩)
鐘錶大戰: 依波路(林偉華) & 米芝路;
字典大戰: 聲控通(尹志樂), 快譯通(譚偉棠), 好易通
- 出名兩隊
愉園向來由係中資背景, 所以先有青島啤, 中銀集團, 駱駝漆; 之後官生=Libray=永義國際+拍擋林大輝=半島(雖然唔係佢但話晒係重臣)
南華可以講最大外來sponsor一定係可口可樂, 其他天天漁港, 耀科國際都係當年入主過南華足球部所致

何況歐洲大把老細足球, 問題係老細會唔會落手乜都管? 無專業既管理先係問題, 形成香港老細足球係一種另類特色, 尤其有機會惡過足總...

StupidPhilip

2010/1/13 - 試腳和停賽

球隊在上週六與愉園進行友賽以3:0勝出，雖然球隊的表現一般，但成功把握機會取得入球。賽果勝敗並不是球隊最關心的，今次友賽的另一主要目的是測試2名「試腳」球員；來自日本和澳洲的加藤康弘及比查美在比賽時的能力及與球隊的整體配合。

日本藉球員加藤康弘在友賽中非常「搶鏡」，並取得1個入球。但他的踢球風格偏向個人化，加上他已經回國處理事務，最快亦要在月尾才能回港。故此現階段球隊暫時不會商討合約問題。澳洲藉球員比查美屬於工兵型中場，踢法實而不華，來港前效力昆士蘭獅吼（現稱布里斯班獅吼），經驗相當豐富。惟一考慮是其年齡問題，能否在90分鐘內保持活力仍有待觀察。



另一方面，隊中2名主力球員徐德帥及馮啟匡因在12月26日高級組銀牌賽後不服球證判決，與球證爭論期間出言辱罵，昨日被紀律小組處罰分別停賽6場及5場。即使能夠「以罰款代刑」，2人亦需停賽3場。雖然如此，球隊不會因而急於增援，因為隊長法圖斯已可復出代替馮啟匡的防中位置，而球隊亦希望藉此機會給予2名青年球員楊賜麟(6號)及談樂軒(19號)更上陣機會。本月24日球隊將作客深水埗運動場對四海流浪，屆時除了徐德帥及馮啟匡不能上陣外，中場保連奴亦需停賽。故球隊的中場線將有所變動，但相信仍有足夠實力與對手周旋，增兵之事亦不而操之過急，但不排除在稍後時間再有新援「試腳」。

2名巴西藉外援拉菲亞及路蘭已經在1月初返回巴西，前鋒拉菲亞在技術及態度等各方面均有專業表現，惟始終未能融入球隊踢法，故無奈地與球會解約。

StupidPhilip

南華宣佈斟洽薛琦鉉失敗 -南華blog

今晚向大家發放的最新消息，南華宣佈斟洽薛琦鉉失敗。
在有關消息傳出後，球迷對於薛琦鉉加盟南華的意見不一，現在宣佈薛琦鉉拒加盟南華，由於這個消息是我最先對外公佈的，今天寫這篇網誌，頗有點難堪。
事實上，在我公開薛琦鉉名字之前，已取得99.99%把握，餘下的0.01%，理論上不應該在專業的足球世界中發生，但不專業的事情還是發生了。

斟洽球員，理論上是3個單位之間的事：1)
南華
2) 富咸
3) 球員經理人
感謝富咸合作
其中富咸的professionalism，我們不會質疑。

在1月12日，我們已收到富咸的協議書，有關薛琦鉉轉會南華一事（最初洽談借用，最後我們獲富咸同意轉會）。
同日，富咸已將薛錡鉉的護照副本，和轉會紙傳真到我們手上。為爭取時間，我們已將有關資料呈交香港足總存檔，希望爭取在薛琦鉉1月14日到港後，立即辦註冊手續。
在這件事件上，南華和富咸都做足了符合球員轉會手續的規格，南華亦很感謝富咸的合作和協助。
「轉會」是經過富咸的球會總秘書，取得球會主席Mr Al-fayed同意下，我才在網頁作出公佈的。
球員經理人不代表球員？
而「經理人」和「球員」，是同一個單位。
理論上，經理人出了proposal和確認信件，而南華亦在有關信件上簽署確認所有條件，有關斟洽程序便已完成，球會是不會直接與球員傾談的。

今次是薛琦鉉經理人代表他同意條件，並和富咸、南華作口頭和書面交代，但之後薛琦鉉拒絕簽署一份關於轉會的「經紀聲明」文件，交給球會。
富咸對於事情發展亦感到突然，昨晚和我們溝通，表示立即約薛琦鉉開會傾談，我就等消息等到深夜二時。
會議之後，我收到富咸高層朋友的sms，他說游說會議進展良好，但薛琦鉉決定sleep on it.
Sleep on it?
收到sms後，我還問太太：「薛琦鉉sleep on it，即是怎樣？」

sleep on it，即是考慮一晚，明天才作決定。
當時我已經很疲累（其實公司同事已開始籌備星期五的新聞發佈會，還已經向adidas提及準備球衣發售），但薛琦鉉還要sleep on it？
太太叫我：「咁你都快些sleep啦，明天再等消息。」
今晚收到的消息，是薛琦鉉與富咸提前解約，他將飛返韓國，稍後宣佈加盟一韓職球隊。
薛的經理人與我們聯絡，說不好意思，薛琦鉉的意思，待遇不是最大考慮，並相信效力韓職球會，對其入選國家隊踢世界盃的機會較大，這是他目前最大的夢想。

蹅前一步
關於外援一事，我們一直繼續在各途徑努力，如有最新消息，將會盡快公佈。
我希望香港足球要繼續爭氣，我會緊記，香港還要付出更多努力，才可再踏前一步。

尹邦美

呢場戲又完成了...

WainSeven

99.99%
球員經紀人大過球員?

cavasake

原帖由 WainSeven 於 2010-1-14  08:04 AM 發表
球員經紀人大過球員?

一向都係...

射手shooter

當然係返韓職好過啦

傑夫仔

狼來了都呃唔倒人咁多次啦  
d報紙仲當真咁報
佢講d野信三成都覺得多

2076

又中計
我發覺佢咁早開名最後都唔會簽到
科拿,查度,基士文,薛琦鉉

WainSeven

原帖由 cavasake 於 2010-1-14  08:13 AM 發表

一向都係...

除非係泰維c o個隻賣身者唔係球員不嬲都有最終決定權架啦

GazzaLo

咁有得揀幾大都返韓國啦

話時話, 佢而家國家隊status係....?

歐石南

原帖由 WainSeven 於 2010-1-14  08:04 發表
99.99%
球員經紀人大過球員?

球員經紀人應該=球員
唔係要球員經紀人仲咩?
球員唔想去球員經紀人無理由可以同球會簽野架播
球員經紀人係黑社會另計

尹邦美

原帖由 歐石南 於 2010-1-14  04:58 PM 發表
球員經紀人應該=球員
唔係要球員經紀人仲咩?
球員唔想去球員經紀人無理由可以同球會簽野架播
球員經紀人係黑社會另計

球員經紀人係王親國戚做或者都有咁既效果?!
令我諗起卡卡舊年單野...

Lingling316

以前晨曦有個清野智秋, 依家去左WHERE

Manu super fans

原帖由 Lingling316 於 2010-1-14  07:00 PM 發表
以前晨曦有個清野智秋, 依家去左WHERE

好似係日本有d事，人間蒸發左，晨曦都搵唔到佢

henrytam

原帖由 2076 於 2010-1-14  11:49 AM 發表
又中計
我發覺佢咁早開名最後都唔會簽到
科拿,查度,基士文,薛琦鉉

如果佢講真,我又覺得佢話好大機會簽到係合理喎
經理人照計已經係代表球員

尹邦美

原帖由 Manu super fans 於 2010-1-14  09:33 PM 發表

好似係日本有d事，人間蒸發左，晨曦都搵唔到佢

懷疑欠債著草中...

傑夫仔

原帖由 尹邦美 於 2010-1-14  09:47 PM 發表

懷疑欠債著草中...

again?