|
|
發表於 2011-10-25 18:06:31
|
顯示全部樓層
之前打既, 遲咗回唔好意思
亦唔好意思搞到大家離咗題
其實上網勿認真, 都係得閒上黎吹下水, 小弟做番CDROM,都並非完全係”小器”或者”嬲”咗HKCM
只係覺得目前自己並未適應意甲帖既討論氣氛, 所以選擇轉番做全職CD-ROM
小弟一向鍾情於帶點熱血激情既理性討論
但激情既前提係討論過程盡量對事不對人, 所謂”不對人”係指發言既”板友”而非討論緊既”球員”, 儘量避免因人廢言 (就當所有網友都”無名氏”身份?)
我自認言論有時會爭議性, 非主流甚至”偏激”, 以致有所冒犯, 但其他人同樣可以針對論點黎反駁我, 前提係要言之成理, 小弟就比較不喜不問因由直接抽水
就算極端啲講假設有人發POST話”美斯垃圾”, 只要言之成理既, 一樣有討論空間,但如果直接一句 “你睇咗波幾耐?”, “小學雞?”咁釘埋去, 就變得同討論原意違背。OK到季尾美斯真係入足50球, 咁板友是咪就要圍攻佢, 切人J? 其實都可以從結果分析番當初佢提出”美斯垃圾”既論點謬誤之處, 大家都學到野
我相信咁耐以黎都一定失過言/抽過水, 呢樣要SOR, 但討論方向盡量都係針對事的(例如我反保方/高路斯既長遠作用, 而唔係反高路斯/保方本人甚至佢地既支持者)
今次以下幾句”導火線”都算係要考驗EQ,
原帖由 stephenlion 於 2011-10-23 11:54 PM 發表 
eat this shit for me
原帖由 stephenlion 於 2011-10-23 11:55 PM 發表
無睇開就唔好又扮代表喇大哥
[暴怒技]老實講之前好地地傾開英國體育文化, 我列舉咗4, 5樣運動舉證英人傳統上”樣樣玩, 冇樣精”既論調, (其實都唔係咩創新觀點, 上美國論壇班友好鍾意抽英國水, 包括體壇, 你玩GTA有幾個電台廣告直頭抽英人抽到應一應) 而家足籃板網既例子又唔駁, 英人96奧運拎得2塊金牌既事實唔駁, 剩係周住小弟記錯欖球世盃年份一樣野(呢點甚至與本論無關), 而且我又唔係賭J冇找數, 唔使咁勞氣吧. 就算我語調串嘴, 都係針對”英國體壇”而唔牽涉人身攻擊, 冇加幾個101沖淡語氣算係我唔著
其實上網勿認真, 認真就輸了, 我個人都唔太反感被串嘴的, 抽水/罵戰都係一種網絡文化, 並冇話好定唔好
但抽水文化就未必能為小弟期望既理性討論創造有利條件
因為網友自身都係有情感的, 冇人希望自己被抽插, 搞到人人都傾向安全, 只發一啲”美斯好勁, 伊巴又入, J辛寶刀未老, 阿媽女人”既主流觀點. 久而久之, 總有人會怕悶
小弟自問都發咗近4000個貼, 扣埋啲洗皮POST, 發表過既論點都應該過百, 我支持卡辛/林美拿/梅度/古天奴/享利冇人提, 剩係釘住一個保方/高佬並無限放大, 意義亦唔大
而且我大部份招串既論點, 都係一啲老將POST (保方, 托迪, 白蘭特, 高佬, 伊巴?), 個人甚至多數都唔係針對佢地球技, 只係針對以佢地年紀, 部份人繼續做球霸會窒礙球會長遠發展, 於是建議儘快”沽貨”或”淡出”而已. (好似托迪, 我針既係佢作為隊長, 卻年年打交踢人見紅, 被教練換出帶頭發脾氣, 加上年齡偏大需要考慮淡出, 而唔係話佢球場上發揮唔到作用; 而白$$$蘭特, 佢貪錢反出快艇時晌爛艇科林曾被群起圍插)
反元老既主因係眼見一大班攤抖大叔近年幾乎害死意甲, 高薪清唔走之餘又賣唔到錢, 仲阻住後生上位
但批評呢類曾經叱咤風雲既(即將過氣?)球星都係逆天招罵的, 因為可理解球迷有著太多不能割捨既情感因素(新不如舊?), 或者有部份資深球迷可能因私務繁忙一段時間冇追波, 以致忽略部份神枱級老球皇呈退化既實情
小弟係個體育迷, 可能會對某啲冷門運動知多些少, 但從來都無意認叻. 因為深信每個人既知識領域範疇都好唔同, 每個人都總會識啲人地唔識既野, 好似你叫小弟講電腦知識, 娛樂新聞, 我都投降, 所以只係揀熟果啲TOPIC先敢講
知識係相對的, 就算你係某方面既專家, 都總搵到晌呢方面更專業既高手; 相反你只係對意甲略知皮毛, 講意甲時都可以屈一個完全唔睇波既人機, 所以根本冇認叻既必要, 亦無需要質疑人”無睇就唔好亂講”. 當然, 我入西甲帖都唔敢亂黎, 因為專業程度同魯爾兄真係差十萬八千里, 可能要去西班牙捉個資深球迷入黎提場先有機會過到招
[自此做潛水X?] 互聯網係自由流動既, 有人出出入入好正常, HKCM係一個非常給力既論壇, 可惜我暫時未完全適應到現有討論模式, 我亦從來無意改變任何地方既固有文化, 加上開始忙, 所以轉番做CDROM會好啲. 不過將來意甲有球隊入到ECL決賽, 或者祖記重返ECL四強之日, 我當日都會上水一賀(等帕馬復興就2046了吧)
我冇走, 做番cdrom姐, 真心期望意甲帖可以多番啲人流, 踏上復興之路 |
|
IP卡
狗仔卡
顯身å¡
發表於 2011-10-25 09:03:54
發表於 2011-10-25 16:24:59
