|
|
樓主 |
發表於 2013-6-29 08:11:24
|
顯示全部樓層
本帖最後由 Raul_Gonzalez 於 2013-6-29 09:42 編輯
回復 319# .保路.
RB 季後已做成好多單入貨, 有意請回帶幾頁吧
咁快留意艾捷／埃爾切同艾梅利亞? 等佢地為升班組軍之後再算啦
其實兩隊陣中不乏西甲舊將 (不一定係隨隊降班), 大多數人都冇乜好講
咁我不如講下兩個主帥...再提下個別較值一提球員
法蘭.艾斯基巴
65年出生, 現已四十八歲
青訓於家鄉母會華倫西亞, 但冇成為職業球員
教練生涯都喺家鄉母會華倫西亞開始, 教青訓教到上B隊, 後來就跟咗華倫西亞名宿閘衛前西班牙國腳基基.山齊士.科里斯, 做佢多年多會副帥, 直至佢決心轉當主教練先分道揚鑣
艾爾捷就係首間以佢為主帥嘅球會, so far 搏贏咗, 起碼成功爭取廿五年後重返西甲啦已經
佢個樣確係幾似摩連奴, 連成名作都係強調大致控制場面並要後防穩健作為爭勝基礎...
艾爾捷本季只入五十四粒 (哥路(明拿斯), 記得佢嗎? 曾是愛斯賓奴自家製副隊長, 右腳前鋒或翼鋒, 12-13季內已經男人三十, 佢入十二粒已係西乙A冠軍的隊中射手鳥; 緊隨其後係死球專家左翼衛, 會主射罰波同十二碼嘅伊度.艾巴卡, 三十三歲仲未踢過西甲), 大把西乙A球會入得多過佢地 (包括入波最多兩隊 -- Castilla, 巴卡B)
但佢地失波真係好少, 廿二隊四十二場嘅西乙A 12-13 佢地只失廿七球 (主力門將曼奴.靴里拉三十九場只失廿五球而成為本季西乙A薩莫拉獎得主...佢係皇家馬德里青訓棄將, 同卡斯拿斯同係81年出生並曾同處母會青訓, 到後來卡斯拿斯已初捧歐冠盃初贏西甲之後佢就被放走轉到幾層聯賽以下踢起...來季西甲季初佢就三十二鳥, 男人三十有找佢都未踢過西甲)
不過我覺好難寄望佢地來季升上西甲踢出同樣穩守效果 (其一原因係主力中堅艾些達已經落實他投...年少上位畢爾包踢過主力之後失寵被先借後賣, 轉踢艾爾捷幾年得以再上位仲有得重返母會, 已同賓拿治同華爾華迪一齊愛回家)
陣中最值得期待新秀係華倫西亞借將卡利斯.希爾, 左腳輔鋒或翼鋒或技術型攻中...冇錯, 你懂的, 我相信唔少華倫西亞粉已期望佢係下一個大衛.施華...來季佢將被續借艾爾捷, 即係隨隊升上西甲 (未知會否於巴倫西亞打吡中倒戈母會)
另外提下米古爾.柏蘭卡, 多年前作為愛斯賓奴青訓尖子已踢正規軍之後被皇家馬德里帶走嘅翼鋒, 踢 Castilla 時尚且可扭可爆亦能幫補入波, 仲踢過皇家馬德里A隊添喎, 但上唔到位就被棄於西乙A, 轉眼好幾年...
而喺轉講艾梅利亞之前, 當然要講埋去季踢過兩會嘅艾朗.尼古斯 (冇錯, 近日為西班牙踢緊13世青嘅修爾.尼古斯係佢親弟)
想當年西班牙未成年小國腳右腳翼鋒技術優秀, 曾經喺同齡賽屈過下機, 以為華倫西亞實俾位佢上啦, 但結果只俾佢外借流浪 (我指佢真係流浪過好幾間球會), 出國於希臘同蘇格蘭 (格拉斯哥流浪) 之後回國踢西乙A都仲係成長不似預期 (冇辦法, 用波其實唔夠好又冇乜進步, 佢咁扭得爆得都唔討頂級球會歡心), 終於解約轉踢當時剛降落西乙A嘅艾梅利亞
一年半載之後, 西乙A 12-13季中, 佢同艾梅利亞提早分手, 因為佢有更好路數 -- 轉投當時榜首升班大熱, 兼係佢家鄉球會, 艾爾捷
雖則佢哩次轉會之後上陣十幾場西乙A都未為艾爾捷入波或助攻 (想做唐寧 d frd?), 但希望在明天吖嘛
Btw, 佢已經廿四歲, 但真係仲未踢過西甲囉...當年華倫西亞俾佢上陣過幾次都係盃賽
好鳥, 到艾梅利亞...
查維.格拉西亞
前皇家蘇斯達防中, 臨老轉踢維拉利爾, 成為黃潛傳奇故事初始一員
掛靴之後做教練, 帶過卡迪斯升回西乙A, 外流希臘教過波, 但重點應該係以維拉利爾青訓為始, 又離開又回來教過B隊 (未來會否再返去教正規軍?), 到帶艾梅利亞升回西乙A (爭聯賽亞軍就爭輸俾黃潛, 結果季軍順利贏得升班附加賽而達成升班任務)
冇錯, 佢仲後生過法蘭.艾斯基巴, 佢四十三咋
[最新] 佢唔繼續教艾梅利亞!
艾梅利亞係就係其一入波多於七十球嘅西乙A 12-13球會, 但失波夠半百, 輸波場數夠一打, 唔識守只能攻...(也許艾斯迪班早已過期鳥, 佢剛三十八歲生日) (而多名西甲舊將守衛都唔見得特別稱職, 當中前桑坦德自家製主力左閘基斯坦.艾華里斯降班之後就有繼續做得分後衛)
巴西前鋒查理斯已經廿九歲, 西甲以下打滾多年, 終於成為西乙A神射手 (廿七球), 升班附加賽四場入五粒更係頭號功臣, 不過艾梅利亞已留佢唔住...俾切爾達簽咗佢
右腳前鋒, 唔高大但都ok擅踢單箭頭, 有策應可言, 但恐怕難以再昇華, 而且唔係接近頂尖貨色
(阿根廷米9中鋒烏路亞? 季中賣咗俾白禮頓啦)
艾梅利亞已簽 "盧戈C朗" 奧斯卡.迪亞斯, 右腳翼鋒射手 (但可踢箭頭), 又係未踢過西甲人士 (當年只有得踢皇家馬德里B隊, 之後喺馬略卡就被外借, 冇位佢上), 轉踢西乙A 12-13 升班馬盧戈一季就腳風大順而大器(?!)晚成 (就廿九歲), 再轉多次會終於有得踢西甲喇呱
魯賓.蘇亞雷斯, 左腳攻中或輔鋒, 死球及遠射專家, 離開利雲迪之後臨老出國踢過中超, 再回國自行降班幫艾梅利亞升回西甲, 但佢個人表現就疑似過期鳥
細佢十年有突, 同係左腳攻中或輔鋒, 曾經係頂尖 wonderkid, 伊亞高.法基就面臨極早風光不再到此為止鳥...去季轉投熱刺, 外借修咸頓, 再轉借艾梅利亞都無復佢小時候屈機甚或早幾年外借踢黃潛B嘅略顯級數表現, 前景堪憂...外借期滿預期離開艾梅利亞呱
艾梅利亞贏出升班附加賽的另一重要入球者係兩粒得主前鋒阿歷士.維達爾, 其實佢整季聯賽好少入波 (近四十場上陣入得四粒, 雖則佢少有踢正前, 亦以提供助攻為主)
佢都未踢過西甲, 但就比較後生, 尚未廿四歲
最後梗要提埋我喜多年的前 RZ 自家製副隊長費蘭度.蘇利安奴啦! 
重返艾梅利亞, 降班再次踢西乙A, 到二次效力嘅第二季, 已經三十有三嘅全能中場作為後上攻門者入夠一打! 
只不過, 佢來季係重返西甲的話, 就將三十四歲鳥...以活動範圍較大嘅中場中而言（有別於普拿爾，馬迪）, 佢良好狀態隨時可能一去不返... |
|
IP卡
狗仔卡
顯身å¡
發表於 2013-6-29 10:11:27
發表於 2013-6-30 01:06:27
