|
|
我看見阿峰拖著Theresa的手從摩天輪走出來,他這兩個多月來的努力始終沒有白費.作為阿峰的好兄弟,我也替他高興.
之後Miki和Theresa到其家中準備今晚的聖誕聯歡會,而我則和阿峰去灣仔打機消磨時間.
去到遊戲機中心,我忍不住問阿峰關於他和Theresa的事情.
“頭先係摩天輪度你同Theresa表白左?”
“係呀!其實我掙扎左成半個月先鼓起勇氣豁出去.估唔到我唔洗食檸檬.”
“你咁靚仔係女都你啦!想當年我同Miki表白都係一take搞掂.你會買咩做訂情信物?”
“嗯……我多數會買情侶錶.不過買左又要節衣縮食喇!拿,雙打頭文字D好唔好?”
“挑我機?你等俾我炒啦!”
“睇下點!”
接著我倆往櫃台兌換硬幣,然後埋頭苦幹地打機.
真的快樂不知時日過,我看看手錶,原來時間已經去到六時正.於是我倆離開遊戲機中心,行往軒尼詩道乘坐二號巴士線前往Theresa那位於筲箕灣的家.
大約三十五分鐘後,我倆在筲箕灣總站下車,我在阿峰的帶領下一步步走向Theresa的家.接著我打電話給阿新,看看他在那裡.
“嗨!你而家係邊呀?”
“未係Theresa屋企囉!你同阿峰捨得上黎未呀?成班人等你兩個等到頸都長啦!你再唔快D Miki會嬲架!”
“要你地等真係唔好意思,我地而家係樓下上緊黎.”
到了Theresa家門口,阿峰按下門鐘,等候開門.
“佢兩個終於黎喇!去開門先.”在屋內的Theresa說.
我和阿峰進入屋時,連忙向眾人道歉.今次我真的十分失禮,連向來經常遲到的阿新也比我更準時.
入屋後,一陣陣食物香味撲向我鼻,而我的肚子也開始打鼓了.
“各位,今日你地又有口福喇!”Miki笑著說.說罷我們開始今晚的聖誕聯歡會.在我正在享受Miki那例必好味的食物時,在我身旁的浩基靜悄悄的向我說:”我好羨慕你成日有口福,你有冇想過同佢結婚呢?”
和Miki結婚?雖然我有想過,但那有這麼快,我和Miki相識只有三個多月而已.我回應浩基說:”都有既,但太長遠啦!”
另一方面,阿新和Kary有講有笑.
“Michael(阿新的洋名),個party完左你得閒嗎?”
“得閒.咩事呢?”
“我想你車我去兜下風,可以嗎?”
“當然可以.反正我又係時候操番fit架車啦!”
我們吃完桌上的食物,接著的環節就是唱卡拉OK.原來Theresa有很多卡拉OK DVD,當中以容祖兒的佔最多,可見她是容祖兒的歌迷.而我和阿新是李克勤的忠實歌迷,我倆當然不停地唱他的歌曲.不過我倆的歌聲實在太駭人,令Theresa向我倆苦笑著說:”夠啦,你兩個係唔係想隔離屋打去環保署投訴我製造噪音?”
“Sorry,我地果然係’我不會唱歌’,我地最多細聲D喇.”阿新說.
到了中段,Kary將Twins的卡拉OK DVD放進DVD機內.
”Damn!”我衝口而出說
在旁的Miki問我:”Twins好乞你憎咩?”
我:“冇錯.佢兩個有咩好者?佢地只不過係sell樣咋.唔係人人都係鍾意Twins架.”
雖然我不喜歡Twins,但我不可以干預他們唱Twins的歌曲的自由.當他們唱Twins的歌曲的時候,我正在打嗑睡.之後浩基和Stephy合唱梁詠琪的歌曲,阿峰向我說:”阿立,起身喇!你最鍾意既Gigi呀!”
相對於浩基和Stephy的歌聲,我的歌聲實在太差了.到了晚上十一時,我們離開Theresa的家,各自繼續自己的節目.當我和Miki行經電車總站時,一輛編號120的舊式電車正在上客,準備開往上環西港城.
這時Miki被這輛舊式電車吸引,說:”趁我地仲有時間,不如坐呢架電車啊!”
我:”你真係有眼光,呢架電車全港只得一架,今晚唔坐第日唔知幾時再有機會.”
於是我倆登上電車,在上層其中一排雙人座位坐下.這輛舊式電車不僅車外散發著古典的味道,連車內也是.而車廂內的燈光比其他電車更為柔和,很有浪漫的氣氛.這輛舊式電車不失為一個拍拖勝地,怪不得Miki被它吸引著了.
在這次車程中,Miki全程倚在我的肩膀上.沿途我倆一面看那宏偉壯觀的聖誕燈飾,一面互訴心底的說話.當電車差不多到上環的時候,Miki突然吻了我一下.
Miki:“架電車實在太romantic喇!我都忍唔住.”
我:”呢度話晒係公眾地方,咁做唔係太好.”
Miki:”唔緊要啦!架電車得番好少人之嘛!”
過了一會,電車駛到上環西港城,這次旅程是時候劃上句號.我倆下了電車,走向地鐵站乘坐地鐵回家.
新一年即將來臨,環顧2003年,對我影響最大的事莫過於認識了Miki這位可愛的女孩子.不過我也失去了一些東西,那就是我和大學時代我暗戀的女同學失去聯絡,但我對她已沒有任何感覺.展望2004年,我希望可以開開心心地駕駛巴士,以及和Miki的感情可以更穩定地發展.而我在新一年亦要加把勁地儲錢,以便他日能夠和Miki結婚.
待續 |
|
IP卡
狗仔卡
發表於 2004-5-13 22:50:46
提升卡
置頂卡
沉默卡
喧囂卡
變色å¡
顯身å¡
發表於 2004-5-14 08:28:09
發表於 2004-5-14 12:43:45
