|
|
白賴仁………………………………………………………………
Chapter 6
==晚飯時間==
由於未開得飯, 所以大家都討論緊白賴仁o既事
登勤: 「 如果白賴仁有咩冬瓜豆腐o既話…咁…咁…  」
肥勤: 「 係囉係囉, 如果白賴仁有咩冬瓜豆腐既話……咁我借比佢果皮野咪冇得還﹖」
阿爆: 「 你點可以講d咁既野架!!」
阿爆一派正經咁教訓肥勤
阿爆: 「 我借左兩皮野比佢都未出聲呀, 你借左一皮野比佢就搶左我想講o既野黎講﹖豈有此理!」
呢個時侯航仔拎左碟送出黎
西巴: 「 呢碟咩送黎架﹖」
航仔: 「 呢碟咪就係冬瓜炒豆腐囉~」
登勤: 「 你係咪玩野呀航仔…我都未聽過有呢味送既  」
航仔: 「 菜色係人諗出黎架姐, 何況廚房只係淨返呢兩樣野, 所以我咪將佢地炒埋一碟囉~~」
第二日放工之後, 大家換晒衫準備去睇下白賴仁死唔死得~
Yoshiki: 「 喂, 我有車呀, 大家一齊坐我架車啦~」
肥勤佢地即刻面有難色
肥勤: 「…唔洗麻煩你啦, 我自己有車啦。 阿爆、西巴、迪比, 我借多兩架車比你地啦~」
登勤聽到肥勤咁講眼都凸埋! 
登勤: 「 嘩, 肥勤, 乜你咁有錢架, d車多到可以借比人~」
肥勤: 「 冇~~ 我見前排有d錢, 咪大量入貨囉, 入左3架 BMX!」
登勤: 「 … 我明白喇..」
肥勤等人就騎左架BMX去, 而七狼、西巴等人聽左肥勤忠告後揀左搭的士~
Yoshiki架車雖然係七人房車, 但係就只有航仔同登勤肯搭
航仔一上車就博晒老命咁死拉住安全帶
登勤見到就問喇
登勤: 「 航仔, 你做乜捉得咁實呀﹖」
航仔細細聲咁講: 「 登勤, 你唔帶安全帶既話你會後悔架．．．」
Yoshiki: 「 開車啦!!」
一出到局門口, 架車就已經開到50咪咁快!
登勤即刻頭下腳上咁攤左係度~
登勤好辛苦咁嗌救命
話咁快架車已經差唔多到達醫院喇
醫院前面有個迴旋柱
但係Yoshiki似乎冇減速…
架車此時開到百二咪!!!
航仔諗住叫停Yoshiki, 但係YOSHIKI好似車神上左身咁, 繼續衝
YOSHIKI: 「 就到架喇!」
就係YOSHIKI架車去到迴旋柱既時侯, 隔離有架警車飛快咁衝埋去YOSHIKI架車度!!
兩架車都開得好快…結果架警車攔腰撞去YOSHIKI個位度!!!!! 
「 O彭 」一聲 兩架車炒埋一碟!!
西巴佢地搭架的士趕到, 見到YOSHIKI架車成個車頭扁晒!!
西巴佢地即刻走到埋去, 救出左登勤同航仔, 兩人都冇乜事, 但係YOSHIKI……
搞左陣, 佢地終於入到醫院探白賴仁…
阿爆: 「 大家收拾心情啦, 白賴仁都唔想見到我地咁樣…  」
登勤: 「 佢見得到咩..」
阿爆隨即醒左登勤一拳!!
入到病房後, 佢地見到有個醫生個護士企左係度~
佢地見到白賴仁之後都好驚訝!
登勤: 「 估唔到…我咁都見唔到白賴仁一面…」
阿爆就問醫生喇
阿爆: 「 醫生, 做乜佢會調返轉黎訓既﹖﹖」
醫生: 「 哦, 係咁既~由於病人被炸傷左個臀部, 為免壓親個傷口, 所以我地咪將佢反轉訓囉~」
一聽到 “臀部” 呢兩個字, 白賴仁似乎有反應!
登勤: 「 你地睇下!」
航仔: 「 咦, 佢有反應啦!!」
西巴: 「 嘩…  」
白賴仁真係有反應! 眾人見到佢不停咁樣扭籮柚．．．
阿爆: 「 醫生呀…點解佢…」
醫生: 「 呢種情況我以前都未見過架啵…可能係由於傷者被炸傷臀部既印象太深刻, 所以佢一聽到臀部個反應就…」
白賴仁繼續起勢咁扭!!! 扭到張床都爛咁滯!
登勤: 「 醫生呀醫生, 你想辦法搞返掂佢..個PAT先啦  」
醫生: 「 姑娘, 同佢打支鎮靜劑啦」
護士: 「 打係邊呀..」
醫生: 「 籮pat囉~」
個護士打左支針係白賴仁個patpat度, 但係對白賴仁好似冇乜用咁, 佢繼續咁扭!
肥勤: 「 喂醫生, 佢仲係咁既﹖」
護士見到咁樣就即刻拎起一堆鎮靜劑起勢咁插落去白賴仁個pat果度!!
白賴仁終於停左啦~
阿爆: 「 …咁樣佢會幾時醒返架醫生..」
醫生: 「 好難講, 快則聽日, 慢則唔知幾時~」
阿爆: 「 你d答案都好咩啵…」
眾人望住白賴仁..果個插左好多支針筒o既屁股．．．  |
|
IP卡
狗仔卡
發表於 2004-8-5 15:55:21
提升卡
置頂卡
沉默卡
喧囂卡
變色å¡
顯身å¡
可能唔見佐 
發表於 2004-8-5 18:54:59
發表於 2004-8-5 18:59:08
發表於 2004-8-6 00:06:07
