|
|
『 仲記得茄雲以前問我o既夢想、 我o既目標係乜野o既時侯, 我總係求其答佢, 敷衍下佢…但係如果有機會再答一次o既話…我會答佢… 我 想做一個最好o既消防員… 』
阿爆企係茄雲個墓前喃喃自語
茄雲半年前遠足o既時侯失足跌左落山死鬼左…
~~西人永遠墳場~~
阿爆、 七狼、 蝦仔等人一齊去左探蘇甘甘同登勤
蝦仔: 「 登勤…我地黎探你喇…雖然你份人斯斯文文, 冇黎醒神, 兼且成日得罪人…但係我好高興識到你…我今日帶左你最意食o既北姑雞黎探你呀~」
登勤媽鬼鼠地出現
登勤媽: 「 你地真係有心架喇, 我個仔識左你地班豬朋狗友真係佢o既福氣呀…不過可惜佢咁早就去左, 個準新抱又唔知飛左去邊…你話以後邊個比錢我洗先得架!!..  」
登勤媽愈講愈傷心…
阿爆: 「 登勤媽, 都過左咁耐喇…你節哀順變吧啦!」
史談行到蘇甘甘墓前幫佢剪下雜草
史談: 「 唉…蘇甘甘, 你份人就冇乜點, 不過衰在短命…」
故事時間為大火後兩年, 阿爆、 蝦仔、捷禾被調往田心消防局已3個月
~~田心消防局~~
阿爆: 「 team c報車更!!」
一天o既工作又開始喇
阿爆: 「 team c報完車更, 隊長有乜吩咐呢﹖」
高級消防隊長阿麥: 「 冇野要講呀, o拿o拿聲交更比我返上去訓覺啦, 尋晚睇通宵波呀死鏟!!」
阿麥細細聲同阿爆講
阿爆: 「 team c four out!!」
呢間消防局唔興打排球而喜歡踢足球
~~操場~~
阿爆: 「 看我的!! 唏!!」
阿爆一腳鐽左去龍門後面
蝦仔: 「 做乜唔傳比我呀!! 我空晒架小!!」
阿U: 「 傳比你都冇用架啦, 你空門都飛機既~」
阿U係剛出班o既黃毛小子
蝦仔大怒!!
蝦仔: 「 豈有此理!! 你老…」
<<叮咚咚叮>> [ 特別服務 高山被困 田心去升降台, 大搶救, 地址係關海山]
~~關海山~~
有個老外見到消防車黎到就即刻撲埋去!!
老外: 「 賣巴打獲士囉士特!! 皮禮斯hell me!!」 (*斜字為雞腸)
阿麥聽到一頭霧水 
警員桉桉出面同老外雞同鴨講咁搞掂佢
桉桉: 「 未艾hell u﹖」
經過一輪七咀八舌、 唔咸唔淡、 慘不忍睹o既交談後終於得知道有個老外失左蹤
阿麥即時作出英明o既決定! 
阿麥: 「 大家分頭搵!!」
阿爆行到山邊, 諗返起茄雲跌落山o既情影．．．
==半年前==
阿爆同茄雲係鑽石山遠足
阿爆: 「 茄雲你睇下, 果粒鑽石幾大粒~」
茄雲: 「 果舊係甲虫黎架..」
阿爆: 「 呢度空氣真係清新喇~」
茄雲: 「 …邊個放屁﹖..」
阿爆: 「 我行開下先~」
其實阿爆係想去放水
阿爆: 「 嘩…舒服晒~~  」
呢個時侯茄雲周圍搵阿爆
茄雲: 「 死人阿爆原來係果度~」
茄雲諗住係後面嚇一嚇阿爆, 點知佢唔覺意kick中左舊石pk!!
茄雲: 「 啊!!!!!!!!!!!!!!」
茄雲p到好應!! 向住阿爆滑過去!!
茄雲: 「 救命呀阿爆!!!」
阿爆即刻另轉身!
阿爆: 「 邊個﹖﹖」
茄雲同阿爆擦身而過!! 茄雲就咁飛左落山喇… 
我地回到現在先.
捷禾: 「 阿爆!! 做乜呆晒咁呀﹖﹖ 快d搵啦!」
阿爆: 「 啊…係既..」
捷禾: 「 我搵到啦!!!」
原來個老外掛住左係棵樹上面, 果個老外仲要係肥佬黎
阿麥等人即時趕到
阿麥: 「 棵樹唔頂得好耐架咋… 阿爆, 快d著好裝備落去救人!!」
阿爆小心翼翼地行落去
阿爆: 「 唔洗驚架先生, 我黎緊救你啦!!」
阿麥: 「 妖你, 果個鬼佬黎架!!  」
老外冇反應
突然一陣強風吹埋黎!! 老外搖搖欲墜!!
阿爆加快速度, 一手捉住個老外!
阿爆: 「 嘩!! 個西人好鬼重呀!! 快d黎幫手呀!!  」
阿爆唔夠力捉實個老外!!
於是捷禾由另一邊游繩落去
但係強風又一次無情地打向阿爆度!! 阿爆身陷險景!! 佢即時用繩綁住個西人, 再等幫拖!!
捷禾: 「 我黎啦!!!」
捷禾及時趕到!! 同阿爆合力救左個肥老外上去!
阿麥: 「 快d送佢去醫院!!」
老外: [I]「 些些利, 快呀文。」[/I]
老外同肥老外由直昇機送院
阿麥: 「 好, 收隊!」
眾人開始收拾架生, 但阿爆痴痴呆呆咁望住山崖
阿爆: 「 …無論幾困難都好…我都唔會再比任何人係我面前死!!」
蝦仔: 「 阿爆, 你係度做乜野呀, 收隊啦!」
田心消防隊又一次完成使命。
* 本故事純屬虛構, 如有雷同, 純粹抄襲, 不便之處, 唔洗原諒。
[ Last edited by 麥記 on 13-12-2004 at 07:12 PM ] |
|
IP卡
狗仔卡
發表於 2004-11-17 18:25:42
提升卡
置頂卡
沉默卡
喧囂卡
變色å¡
顯身å¡
發表於 2004-11-17 18:32:19
