阿根廷足球討論區(文諾迪:柏加文為球隊注入激情)

Smithy

原帖由 jacky422213 於 2006-5-20  02:06 PM 發表


去馬體啦佢

去join美斯

Raul_Gonzalez

原帖由 Smithy 於 2006-5-21  01:18 AM 發表
去join美斯

好驚呀..

thomaskung

阿奎羅  麥斯盧比斯   美斯

咁搞笑

Roman8

原帖由 Smithy 於 2006-5-21  01:18 AM 發表
去join美斯

前面多人到唔知點排
究竟用Messi定Aguero??
定係呢個係Eto轉會車仔既提示??
不過都係個句
一日見唔到佢拎起barca波衫,
我死都唔信

Roman8

原帖由 thomaskung 於 2006-5-21  01:36 AM 發表
阿奎羅  麥斯盧比斯   美斯

咁搞笑

麥斯盧比斯唔似會上位
不過下季冇中鋒加盟
照計佢都有機會出下

如果你打埋中場出黎
會仲好笑

細哨 莫達 迪高

thomaskung

阿奎羅  麥斯盧比斯   美斯
細哨 沙維   迪高
gio  艾美臣  奧利古亞  丹尼爾(可能)

咁仲唔sexy...

Roman8

原帖由 thomaskung 於 2006-5-21  01:42 AM 發表
阿奎羅  麥斯盧比斯   美斯
細哨 沙維   迪高
gio  艾美臣  奧利古亞  丹尼爾(可能)

咁仲唔sexy...

點都唔會咁排掛中堅位

Smithy

原帖由 Raul_Gonzalez 於 2006-5-21  01:30 AM 發表


好驚呀..

你地未有耐威脅到巴卡啦..

Raul_Gonzalez

原帖由 Smithy 於 2006-5-21  02:09 AM 發表
你地未有耐威脅到巴卡啦..

咪好驚又俾巴卡數囉..

Smithy

原帖由 Raul_Gonzalez 於 2006-5-21  02:57 AM 發表


咪好驚又俾巴卡數囉..

阿古路高難度射波對卡斯拿斯高難度撲救..

阿忠

單野好似證實左係假....

阿忠

Biglia轉會安德列治去搵Frutos......

阿忠

陣容分析

從柏加文今次挑選23人名單 --- 3龍門，6後衛(蘇連當中場計) ，8中場，6前鋒，相信柏加文會重新使用3後衛陣式，甚至重現比爾沙所創造既3-3-1-3陣式出戰世界盃。

龍門

龍門方面，正選龍門相信依然會係近半年飽受批評既小保加門將艾邦丹斯利，事實上阿根廷近兩場敗仗(負英格蘭同克羅地亞2-3) 上佢表現雖然唔好，但未至於要負上全責，整條後防線都存在問題(因此柏加文改革防線組合非常合理) 。

艾邦丹斯利雖然能力並唔突出，但擔任正選以來表演都算平穩，佢處球龍門球/生波亦係三個龍門中最準繩的。

唯一出現爭議(驚喜?) 係第三門將位置上，烏斯達利取代一直係第三門將既盧斯。事實上前者潛質比後者高，佢亦一直被指會於將來必成為阿根廷第一號門將，帶佢去吸取經驗都係一件好事。

後衛

後衛方面，雖然森美爾落選令大多數人覺得非常可惜，但如果阿根廷真係轉回3後衛的話，森美爾落選可以解釋到，正如之前幾篇分析文章講到，佢並唔係3中堅合適人選，既無領導能力，又冇踢邊線後衛既經驗，相比起其餘入選中堅，佢的確唔係最佳人選。

阿耶拉成為陣中罕見既舊派球員，同時亦係阿根廷後防線上最重要一員，陣中少有有豐富經驗既球員(23人中只有4人有世界盃經驗) 。阿耶拉係三中堅領導者首選，除非受傷或者停賽(或者在集訓中引發內訌) ，佢都會係阿根廷既必然正選，而佢既接班人G. 米列圖相信要坐冷板一段頗長時間。

估計三中堅排法(左至右)

軒斯       阿耶拉     高洛仙尼/貝迪素

經過大半年養傷後重回國家隊既軒斯係左中堅最佳人選，除非佢既狀態未能回復。高洛仙尼亦係入選名單中最硬朗既中堅，希望係阿耶拉指導下可以踢回昔日水準，貝迪素國家隊經驗始終不及阿耶拉。

中場

中場人選中最令人驚訝係近幾個月來一直有入選既迪米捷利斯最終落選，失去佢令到阿根廷中場平均高度更矮，唯一解釋係作為中堅，佢既表現強差人意，作為防守中場，佢既活力同防守不及馬斯查蘭奴，亦冇路爾斯干沙里斯(Lucho)同甘比亞素既組織能力同入球能力。

本屆阿根廷最有可能踢3-4-1-2或者3-3-1-3
大約排法:
3-4-1-2

                   列基美

蘇連     甘比亞素    馬斯查蘭奴    史卡朗尼/Lucho

3-3-1-3

                   列基美

蘇連        甘比亞素/馬斯查蘭奴    Lucho/馬斯查蘭奴

3-4-1-2可能性相對效低，一來雙箭頭冇必要揀6個前鋒入選，如果踢3-4-1-2雙翼衛的話，蘇連既側擊並唔可靠，而且亦無法用戰術解釋棄用辛尼迪改用史卡朗尼既原因，至於用Lucho踢右邊…..

而用3-3-1-3的話，三個防守中場負責保護列基美，同時亦會輪流上前助攻，蘇連有充沛體力，自然係左路最合適人選，中場中間多數由甘比亞素出任(近一年佢係國家隊地位穩左好多，佢亦係下任隊長熱門人選) 。

雖然Lucho踢右中場(假翼) 表現極差，但如果踢3-3-1-3下既三防中就有所不同，佢既組織能力同後上得以好好運用，而佢本身亦有一定防守能力。最重要係佢係整個中場線中身高最高既球員(185cm) ，用佢可以加強中路制空能力，死球防守時尤其重要，係缺少比羅斯同迪米捷利斯等高大球員後.，佢既地位更加重要，目前陣中超過180cm而有一定制空能力球員不多。

如果將Lucho換為馬斯查蘭奴，整條中場線既防守能力會上升，但制空力就會大大減低，本人比較喜歡以馬斯查蘭奴代替甘比亞素，馬斯查蘭奴防守能力較高，而既然有3防守中場保護核心列基美，對甘比亞素既支援既要求已經相對減少，不過咁樣排中場既可能性比較低。

列基美作為全隊核心，為確保佢能夠發揮出應有水準，後面應該有幾位球員保護佢，而前面就安排有突破能力既球員接應佢既傳球。

艾馬係陣中既作用主要係係當球隊穩操勝券時入替列基美避免受傷/保存體力，又或者係列基美完全失準時入替改變球隊踢法，亦有可能作為3前鋒左/右前鋒。
(估計麥斯洛迪古斯都係…而史卡朗尼應該係3中場既大後備)

前鋒

從前鋒選人方面，可見柏加文對陣中必需要有高大前鋒既執著，因此佢選擇了同基斯普接近既告魯斯而放棄今季大勇既D. 米列圖。基斯普毫無疑問係前線上必然正選(從柏加文口中得到證實) ，而告魯斯就係當前者失準下入替。

要發揮出列基美既功用，前線就必需有足夠突破能力既人，如果用雙箭頭(基斯普+輔鋒) ，輔鋒好有可能被對方防守球員凍結，而列基美亦隨之被孤立(應付密集防守時列基美甚少交波俾基斯普…就算交俾佢亦無大作用) 。而出3箭頭的話就可以出兩名有突破能力既前鋒，減低被凍結既機會，基斯普外既兩名前鋒有突破能力之餘亦可為球隊提供側擊。

依照目前情況，之前一段頗長時間未被國家隊徵召既沙維奧拿很大機會出任正選做基斯普拍檔，佢係目前陣中前鋒中狀態最佳既一人，而且佢以前亦出任過類似位置，佢本身踢法亦係呢個位置既合適人選。(佢踢右前鋒機會比較大)

美斯作為上年世青賽最佳球員+神射手，亦係今屆最被寄厚望既新星，但之前柏加文一再強調佢唔係球隊救世主，加上目前佢既傷仍未完全康復，為避免加太大壓力係佢身上加上驚佢一傷再傷，佢第一場正選上陣機會相信不大。

本人偏好小保加既柏拉斯奧作為另一位正選前鋒，一來佢有好強既突破能力，左右腳亦頗純屬(佢係小保加時每場比賽都會向左右兩邊盤球突破，係一名活動範圍極大既前鋒) ，而由於小保加踢法都係圍繞高大前鋒巴拉莫進攻，佢既傳中球應該係幾位前鋒當中最好既，佢亦可以同沙維奧拿交換位進攻，唯一擔心佢入選次數不多，同其餘球員未有培養好默契，希望係未來熱身賽佢會有更多上陣機會。

如果柏加文善用柏拉斯奧的話，佢有可能成為本屆跑出既新星。

如果將入選既6名前鋒分類，基斯普同告魯斯係射手型，沙維奧拿同柏拉斯奧同美斯屬於盤球突破型，而迪維斯就介乎兩者之間。之前迪維斯曾經同基斯普出任雙箭頭，但效果欠佳，而迪維斯既傳中能力應該係陣中輔鋒人選中最差(不過佢第一場出正選機會唔細，尤其美斯未傷好加柏拉斯奧無經驗) ，艾馬作為右邊輔鋒都係合適人選。

迪維斯我認為可以取代基斯普成為變陣用棋子，基斯普雖然係陣中必然正選，亦係少有具級數既前鋒，但佢每次出場任務只有入球，甚少參與球隊組織，只係作為攻勢既終結者(或死球傳球點) ，如果出迪維斯的話可以為球隊提供第3突破點，令列基美可選擇既傳球目標再增加，而且迪維斯本身既埋門處理同入球能力都非常高，效率唔會比基斯普差太遠。只係，如果咁出的話會再降低球隊平均高度，死球防守時會更吃力。

如果維持雙箭頭的話，基斯普+美斯/沙維奧拿係首選組合，但亦可一試迪維斯+美斯/沙維奧拿。

3前鋒配搭(左至右):

柏拉斯奧    基斯普    沙維奧拿

沙維奧拿    基斯普    美斯

沙維奧拿    迪維斯    美斯

總括而言，雖然今次大軍名單出現好大爭議，有豐富經驗既辛尼迪同森美爾落選(辛尼迪落選尤其可惜…反而冇森美爾問題不大) 引起好多人不滿，但今次選人至少確保球隊可以係融洽氣氛下備戰世界盃比賽，始終維持良好既士氣係非常重要。

不斷批評柏加文不選用辛尼迪既人，究竟你係單純地作係辛尼迪既支持者定係阿根廷國家隊既支持者?

有唔認同既請溫文地討論
有令你覺得un眼既嚴重錯處亦請大家善意提出
我好少re野多過100字
我仲想繼續係度出post....唔想潛水住
不過我承認呢篇唔算純原創

國米~魂

如果柏加文善用柏拉斯奧的話，佢有可能成為本屆跑出既新星。

hope so

Roman8

原帖由 阿忠 於 2006-5-22  11:46 PM 發表
陣容分析

從柏加文今次挑選23人名單 --- 3龍門，6後衛(蘇連當中場計) ，8中場，6前鋒，相信柏加文會重新使用3後衛陣式，甚至重現比爾沙所創造既3-3-1-3陣式出戰世界盃。

龍門

龍門方面，正選龍門相信依然 ...

其實中場3個除左馬斯真蘭奴
另外兩個我都好頭痛
1)如果講默契,小馬搭Lucho係最好的
另外一個位sorin定cambiasso呢??
sorin就活力充足,創造力不足...
cambiasso就幫到列基美,用黎做後場同列基美之間既bridge
其實活力都不差於sorin,只係唔夠新隊長咁硬朗

前面我好同意Palacio+Crespo+Saviola呢個組合
而萬一想加強攻力
我建議換走3防中,其中一位
小馬同Lucho留低,換Aimar出黎踢3223

Roman8

原帖由 國米~魂 於 2006-5-22  11:59 PM 發表
如果柏孕X既新星。

hope so

02年缺少既
我一直都認為係邊線出波球員
所以我對Palacio有好大期望
期望佢同Saviola拉開中路俾Lucho同Roman後上

源．京一

辛尼迪既支持者<我係....




不過美斯加油..夠了

Raul_Gonzalez

我都算係辛納堤支持者,但係頂多係對今屆世盃見唔到佢上陣幾失望,戰術考慮成份唔多..

FlyingDonkey

原帖由 Roman8 於 2006-5-22  11:59 PM 發表

其實中場3個除左馬斯真蘭奴
另外兩個我都好頭痛
1)如果講默契,小馬搭Lucho係最好的
另外一個位sorin定cambiasso呢??
sorin就活力充足,創造力不足...
cambiasso就幫到列基美,用黎做後場同列基美之 ...

咁性感

Roman8

原帖由 FlyingDonkey 於 2006-5-23  08:23 AM 發表

咁性感

你指3223性感??