想唱歌的人……

橙色力量

【明報專訊】比美國走得更前，炮製《電波少年》等節目的真人騷鼻祖的日本電視台（NTV），最近出新招﹕星期一深夜時分，舉辦《一夜成名》日文版《想唱歌的人》。參加者首先要到卡拉OK唱K評分登記，及後就有機會在五位金牌監製面前試音。參賽者站在一條橙紅色的巨型迴轉壽司運輸帶上，開始先唱30秒，如果監製想聽下去，就可按掣加時。如果參加者成功唱完副歌，那就有機會被監製選中，度身訂造一首單曲，真真正正的出唱片。

不是所有唱完副歌的人都可以出唱片的。《想唱歌的人》的五位監製也在口袋中預備不少令人「聽出耳血」的尖酸評語。節目開始了四個月，只有一個女孩子可以在七月二十一日正式推出第一支單曲。監製認為，參賽者模仿原唱者，一定出局。一首歌，沒有辦法唱得比原唱者更好，就沒有必要把你拉出道。所以，經驗告訴參賽者，不要選Dreams Come True主音吉田美和的歌。因為她清新而有能量的聲線，就像聖經故事挪亞方舟裏洪水掩沒大地後的第一道晨光，獨步江湖，無人能及。就算參賽者唱得好，有自己風格，如果沒有辦法把歌詞的感情演繹出來，壽司帶照樣會把他送回後台。每星期，都有五、六個唱得比SMAP成員中居正廣好三千多倍的人，卻一個又一個的被轉回後台。

陳慧的《味道／聲音》中，大學生唱片騎師因為意外逐漸失聰，他的醫生問﹕「你每天也聽很多噪音嗎﹖」聽香港的收音機，由心佩服今日唱片騎師耳膜的柔韌度。光看鄭希怡(相關新聞 - 網站)（Yumiko）新曲《阿拉伯市場》，歌名已令人血壓騷動﹔再聽一聽「月未高」小姐的歌藝，除了只可以讚她坦白之外，真的沒什麼可說。她在《勁歌金曲》決定轉現場直播兼要求歌手唱現場時，在一個訪問中說﹕「其實我都不是新人，所以以後盡量會唱現場，不過有時自己聽到都覺得好難聽。」

香港搞Live 8 可拿出什麼宴客﹖

看了最近在日本千葉舉行的Live 8演唱會，個個唱得﹕Bjork一貫地死不斷氣，吉田美和再度大體得過分地獻唱她的最新單曲——富士電視台《急症群英3》主題曲《無論多少次》（何度）。歌唱得好就是當然，傳達的信息，用上廣東話一句﹕真是「tup tup嵌」。幸好，何局長只是「」來一個奧運馬術賽，而不是一場Live 8。

如果真的在香港大球場搞一場，BBC要剪兩小時片段，可以放什麼出來宴客﹖是最近樣子像回到初出道時「不可改變你那壞習慣」的謝霆鋒(相關新聞 - 網站)、「慘得過我」的關心妍(相關新聞 - 網站)，抑或是「做隻貓做隻狗不做情人」的古巨基(相關新聞 - 網站)﹖BBC 的翻譯員要把字幕譯成「be a cat, be a dog, not be the lover」嗎﹖要不來一次港日聯播﹕康城影帝柳樂優彌在千葉的舞台上，一襲白衣白褲、手戴奶白色橡皮膠環、黑口黑面的剛剛說完，全球戰亂貧窮每3秒就殺死一名兒童。話音未落，那邊廂在大球場的關心妍可能會接力回應﹕「非洲小朋友，我是阿Jade呀﹗我甩拖後無人要，兼個個姊妹都結婚了，你可會慘得過我 ﹖」然後音樂響起她的《慘得過我》﹕「逐個朋友在繾綣，再逐個失戀，又笑又喊又似三國時混亂……」

搜索枯腸才猛然發現鄭中基(相關新聞 - 網站)﹖

日本學者Hiro R. Shimatachi 在論文《卡拉OK與國際關係》中，以外國人身分一知半解地說明卡拉OK令日本流行曲的水準直線插水。風涼話，只說對了一半﹔歌曲淺了，國民歌藝自然不斷提升。在日本，唱得好的人，一個鋁窗跌下新宿歌舞伎町，壓死的全屍都可以疊夠十幾個九龍殮房。無他，古有《文心雕龍》含筆而腐毫，今可有K房含咪而練歌。

一月一日舉行的樂壇頒獎禮中，雷頌德得獎後，掏心掏肺的說希望香港歌手唱好一點﹕「因為不論我們寫歌寫得多辛苦，交出什麼好歌，最後都要靠歌手唱好。」當時全場感動，電視鏡頭捕捉到歌手努力點頭示意、若有所思。

歌手真的唱得不好嗎﹖抑或被說成唱得好的歌手真的唱得好嗎﹖電影《在世界中心呼喚愛》主題歌要找台灣代言人，孫燕姿(相關新聞 - 網站)自動入攝，《我也很想他》以女主角視點出發，不比日本原裝平井堅(相關新聞 - 網站)唱的《輕閉雙眼》遜色。香港區不作新曲，直接改編，都得找人要唱得跟平井堅一樣高音——是真高音，不是假音。搜索枯腸，才猛然發現鄭中基也是情歌王子。《龍咁威》跟《在》片拉了一個關係，片山恭一（《在》片原著小說作者）大概發夢也想不到。

盡快燃燒的歌手文化

談香港流行樂壇，各界高手洋洋灑灑說其有多痛心疾首，說翻版下載殺死香港市場、K歌沒有水準、《殘酷一叮》品味低劣，倒不如聽一聽古天樂(相關新聞 - 網站)的真心回應，年前古天樂接受訪問時談及他的歌藝，他說﹕「做都做到一日得一兩個小時睡眠，說話也沒有氣了，何唱歌﹖給我一兩年時間，我一定會唱得更好。」

花無白日紅，洋紫荊的燦爛周期更短，所以才會出現這種盡快燃燒break and burn歌手的文化。我反而不希望香港得到一個會唱廣東話的吉田美和或Crystal Kay。

在這麼病態的一個樂壇，她會痛苦一輩子的。

文﹕健吾

編輯﹕梁詠璋

http://hk.news.yahoo.com/050723/12/1eu0f.html

yuren

好似黃貫中響beyond last live咁講
佢好唔捨得家駒
但又好想家駒去到一個開心地方
因為如果熱愛音樂既家駒仍然在世
會好痛苦

FlyingDonkey

有囉到奧運馬術額手稱慶, 打壓運動員來推廣運動的社會; 就有這樣的歌手


還有, 在香港, 古有《文心雕龍》含筆而腐毫，今可有K房含咪而練歌是絕對不通用的

AirKID

又係一d單方面批評香港樂壇既垃圾文章

HackerWong

雷頌德得獎後，掏心掏肺的說希望香港歌手唱好一點﹕「因為不論我們寫歌寫得多辛苦，交出什麼好歌，最後都要靠歌手唱好。」當時全場感動，電視鏡頭捕捉到歌手努力點頭示意、若有所思....


我覺得

佢有咩資格甘講? 佢以為自己係顧家輝,黄霑???
呢d咁靚既說話..而家已經成為左潮流,係人都講..
if i were Yumiko,我拿到個獎仔,都可以講ga...

[ Last edited by HackerWong on 24-7-2005 at 10:02 PM ]

Yoshiki

如果真的在香港大球場搞一場，BBC要剪兩小時片段，可以放什麼出來宴客﹖是最近樣子像回到初出道時「不可改變你那壞習慣」的謝霆鋒(相關新聞 - 網站)、「慘得過我」的關心妍(相關新聞 - 網站)，抑或是「做隻貓做隻狗不做情人」的古巨基(相關新聞 - 網站)﹖BBC 的翻譯員要把字幕譯成「be a cat, be a dog, not be the lover」嗎﹖

AirKID

Originally posted by HackerWong at 2005-7-24 12:20:
雷頌德得獎後，掏心掏肺的說希望香港歌手唱好一點﹕「因為不論我們寫歌寫得多辛苦，交出什麼好歌，最後都要靠歌手唱好。」當時全場感動，電視鏡頭捕捉到歌手努力點頭示意、若有所思....


佢有咩資格 ...

佢點解冇資格咁講
佢係香港樂壇都有成起碼10年年資
作過幾多首hit歌
都見證過唔少歌手起落
點解佢冇資格而黃霑佢地就有資格?

AirKID

Originally posted by Yoshiki at 2005-7-24 12:30:
如果真的在香港大球場搞一場，BBC要剪兩小時片段，可以放什麼出來宴客﹖是最近樣子像回到初出道時「不可改變你那壞習慣」的謝霆鋒(相關新聞 - 網站)、「慘得過我」的關心妍(相關新聞 - 網站)，抑或是「做隻貓做隻 ...

我諗將robbie williams,coldplay,yuren佢地d歌詞直譯做中文都差唔多效果

洛奇

唔好殘酷一丁黎講喇
果個根本唔算係音樂節目

HackerWong

Originally posted by AirKID at 24-7-05 04:11 PM:


佢點解冇資格咁講
佢係香港樂壇都有成起碼10年年資
作過幾多首hit歌
都見證過唔少歌手起落
點解佢冇資格而黃霑佢地就有資格?

樂壇之腐化...
佢有份ga...

大家忘記左之前討論ge topic..?

AirKID

Originally posted by HackerWong at 2005-7-24 21:48:


樂壇之腐化...
佢有份ga...

大家忘記左之前討論ge topic..?

點腐化法
如果香港樂壇叫腐化
全世界樂壇大部份都係啦
根本個情勢就係向k歌發展
唔係話你再大搞band sound 擺絕情歌就叫振興樂壇

香港有唱得好既歌手 有唱得唔好既歌手
如果將班唱得唔好既歌手同佢地既監製既存在視為樂壇既失敗
真係冇野好講羅

雷頌德究竟對樂壇有乜野壞影響?
你可唔可以講下~

HackerWong

Originally posted by AirKID at 24-7-05 09:52 PM:
點腐化法
如果香港樂壇叫腐化
全世界樂壇大部份都係啦
根本個情勢就係向k歌發展
唔係話你再大搞band sound 擺絕情歌就叫振興樂壇

香港有唱得好既歌手 有唱得唔好既歌手
如果將班唱得唔好既歌手同佢地 ...

d所謂"抄歌"ar......作d曲好多一式一樣ar...etc
樂壇差唔剩係歌手quality差引致ge...

全世界樂壇向K歌發展...?
你知唔知你講緊乜ar??

可能你係Mark雷fans...
我最多係個post+返"我覺得"3個字lor...

[ Last edited by HackerWong on 24-7-2005 at 10:03 PM ]

AirKID

Originally posted by HackerWong at 2005-7-24 22:01:


d所謂"抄歌"ar......作d曲好多一式一樣ar...etc
樂壇差唔剩係歌手quality差引致ge...

全世界樂壇向K歌發展...?
你知唔知你講緊乜ar??

可能你係Mark雷fans...
我最多係個post+返"我 ...

我唔係佢fans~唔好誤會
我只係講 佢既存在 就算令所謂k歌多左 都唔係令樂壇差既主因
k歌都可以有好多模式 唔一定係一式一樣
可能艦隊同阿牛似 愛神又同touch好似
咁都係因為同一個人作既原因ja

我夠可以話Love Psychedelico d歌 coldplay d歌好似啦
如果話d歌似就有問題 我覺得太一概而論羅 (當然有新既歌種係更好...)

全世界樂壇向k歌發展係你講的
我係指全世界樂壇向住樂迷需要而發展
再唔係得一兩隊band就可以主宰全個樂壇
對於香港人黎講 k歌係最多人想聽的
咁班創作人就住d樂迷創作都冇法架

又唔係k歌既存在會扼殺哂其他新人既加入發展
今年都多左好多有實力新人同獨立樂隊啦
點解就係要批評香港既音樂界?
唔可以正面d黎睇?

yuren

Originally posted by AirKID at 2005-7-24 16:15:


我諗將robbie williams,coldplay,yuren佢地d歌詞直譯做中文都差唔多效果

mine lyrics

流著血 忍痛向前行
任怒雨灑 抬頭未去避
迷霧裡 卻心裡清
從未放棄我心中美境

每天 穿起虛假的軀殼
埋藏心中禁忌
獨個前行 冷風掃地
兩手緊緊握理想不放
仍放肆高唱 邁步理想
歲月裡 增添我悲傷


凝著血 再忍痛向前行
為著理想 誰人願退讓
寒夜裡 我心嘆息
難道放棄比較爭取更適

四周 空虛淒冷的感覺
如迷失於這地
別要垂頭 再屈膝顧忌
縱使聲音給壓抑掩蓋
仍放肆高唱 邁步理想
歲月去 清洗我悲傷


再次嘆氣 哀歌響遍地
誰願借給我氣力
我已厭棄 被現實責備
我已厭棄繼續嘆息

背影 遮掩多少的感慨
誰知心裡事
面對困惑 我心中也亂
理想今天於我的境況
如過去的帳 舊日理想
已別去 不再留形象

HackerWong

Originally posted by AirKID at 24-7-05 10:16 PM:
全世界樂壇向k歌發展係你講的
我係指全世界樂壇向住樂迷需要而發展
再唔係得一兩隊band就可以主宰全個樂壇
對於香港人黎講 k歌係最多人想聽的
咁班創作人就住d樂迷創作都冇法架

又唔係k歌既存在會扼殺哂其他新人既加入發展
今年都多左好多有實力新人同獨立樂隊啦
點解就係要批評香港既音樂界?
唔可以正面d黎睇?

我係話HK o者....我無話全世界..
外國d樂迷好廣..唔需要單向發展..
同埋有好多quality singers...當singer唔得or d歌唔掂..就會被淘汰..
所以只有大band,無獨大band...

你岩..as i said before...對於香港人黎講 k歌係最多人想聽的...
但係HK創作界competition少..即使Mark雷作d嘔心歌..都仍然獨大..
同埋...d歌迷like K歌,係咪就要同流合污呢,係咪就唔使QC??
可能我唔明d商業因素la...

我話輝黃先有資格甘講..係because佢地唔會同流合污...
以前有interview..佢地話實在作唔出而家d創作人作ge products..仲話要佢地咁作,寧願唔作..而佢地係講得出做得到..

而家HK ge situation係encouraging..
但唔好講到有d有返d歌功ge歌手出道,就覺得HK樂壇光明一片lor..
做歌手要有唱功..根本就係最低要求..
我既要求仍然無降低lor..要HK樂壇追貼d外國樂壇...
係要有d有個人style,有心做music 既singers..

我希望HK樂壇可以keep up..
逐漸achieve到我ge要求lor..
我只驚係"x花一現",轉眼即逝ge希望je..

HackerWong

Originally posted by AirKID at 24-7-05 04:15 PM:


我諗將robbie williams,coldplay佢地d歌詞直譯做中文都差唔多效果

唔會全隻album d歌詞都similar ar ma??

你用錯Robbie Williams做example..
'Supreme','Rock DJ','Life thru a lens'.....

AirKID

Originally posted by HackerWong at 2005-7-24 22:42:


唔會全隻album d歌詞都similar ar ma??

你用錯Robbie Williams做example..
'Supreme','Rock DJ','Life thru a lens'.....

我係指個搞笑效果
譯左佢首radio會點
d意識不良既歌詞係香港樂壇只有界男可比

HackerWong

Originally posted by AirKID at 24-7-05 10:46 PM:


我係指個搞笑效果
譯左佢首radio會點
d意識不良既歌詞係香港樂壇只有界男可比

radio好差咩??
你要find d詞差ge example...
u should find some dance music同HK d pop比

同我既logic係..唔好為自己差既作品找比較既例子..."我地都唔係好差je,人地有d都同我地一樣差ja ma..'
咁樣比..無進步ga...

AirKID

Originally posted by HackerWong at 2005-7-24 22:38:


我係話HK o者....我無話全世界..
外國d樂迷好廣..唔需要單向發展..
同埋有好多quality singers...當singer唔得or d歌唔掂..就會被淘汰..
所以只有大band,無獨大band...

你岩..as i said before...對於香 ...

我仍然係羅古巨基做例子
佢有實力啦
係佢未紅之前 係一個堅持做folk rock,jazz等唔同類型音樂既歌手
而就算佢既k歌 都同當時大路既canto pop好唔同
但一個肯做新style音樂又有實力既歌手點解會紅唔起?
到左goldlabel時代 佢終於照你地講法
"屈服"唱"k歌"
點解又可以即刻紅得起?
除左宣傳同時機 音樂形式既轉變有冇關?

eason亦曾有同樣既情況
如果歌手同創作人不跟潮流而行?
佢地有冇生存空間?

仲有黃霑 佢地話就算比佢地做都唔肯做而家既音樂
你可以話佢地有原則
我亦可以話佢地自命清高不同時代同步
音樂有貴賤之分? 點解而家既音樂你地就唔肯做?
就因為普羅大眾中意聽而唔做?
定因為唔滿意新世代既創作人而唔做?
你以為自己就係真正既作曲人作詞人佢地就係抄曲人抄詞人?
你問而家既年青人會buy一首有關愛情而係林夕wyman寫既詞多d定沾叔寫既多d?
邊首會更加感同身受?
你如果同時代脫左節 唔該你自己努力追返 唔係批評他人而扮哂野話不肖去做

仲有雖然雷頌德作既歌好多時都比人話差唔多
但未到真係垃圾既階段羅
外國既歌都有好多首差啦
唔通對比之下阿mark既就叫垃圾佢地就叫好?

AirKID

Originally posted by HackerWong at 2005-7-24 22:57:


radio好差咩??
你要find d詞差ge example...
u should find some dance music同HK d pop比

同我既logic係..唔好為自己差既作品找比較既例子..."我地都唔係好差je,人地有d都同我地一樣差ja ma..'
咁 ...

我唔熟外國既dance music嘛
只係我真係唔覺radio好羅

我只係指篇文既作者咁樣諷刺香港樂壇既詞係以偏蓋全同冇全方位察視
香港有寫悲情既詞...唔通外國冇?
做乜要突登串hk?
做乜認為寫慘情歌就係廢 歌頌快樂同愛就係好?
咁不如全世界只可以唱heal the world算啦