古巨基 - 星戰

rob_van_dam

Originally posted by faister at 2005-10-22 10:33:


天悅間唱片舖我都幫趁o左十二年

天悅有成12年歷史咁耐咩???

faister

Originally posted by rob_van_dam at 22-10-2005 05:49 PM:

天悅有成12年歷史咁耐咩???

有天悅就有佢...

rob_van_dam

Originally posted by faister at 2005-10-22 20:13:


有天悅就有佢...

我覺得成個天悅基本上得佢一間舖企得住陣腳賺到錢

其他舖頭都冇咩人幫襯 (除左地下D食店)

Vincent_Chan

Originally posted by rob_van_dam at 2005-10-22 08:17 PM:

我覺得成個天悅基本上得佢一間舖企得住陣腳賺到錢

其他舖頭都冇咩人幫襯 (除左地下D食店)

d 模型鋪都ok平既
其實電話鋪好多人幫襯嫁

AirKID

古巨基 - 星戰碟評
逐首歌評

1. 天才與白痴  

作曲：張佳添/鄭汝森@宇宙大爆炸
填詞：林夕 |  編曲：張佳添/BC/鄭汝森

才女收鮮花一般較多
失蹤光陰一般較多　藉口都更多
傻更更當然肯聽你講
這些散餐根據你講
當然得我　熱情過拍拖

寂寞地開心著魔　尚且肯欺騙著我
而高手的你尚有伴侶可以無限拖
榮譽都歸於我高於一切平淡拍拖

＊這個白痴　為了陪你活一次
　沒智商　得個癡　時常被騙極容易
　誰若有日你鍾意　心計令我詐不知
　然後最終　眼看然後你都未曾在意

　這個白痴　受你蒙騙亦可以
　受你點　給你指　到最終的那時
　事已至此　誰會最易　逼你成熟
　開口講　我願意　(然後承認愛意)
　oh...其實詐蠢　全為你付出的機智＊

傻更更一般聽你說起
一堆一堆關於我的　是非彷似真
無端端講起因此你說
彼此空間不可太少
因此所以未來難貼身

樣貌是七分認真　但得到一個別吻
還得到口訊在掛念我使我還著緊
毌負高手的你出手傷我還是快感

REPEAT＊＊


張佳添作的歌少有地被Gold Label plug做第二主打~其實係一件好事
雖然呢首歌既k味仍然幾重 但保留到張佳添一貫風格
而且有別於基仔之前幾首純for唱K既情歌 別有一番味道
聽落好似淡淡地 冇左愛與誠咁既感染力
但係歌同詞既配合好好 詞同阿sam既舊版雖然完全無關
但卻係基仔近黎少唱既情歌主題...唔再係唱分手情歌
可以話呢首歌唔太hit...但係係因為曲風同詞義所定格
首歌基本上唔難唱 基仔亦唱得一貫的好

AirKID

2. 一生何求
作曲：陳志豪
填詞：林夕 |  編曲：Ted Lo


若有你　若有我　還有十塊
這樣我　便可以　約你去街
只有十塊　甚麼信物平便買
甜蜜蜜吃些燒賣

沒老友　沒女友　如何愉快
生命要　用把尺　透徹了解
得到　沒有　或者當做還舊債
事業完美得不解

大概天要我兩者挑選
跟你兩個　寧願缺少了人緣
對我　你偏庇護縱寵　事業仍為我捐

＊若要的通通也沒有　然而仍可手挽手
　剩下溫柔　問我一生復何求
　庸才　仍可得到你問候
　無限滋油　慢慢細賞星宿

　沒有錢不要走　到了有錢通處走
　樂在心頭　問我一生復何求
　庸才　難得找到你願受
　情在心靈　在身外　任一切　沒有
　(庸才　能與你一起墮後
　落魄溫柔　那溫柔　將火化　萬有)＊

命數轉了又轉　其實始終不自願
跟你兩個　寧願缺少了人緣
對我　你偏庇護縱寵　事業仍為我捐

REPEAT＊

情在心靈　你生存　任一切　沒有


雖然用左daniel既一生何求為詞名
但當然呢首詞同舊歌都係完全無關的
和舊版一生何求個種無奈同暗自悲傷感覺不同
呢首一生何求可算係淡淡而甜蜜既情歌
詞寫得幾有意思 不過我覺得最後收筆兩句填得唔夠入肉
同埋 沒有錢不要走　到了有錢通處走 究竟呢句講乜? 我都唔係好明
假音位唔算多 但呢首歌基仔發揮得好好

AirKID

3. 純真傳說
作曲：曹雪芬/韋懋騰@宇宙大爆炸
填詞：林夕 |  編曲：曹雪芬/韋懋騰


畫公仔　雙眼外只得兩臂
有人說很歡喜　連我也歡喜
換新衫　不理會怎麼叫美
我們已很歡喜

＊童年愉快因太易叫好
　期求的多麼簡單自能做到
　數指甲也當嗜好
　得一個蠟燭加蛋糕　已想起舞
　人大了沒有快樂隨手到＊

我願我年年都似十四歲那天
別過年　別過年　最多天真不免膚淺
日日都拒絕看見明天
只是我們純真夢中化煙
不快樂　只因充實知識　在成長裡漸變

畫公仔　雙眼外只得兩臂
有人說很歡喜　誰說了不起
換新衫　不過為基本美
太難帶出驚喜

REPEAT＊

我願我年年都似十四歲那天
別過年　別過年　最多天真不免膚淺
日日都拒絕看見明天
只是我們大了要挑戰
憑那蓋掩如何赴戰

只得打爆機　主角那管幾多歲
唯有那個性沒有變
贏是娛樂大概少不免

不似我似十四歲那天
別過年　別過年　最多天真不免膚淺
日日都拒絕看見明天
只是我們純真夢中化煙
不快樂　只因充實知識　在成長裡銳變
只盼望一生不用太深　願純真永未變


曹雪芳作完一首愛與誠後卻沒有多產
到而家plug過既好似得方力申既自導自戀同呢首
咁都算係好事 因為作品質素可有保證
當然包括呢首 有別於大家認為既大路情歌
曹雪芬呢首歌+埋林夕既詞 完全帶出左另一種感覺出黎
簡簡單單既曲同詞 寫出好多後生仔 甚至唔再係後生仔既感受
我願我年年都似十四歲那天 可能係好多人既心聲
其實呢首歌絕對有資格放做第一plug
至少佢比動聽但冇咩突出點既天才與白痴更有話題性

AirKID

4. 輪流轉
作曲：馮穎琪
填詞：林夕 |  編曲：BC


無謂生氣　在一起　純嬉戲
不是戲　真是你
某君曾被你拋棄　負義的你
舊時亦給拋棄　彷彿遊戲

人是一個食一個　無天理
她就你　傾慕你
而劇情沒有轉機　公道的你
被人立心玩你　乘機出氣

＊初戀當然歡樂　失戀當然失落
　逐日逐月逐年地兜圈　輪著感覺
　當初戀戀收穫　中間開始溝薄
　到了愛意散落　然後有新主角

　或是冷靜易角　或是眼淚交錯
　但是每人有幾位主角
　在你心裡輪流轉　有些比較閒角
　有些是你命中主角＊

離別相愛和失戀　和恩怨
不斷轉　不斷轉
如未曾遇上精選　怎樣打算
未能讓它終斷　由它打轉

REPEAT＊

初戀當然歡樂　失戀當然失落
逐日逐月逐年地兜圈　微妙感覺
當初戀戀收穫　中間開始溝薄
到了愛意散落　然後有新主角

或是冷靜易角　或是眼淚交錯
就是各自有千種風光
合到分彷如罪惡　新歡補誰罪惡
你當然也絕不知覺

奇妙旨意在天國　不擔心無主角
他可能在下一轉角


我唔知呢首歌既舊版係邊個唱
呢首歌同上一張大碟<大雄>既其中一首歌
<小流氓>style好似
一首中快版既歌 對於唱慣慢歌既基仔黎講算特別但係冇難度可言
因為呢首歌主要都係玩曲 唔知可唔可以算係jazz呢?
但聽落都幾順耳 而且基仔唱jazz一向都好好聽 (還記得羅馬假期和漫畫王嗎)
如果係買碟聽
聽完之前3首慢歌再聽呢首 感覺特別舒服

AirKID

5. 夢中人
作曲：古巨基/雷頌德/側田(On Your Mark)
填詞：林夕 |  編曲：雷頌德


快活就在夢中　la...
活就活在夢中　la...不會怕窮
美麗在睡夢中　la...
跌一跤也哪怕痛

＊夢中不會計較　祈求別要醒
　夢中的人　幸福安枕
　不需鏡　仍漂亮過人
　誰是夢中的人　甚麼都肯
　如普照萬世的女神＊

快樂特別易醒　la...
造夢是為夢醒　la...得到過程
盼望慢慢夢醒　la...
周公請你快答應

REPEAT＊

浮雲沒有燈
夢中的人　就似萬能
偷一吻　能擄獲愛人
怎去做　夢中的人　活得天真
仙境裡　能變做愛神
王菲　夢中的人　互生好感
傳出秘密結婚旅行


呢首歌被喻為謀殺人氣 可見大家對其不能接受程度
的而且確 呢首歌真係冇咩理由可以做first plug
曲 玩番舊版王菲版本 詞 玩王菲
但事實上兩首歌真係差唔得去邊 聽基仔演唱會唱夢中人
同聽呢首新碟既夢中人
first impression就係同一首歌改左調改左詞就當新歌 而事實亦都係...
過左好耐我都分唔到邊首係王菲邊首係基仔唱
歌大玩假音 Gold Label好似當基仔只係識唱假音歌咁
全首歌都係賣假音 但係感覺太嘈同唔自然
雖然可以話係一首岩演唱會氣氛之作 但唔可以算係成功作品
惟一可以讚就係詞好搞野 特別係最後一句
同埋基仔既假音真係好好...除非你聽厭佢把聲

AirKID

6. 明星
作曲：雷頌德/Robert Lay/側田(On Your Mark)
填詞：林夕 |  編曲：Ted Lo


很遙遠　很遙遠　陪同父母觀星去
噢...星　就似燈泡懸掛　渺小的懸掛
凝結　又融化　在那銀幕裡似白沙

而那夜裡的我仍然細個
隨時起歌　明星中的可想起我
星夜星塵　然後到摘星
到聽風的歌　隨星星閃過

流行曲中擔當主角往往太多
大概因它雖小畢竟總見過
今夜星河　留下霎時星火
直到密雲飄過

噢...星　在半空中懸掛　遠古中懸掛
旁邊　是人馬　在我的望遠鏡如畫

而已大個的我現已愛上
橫蠻的她　常為了小東西吵架
今夜星夏　離別了煩囂
去賞星好嗎　土星閃一下

人們經已幾千千億個剎那
大概這麼這麼講她肯軟化
很大　很大　誰尚要摘星星
人始終也不化

很遙遠　很遙遠
銀河幻化　誰發覺　變化


呢首歌係遊戲展2005主題曲 令我幾出其
因為之前幾年既主題歌都可算係垃圾...好似sammi既神奇女俠同kelly既情人戰
但呢首歌唔係個類一味賣半桶水rock既香港快歌
而係一首意味幾深既慢歌 幾特別
寫回憶起細個既星空 再聯想到而家大個睇既星空
雖然星空都係同一個 同身邊都已經變哂 你會有何種感受?
呢首歌可算係俾到聽者一個反思既機會
不過首歌如果細聲返d就仲好 副歌太嘈破壞左曲本身寧靜既意境

古都

鍾意純真傳說

AirKID

7. 還是覺得你最好
作曲：伍卓賢
填詞：林夕 |  編曲：Ted Lo


運動要管　食量要管
啤酒買十罐　只准我飲一罐
樣樣要管　就像法官
天生較自滿　性格亦沉悶

＊冥頑鬥氣盲中中還有理不講
　麻煩　橫蠻但是我都會願意講＊

＃誰可比你好　能撥盡迷霧
　煩擾於心中的你都知道
　我壞或好　不求回報
　容忍　懷抱　仍醉倒

　誰可比你好　能日夜同步
　能著每套衫也似是名模
　提著不懂事的我漫舞
　任何事也可以傾心盡訴＃

自六歲起　就共你飛
不知道伴侶　應該去怎麼比
歷盡鑽禧　亦是怕死
身邊再艷美　都守足法紀

REPEAT＊＃

還是覺得你最好
不知有甚麼好講
能夠愛你別反抗

REPEAT＃


第一次聽我仲以為係側田作曲 因為係個種好清新既music
但竟然係伍卓賢作 驚左一跳
不過曲風真係好似決戰十一同大雄
如果中意基仔呢類淡淡而幸福既情歌 呢首絕對岩你
而佢既詞當然好過決戰十一既胡亂堆砌 亦更有貼身感
就尤如詞中所說 還是覺得你最好 不知有甚麼好講
慢慢細聽啦 呢首歌唔係個d聽得多會悶 而係越聽越touch既歌

AirKID

8. 當年情
作曲：陳台證
填詞：林夕 |  編曲：陳台證


能見你哭的多數是我
讓我擁抱伸手救助
隨即去通宵唱歌

無數的銘心刻骨經過
十次佳音一起慶賀
隨手機分擔過痛楚

而當初　值得想起太多
時代正像你親手分給我
結伴去闖過

＊榮幸共你做老友　(多得這一個好友)
　從小深交的真少有　(一生也想擁有)
　從頭被你認識透　(一早都給看透)
　我若皺眉頭　你便說原由
　這樣的好友　(有一個都足夠)
　能夠識一個(都夠)＊

能罵我弱點得你一個
是為我好的不必怯懦
唇齒相依不怕過火　(多得這救助)

而當初　換拖友比較多　(讓我精彩過)
沿路看著你身邊的一半　(一起經過)
正是我一個

REPEAT＊

也許　有一天　你已婚事業榮遷
轉眼來年　你共我亦已改變

REPEAT＊


今次基仔隻碟都搵左幾多新晉作曲人參與
有好多人我都未聽過 包括呢個
但究竟係作曲本身問題定係Gold Label同雷頌德選歌有問題呢
基仔大碟既歌 有好多首聽落既style都係差唔多
呢首當年情 就如上一張大碟既鐵男一樣
雖然節奏較慢 但係講既主題完全一樣
不單係友情 仲要係完全同一個老友咁 唔認同既搵返鐵男黎聽就一清二楚
呢首比鐵男好聽 而且和音做得幾好 (應該係側田和音?)
不過呢首唔知點解叫做當年情 同張國榮既當年情有乜關係
不如改名做友情歲月仲貼切啦

AirKID

9. 甜蜜蜜
作曲：雷頌德
填詞：林夕 |  編曲：雷頌德


＊甜蜜佈滿了這地球
　沉默又是甚麼理由
　甜蜜剎那迅速閃走
　若是在意若是大智快快說出口

　沉默地發揮眼神還是牽強
　就算幸福牽手也都恐怕做個樣
　甜言蜜語感動人最夠鏗鏘
　虛擬和真實同樣＊

假使親愛我　來吧告訴我吧
愛情要直接　直接便無暇
然而　甜蜜蜜　大概會害怕
來日　又怕蒼白無話

REPEAT＊

甜蜜佈滿了這地球　沉默又是甚麼理由
甜蜜剎那迅速閃走　甜蜜蜜是值得開口

好玩的世界　才是最闊宇宙
趁時間尚有　在世上何求
情人和夢伴伴侶或朋友
來吧贈我親蜜時候

REPEAT＊

la...la...la...la...
甜蜜佈滿了這地球　沉默又是甚麼理由
甜蜜剎那迅速閃走　甜蜜蜜是值得開口


剛剛在暗幸係呢隻大碟冇雷頌德先生既傳統傑作
沒有破壞呢隻大碟質素
可惜...雷頌德先生睇黎都係唔肯放過大家
一首傳統既電子快歌同加埋rock sound襯托
馬上送左呢首歌同基仔去死刑
我勸雷頌德先生...你唔好再虐待聽眾啦
你既愛神+touch上下集 艦隊+阿牛一二輯都總係叫ok成功
點解梗係要比幾首快歌出黎虐殺唱者同聽者呢?
你個fd黎明就因為你哂左三年幾去
你唔好再搞基仔啦唔該...

AirKID

10. Monica
作曲：陳熙
填詞：林夕 |  編曲：陳熙/DT


沒有獻出一切　沒試過贈我光輝
無奈你也叫Monica　誰能代替這個地位

從來未覺迷戀的珍貴
直到一日再一日流逝
難道看我你會覺得心有愧
柔情蜜意都收於心底

就算初生之虎
怎麼失禮也不能自毀
迎面哪裡有天梯
有幾多氣力　也是注定枉費

＊Thank You My Dear Monica
　傷口即將免疫再不怕
　或者知道你在內疚吧　因此我會聽話
　今天過後會說再見　謝謝你好
　日後會這樣嗎　鳴謝你一手一腳
　令我牽掛　Goodbye＊

來日做了你的好友
亦靠演技太好造就
名字碰上了你這首輓歌
情形就似天國敘舊

從前沒有發覺星星也會走
沒有準備過怎善後
誰若怪責我　怪我哭得不夠
回頭就靠笑聲來自救

REPEAT＊

Thank You Monica My Dear Monica
或者知你會　眼淚亂爬　因此我會聽話
今天過後要說再見　現在也可
練習說告別嗎　臨別能否親親我　好嗎

Thank You My Dear Monica
傷口即將免疫再不怕
或者知道你也珍惜我　改天你說給她
今天過後會說再見
現在也可　練習說告別嗎
臨別能否親親我　令你牽掛
臨別能否擁緊我　令我可牽掛


其實上年年末已經傳出基仔下張概念大碟係玩舊曲新歌新詞
第一代表就係呢首Monica 係年初已經推出
但後來唔知乜原因 大碟遲左推出 換成了新曲+精選既勁歌金曲
而Monica亦被當做新歌放左落個隻碟...
但係到呢隻概念大碟終於推出 為免Monica不明不白慘遭拋棄
最後都係放返呢隻歌落黎
呢首歌可算係玩舊歌最成功既代表
既用到張國榮個首Monica既詞 甚至呢首歌亦可視為舊版的另一延續
好多人話呢首歌好似基仔既普通情歌咁 唔太突出 所以唔係勁受歡迎
但對我黎講 呢首歌係佢今年最好聽的
淡淡的傷感無奈與回憶夾雜 加上出色既詞同非常動聽既旋律
製造一首出色既作品
我好中意呢首歌既旋律
特別係thank you Monica個幾句...好好聽
而副歌最後一段更加好touch
可惜呢首歌唔hit 不過又未嘗不是好事
免於成為另一首愛與誠...本來好中意 但最後因為播得太濫 反而冇咁中意
呢首歌耐唔耐聽下 我都會好感動

AirKID

11. 星戰
作曲：張佳添/龔煥榮@宇宙大爆炸
填詞：林夕 |  編曲：曹雪芬/韋懋騰


每個也很想一舉成名
但十萬個只剩下十名
就以摘星去爭新星　幸以冠軍取了勝

冷戰爭氣能得獎　令我能開夠六場
然後我就似生活於流行榜上
償還未派但仍在想　這歌應付年底
論旋律實力亦有獎

＊個個識唱我的歌　開演唱會便更加滿座
　甚麼歌也都好播　還要開戲令我親和
　個個都唱我的歌　連繫著映戲擦出花火
　然而問我　音樂才會　活出我
　無奈　用數字才是競爭過
　銅銀金　界定我＊

每次放假也很想悠長
但後浪卻等候在戰場
就以夜機去爭金獎　沒法退也只有上

記者跟我煩得很　沒有記者更駭人
纏著我但更加害怕無人訪問
仍難任性仍然獨身　很想計劃人生
未來實在並未上心

REPEAT＊

個個識唱我的歌　可惜我還未覺得慶賀
認真講我不識我　何以爭霸大戰星河
個個都唱我的歌　為何沒方法唱出諧和
其實問我　只願無法　認得我
然後　共歌手　誠實做好友
在行街　買雜貨


大碟點題作
星戰 其實即係歌星間既頒獎禮戰爭
首歌冇咩野好講...基本上就係基仔個人心聲
同埋佢係返黎香港前後 必殺技出前後既個人心情對比
如果係個時已經係基仔fans 聽呢首歌會特別感慨
希望基仔就如呢首歌所講咁 音樂才會活出我
可以係未來唱更多好歌



總碟評
如果只從K迷身份出發 呢隻星戰無疑會令你幾失望
冇左之前如必殺技 愛神 傷追人同愛與誠等HIT爆易上口K歌
反而多左幾多有深度同意思既作品
雖然歌曲種類仍然唔多 而且亦冇左如漫畫王同FW UR Love等好特出既特色作品
但平淡卻沒有沖淡歌曲既質素
中意基仔既應該會幾中意呢首歌
因為有幾首歌如還是覺得你最好 星戰 明星等
令你搵到基仔未係Gold Label前既影子
而天才與白痴 純真傳說 一生何求 亦算係唔過於大路但又易於上口易記既k歌
基仔呢隻碟既表現亦都保持平穩 特別係唱中快版歌更加好 (甜蜜蜜除外)
同埋慢歌亦更有感情 冇左上一張碟勁歌金曲既造作
出色既作品

AH B

bad

雲尼史釗活

天才與白痴

月天~wan仔~

我都覺得monica係今年基仔最好聽既歌..

截拳道小子

輪流轉由丁蟹所唱
電視劇輪流轉主題曲

套劇當年慘被ATV 大地恩情 強攻 而腰斬