其實有留意紐卡素比賽o既人都應該知道.
近幾場,柏加拍安利中場中,安利唔駛問一定係唔會點防守,變o左其實柏加壓力幾大,令佢唔可以放心去助攻.
但係,唔代表佢唔想咁做,柏加有時都打得幾唔安份,變o左我地中場攻守其實有時會失衡.
禁區頂有空位,要勞煩我地機動力唔強o既保桑出去保位.條防線就好易散.
4-4-2中間唔放一個防中,唔係話咁易打,亦都唔係長遠可以倚靠o既戰術.
我地買飛爾,就係想有一個純防中.點知貨不對板.
所以,我認為買個可信任o既防中係事在必行,手長腳長o既柏巴迪奧普係好選擇.
有樣o野真係要讚桑拿士,就係佢買人用人都幾果斷.
另一方面,話我地會轉陣打4-5-1或者3-5-2.暫時都係行唔通.
4-5-1比較簡單,放多個中場,打一個箭頭,但係我會話唔得.地位問題,無傷無病o既舒利亞同奧雲企硬正選.就算可以收起佢地是但一個,效果都唔會理想.
一,我已經講過好多次,已經退化o既舒利亞唔應該再係主力,而佢現在o既體能支持唔到佢打單箭頭.
二,奧雲,純接應o既箭頭,整體意識弱,制空力弱.身型細小.就當我歧視佢,總之佢唔係打單箭頭o既材料,叫佢打翼位嘛?你估佢睬唔睬你?比拿美都仲可以有側擊有傳中,佢打邊線會有D咩呢?
三,艾美奧比,好遺憾,佢係現在我地打單箭頭o既最佳人選.佢有身型,有制空力,年青有體能,控球能力亦唔差,做到一D背住龍門o既工作.佢可以做一個好好o既配角.
可惜,佢無可能騎住上面兩位仁兄做主力.
3-5-2,呢個陣同4-4-2完全唔同,球員需要好多時間摸索同理解.一旦決定轉打3-5-2,就唔係一場半場波o既事,可以話係孤注一擲,桑拿士o岩o岩先坐番定,佢會唔會咁搏法?
所以,宜家最正路o既做法,中場中主力三人,安利,柏加,純防中.三取其二,柏加辛苦D,拍安利就主守,接防中就主攻,安利拍純防中就唔駛講啦. |
IP卡
狗仔卡
發表於 2005-11-9 21:58:30
我不敢再用純防中這詞彙了)
顯身å¡
發表於 2005-11-10 22:42:56