尼維特或赴英超「搵食」

Bilo

(星島日報報道)或許對於捷克鐵漢尼維特來說，今個夏天過得並不遂意，不但未能協助國家隊在世界盃分組賽晉級，自己效力多年的祖雲達斯亦捲入「假波醜聞」勢遭降班的處分，檢察官周二於法庭已要求處分祖雲達斯，罰該隊降落丙組聯賽，而涉案的AC米蘭、拉素和費倫天拿則被可能降落乙組。尼維特對前途還沒有決定，可能會隨隊降級比賽，亦可能會改到英超「搵食」，但他相信一眾隊友如保方等，將會鳥獸散。

　　相比不少球星，尼維特可說是頗為「看得開」，雖然捷克今屆世盃只曇花一現，已年屆三十三歲的他卻未感心灰意冷，最終都決定放棄退役的念頭，表示至少多踢一個賽季。同時，意甲班霸祖雲達斯因被捲入假波醜聞，檢察官已提出貶落丙組的處分，尼維特卻表示﹕「我可能不太情願在意丙結束自己足球生涯，但確實有可能在祖雲達斯再踢多一季。我不久後就會回到都靈，新的球會高層希望跟我談話，我們會看看事態發展。我熱愛祖雲達斯，即使球會最終降落丙組，我仍有可能為他們而戰。」

　　今次祖雲達斯等四家意甲球會被捲入「假波醜聞」中，背後卻存在意大利政黨鬥爭。新上任的意國總理普羅迪揚言要淨化意大利足球，藉此徹底打擊前總理貝魯斯干尼在意甲的勢力。

　　既然新總理別有用心，這次「祖記」實在難以逃避當「丙組仔」的厄運，而「黑白軍團」亦隨時星散。不過，尼維特也沒有表示自己會誓死效忠祖雲達斯，亦有為自己留下一條後路﹕「我還有其他選擇，例如到英格蘭或是其他地方去。」

　　至於其他祖雲達斯球員又作何打算﹖尼維特亦有透露意大利前鋒迪比亞路及門將保方的意向﹕「我跟迪比亞路交談過，我認為他會留下來，他是祖雲達斯的旗幟，球會自然亦不希望他離開。可是，保方卻告訴我他將會離開祖雲達斯，我們可能以後再沒有機會成為隊友了，我不知道他會到哪裏去。」此外，「祖記」教練卡比路已率先在周二辭職。

　　畢竟，能夠像尼維特一樣不介意踢丙組聯賽的球員不多，其中意大利後森保達亦已表明會離開祖雲達斯，而三名祖雲達斯法國兵杜林、查斯古特及韋拉則正考慮是否向國際足協提出申請，希望在祖雲達斯肯定降班後，自動解除雙方的合約，各散東西。

Keith

原帖由 Bilo 於 2006-7-5  05:18 PM 發表
(星島日報報道)或許對於捷克鐵漢尼維特來說，今個夏天過得並不遂意，不但未能協助國家隊在世界盃分組賽晉級，自己效力多年的祖雲達斯亦捲入「假波醜聞」勢遭降班的處分，檢察官周二於法庭已要求處分祖雲達斯，罰該 ...

Bolton or Portsmouth

Manu super fans

DP

納比

迪比,查斯古,同尼維特都講話唔走,如果係堅既,哩個攻擊組合係丙組夠玩喇,場場入3球都得

Tung

原帖由 納比 於 2006-7-5  07:09 PM 發表
迪比,查斯古,同尼維特都講話唔走,如果係堅既,哩個攻擊組合係丙組夠玩喇,場場入3球都得

好咩?

TinTin

原帖由 Tung 於 2006-7-5  09:22 PM 發表

好咩?

唔好咩?

TAMTOM

原帖由 TinTin 於 2006-7-6  03:35 PM 發表


唔好咩?

查斯正值當打之年
佢咁既級數浪費2年起D 低組別聯賽係咪無咁好呢

納比

原帖由 TAMTOM 於 2006-7-6  04:08 PM 發表

查斯正值當打之年
佢咁既級數浪費2年起D 低組別聯賽係咪無咁好呢

人地真係肯留既話,好唔好都唔使你理啦

Eggio

Nedved + Saviola
一起來保頓吧

中場指揮官

原帖由 Eggio 於 2006-7-6  05:06 PM 發表
Nedved + Saviola
一起來保頓吧

沙維奧拿...雲加好似斟緊.

Eggio

原帖由 中場指揮官 於 2006-7-6  05:13 PM 發表


沙維奧拿...雲加好似斟緊.

肥Sam好似話有興趣

Bilo

原帖由 Eggio 於 2006-7-6  05:15 PM 發表

肥Sam好似話有興趣

沙維奧拿都未必吼保頓啦

肥仔麟

原帖由 納比 於 2006-7-5  07:09 PM 發表
迪比,查斯古,同尼維特都講話唔走,如果係堅既,哩個攻擊組合係丙組夠玩喇,場場入3球都得

呢幾個唔走唔奇 , 佢地都唔再踢國家隊

佢地真係為踢波而踢波 , 踢C1都無問題喇

Eggio

原帖由 Bilo 於 2006-7-6  05:31 PM 發表

沙維奧拿都未必吼保頓啦

肥Sam會令他的足球生涯重回正軌的

中場指揮官

原帖由 Eggio 於 2006-7-6  05:37 PM 發表

肥Sam會令他的足球生涯重回正軌的

肥sam唔係只愛老將咩?

Eggio

原帖由 中場指揮官 於 2006-7-6  05:40 PM 發表


肥sam唔係只愛老將咩?

吐口水人咪唔係老將囉

中場指揮官

原帖由 Eggio 於 2006-7-6  05:42 PM 發表

吐口水人咪唔係老將囉

佢下半季都好似消失左...

Eggio

原帖由 中場指揮官 於 2006-7-6  05:45 PM 發表


佢下半季都好似消失左...

傷+同肥Sam不和

ohcl

原帖由 Eggio 於 2006-7-6  05:51 PM 發表

傷+同肥Sam不和

肥sam都忍得佢耐

Bilo

原帖由 Eggio 於 2006-7-6  05:37 PM 發表

肥Sam會令他的足球生涯重回正軌的

沙維奧拿出咗軌咩...
話晒阿根廷國腳 & 幫西維爾攞足協杯喎