|
|
第五集
無無聊聊,呆下呆下咁又過左一個月,今日係我拆石膏o既日子......
醫生同護士幫我拆左石膏,感覺好正,成個人都好似輕晒咁...
"大致上都無咩問題,應該完全好返晒,但我勸你暫時就唔好做d劇烈運動住..."
"知o架啦,醫生,唔該晒...."
踏出醫生房,感覺就好似d犯放監咁,恢復自由o個種感覺.......
之後我就搭巴士返屋企,我仍然都係坐返當日遇到方紫瑩o個個位,就當係比一個小小o既希望自己,
其實呢幾年黎我都無忘記過佢,每次見到d長長地孿孿地頭髮o既女仔,我都自自然然會諗起佢,什至會以為係佢,
咁當然次次o既結果都係失望啦,可能上次o係醫院都係認錯人掛....
今日架車仍然都係差唔多滿晒,可能呢條線旺啦,但我隔離個位都係無人,點解成日都係咁o既,我唔係真係
樣衰成咁下話,一係就無人坐我隔離,一係就d呀伯呀婆咁,唉......
過左無耐,有個長長地孿孿地頭髮o既女仔上車,我第一眼望到佢o既時候,直覺話比我聽,佢就係方紫瑩...
的而且確係,而且佢仲坐我隔離,等左咁耐,總算個天都無玩我,終於比我等到,又覺得好多野都係整定,咁o岩
我搭到呢班車,咁o岩我隔離無人坐,而咁o岩o既係佢簡左坐我隔離,唔通呢一d就叫緣份...........
同上次一樣,我都係一路偷望住佢,心入面其實好想同佢講 "你認唔認得我係邊個呀..."
自己同自己掙扎左好耐,終於鼓起勇氣開口,話晒咁大個人,唔可以咁無膽o架啦,況且唔把握今次
機會,以後都唔知仲有無得見...............
".......小..姐..呀,你認唔認得我係邊個呀..?"
佢望一望我.......
"你同我講野呀..?"
"um....係呀,你認唔認得我係邊個呢?"
呢個時候其實我緊張到真係有d腳震,手心出汗,個心卜卜咁跳,仲跳得好快,而且塊臉仲好興添,佢望住我,
諗左一陣.................
"我認得你,我記得有次無散紙搭車,你借左五蚊比我ma...!!"
心裏面諗"我唔係想你咁答呀,我係你中學同學呀....!!"
我猶豫左一陣......跟住就開始語無論次...
"呀..!係呀係呀,你估中左啦,哈哈.."
佢o係佢o既散紙包度拎左五蚊出黎....
"還返比你呀,上次真係唔該晒你呀...?
"唔洗啦,好少意思o者,唔洗啦...."
佢格硬將o個五蚊塞左o係我件褸o既衫袋度,我無奈咁收左佢o個五蚊,正想同我傾多兩句,順便同佢講我曾經都
同佢做左一年o既中學同學之際......
"叮!"
巴士上o既電鐘響左一下..
"我走啦,唔該晒你呀....拜!"
講完呢句,佢就一支箭咁落左車,而我就好後悔咁同自己講,"頭先做咩猶豫咁耐,早d開口未可以傾多幾句o羅,
唉...真失敗..不過算啦,起碼今次係第一次同佢講野,有進步o架啦,呢一刻o既感覺唔多唔少都有d開心同興奮,
唔知幾時至可以再見呢....??
------------------------------------------------------------------------------------------------
自從拆左石膏之後,為左keep返自己o既體能同狀態,每一日都會o係運動場度跑圈同做一d簡單o既運動,好似sit up同掌上壓咁..................
好快又過左幾個星期,我決定試下踢返波,而且亦都決定o係下個月同澎馬流浪預備組o個邊報到,所以就o係黎
緊呢個星期日約返以前一齊踢波o既朋友出黎踢返場波,順便聚下舊咁,當然包括劉志峰啦.............
(待續) |
|
IP卡
狗仔卡
發表於 2004-1-8 17:43:03
提升卡
置頂卡
沉默卡
喧囂卡
變色å¡
顯身å¡
