|
|
2009-07-08 拒梅媽加生活費 官叫慳啲使
【本報訊】已故歌星梅艷芳母親覃美金（梅媽），每月從遺產中領取 12萬元生活費。惟她近年頻掀訴訟，致每月要支付 6.5萬元訴訟費。面對龐大開支，梅媽昨向法庭申請大幅增加生活費五成至 18萬元，以應付沉重訟費，還包括 1.5萬元的交際費及下午茶開支。法官最後拒絕其申請，只批准從遺產每月撥多 3萬元支付訟費，並由遺產管理人直接處理，梅媽不得沾手。法官更勸她：「要節衣縮食，慳啲使！」
「可唔可以減少飲茶」
沒有兒子梅啟明陪伴在旁，申請加生活費又未能如願的梅媽，在庭外說：「乜嘢都貴，我仲要負債咁多……畀我使多啲咁多，一餐茶都話唔好飲！」
對於梅媽「攤大手板開大口」的申請，高院法官張舉能無奈地說：「一加加 50%，點算呢？家社會有啲人冇人工加，有啲人仲要減人工，你仲要加，點算？」
梅媽報稱每月開支清單中，包括高達 1萬元的交際費及 5,000元下午茶開支，法官也忍不住問她：「你年紀咁大，要人照顧，仲咁多交際……唔好請人食飯，可唔可以減少啲飲茶？」至於法庭頒令每月需付 6.5萬元訟費的沉重負擔，法官對她說：「唔可以怪人，你自己打官司。」
法官坦言，遺產的流動資金截止本年 4月餘下 320多萬元，估計僅維持至年底，部份不動產物業又因巿場欠佳，難以好價賣出。但對很多人來說，包括單身老人家，每月 12萬元生活費已十分足夠。法庭考慮是否增加生活費時，不會考慮如梅媽所講，要保證有優質生活，但接納要以梅媽過往的生活水準來評定標準。
法官希望拖慢遺產流動資金的耗盡時間，並勸梅媽節省開支，可考慮將梅艷芳壽臣山故居放售套現。
案件編號： HCMP2981/04
梅媽每月開支清單
訴訟費：$65,000
租金：$37,500
聘私人助理及兩傭工：$14,000
中醫醫藥費及食療：$12,000
交際費：$10,000
家庭開支及食物：$10,000
私家車及車位開支：$7,500
銀行卡數：$7,000
聘請司機：$6,000
下午茶：$5,000
差餉及管理費：$3,580
律師費：$3,000
水費電費煤氣費：$2,600
雜費、狗糧等：$2,000
固網電話及手機：$700
總數：$185,880
資料來源：法庭
 |
|
IP卡
狗仔卡
發表於 2009-7-22 15:36:33
提升卡
置頂卡
沉默卡
喧囂卡
變色å¡
顯身å¡
發表於 2009-7-22 16:21:15
發表於 2009-7-23 13:22:52
