|
|
上回提要
登勤同佢老母&瑪姬係露台等緊人救命! ( 亦可能係等緊死 )
冬之子: 「 咦, 呢條咪係登勤果條紅色t-front底褲﹖ 」
登勤: 「 …我唔想死呀… 」
蝦仔: 「 做乜仲唔升上去呀﹖!! 登勤等住救命架!!」
冬之子:「 升唔到呀! 個制壤q左呀!!」
蝦仔: 「 小你!! 叫左你平時check好d工具架啦!!」
史談: 「 登勤肯定係裡面!」
蘇甘甘: 「 登勤…我地黎救你喇..」
起火單位突然搶火!!
阿爆同航仔身陷火海!!
阿爆: 「 啊呀!!!!!!!!!!!!!!!!!!!!!!!」
Story 18
阿爆: 「 啊呀!!!!!!!!!!!!!!!!!!!!」
阿爆同航仔身陷火海!!
蘇甘甘:「 阿爆!!  」
蘇甘甘強行捉返近d o既航仔出o黎! 但係唔見阿爆…
航仔: 「 阿爆…」
阿爆係火海中博晒老命咁衝出黎!!
阿爆:「 小呀小呀小呀!!」
蘇甘甘: 「 阿爆, 你冇野呀嘛!﹖」
史談同七狼走左入登勤間屋不停搜索, 其他人亦跟住入屋
七狼: 「 登勤!! 你係邊呀﹖」
航仔: 「 添登勤…應下我啦!」
大家搵左成分鐘都唔見登勤．．．
於是史談走出去露台睇下, 結果發現登勤訓左係廁所入面!!!
史談: 「 喂!! 登勤係度呀!」
史談即刻check下登勤仲有冇呼吸…
史談:「 仲有呼吸架!!」
史談即刻揹左登勤落樓!
史談: 「 馬豬、奧益、阿嬌, 想盡辦法救返醒佢呀!!」
馬豬: 「 得架喇, 你行開d咪阻住我地做野啦!」
馬豬呢排好燥
七狼: 「 估唔到史談係咁關心d手足架  」
阿爆見到個好面善o既人
阿爆: 「 咦…你咪係捷禾﹖」
捷禾: 「 哈哈..乜咁o岩呀…我有事走先啦, 拜拜! 」
捷禾一仆二碌咁走左去
阿爆覺得有d古怪, 於曷叫d差人捉左佢返差管
~~警局~~
桉桉: 「 我係警員1679 桉桉, 而家懷疑你同近期幾單縱火案有關, 你有乜說話想講﹖」
捷禾: 「 唔係嘛…我上個月先返黎香港, 工都未搵到, 仲邊有時間放火呀﹖﹖」
桉桉: 「 但係有個消防員成日見到你係火場o既周圍出現啵! 仲要見到佢就走!」
捷禾: 「 I don’t know why he said that! I ran away because I want to go toilet…」
捷禾持住自己浸過幾年咸水就懶晒野咁晒英文!
桉桉: [I]「 呃…艾東勞獲呀u托景啦!…呃…英格烈殊…撈…撈…撈士必英格烈殊!!…忽腰…黃夏蕙標t浮!  」 [/I] (＊此為英文)
桉桉比捷禾嚇親, 其後捷禾被拘留左四十八小時
第二日放工之後大家雞咁腳咁走去黃綠醫院睇下登勤死得未
~~黃綠醫院~~
史談: 「 醫生, 登勤點呀!﹖」
醫生: 「 乜水來呀﹖」
史談: 「 小你, 尋日火燭送黎果個呀!  」
醫生: 「 哦…病歷表就話佢有糖尿病、高血壓、嚴重o既心臟衰竭…」
阿爆: 「  嘩…燒一燒就咁多病痛﹖﹖」
護士: 「 醫生, 你拎錯左第二個病人file呀!」
醫生: 「 呵呵…唔好意思..年紀老, 眼睛唔多好…呵呵呵呵  」
阿爆: 「 咁佢有冇事先﹖」
醫生: 「 佢就冇乜事, 只係吸左幾淡煙姐, 抖下冇事架喇~」
史談: 「 咁佢幾時返得工﹖」
史談好無情咁問
醫生: 「 呃…佢抖返兩, 三日就得架喇我認為」
阿爆: 「 咁我地可唔可以入去探佢﹖」
醫生: 「 有條女入左去探緊佢…我諗你地識做既都係唔好入去喇…呵呵呵」
七狼: 「 咁就仲好, 訓屋企訓下覺先!」
~~病房內~~
瑪姬: 「 你知唔知尋日幾危險呀…」
登勤: 「 放心啦, 我咁大命!」
瑪姬: 「 單心屎人喇… 」
登勤: 「 瑪姬…」
阿爆探完登勤之後諗住去搵茄雲, 點知行行下見到白賴仁係度收數!!
白賴仁: 「 媽的, 你幾時交租呀﹖」
租客: 「 白哥哥…你通融多一兩日喇…呢排冇乜人黎買4仔…生意好差呀…」
白賴仁叫d手下拎左兩大箱白花油出黎
白賴仁: 「 喇…唔好話我不近人情喇, 而家比兩條路你行, 一係就聽日交租, 一係就後日我黎之前你賣晒d白花油佢, 找返d數比我, 如果唔係o既話你飲晒d白花油佢啦!! 係咁!!」
阿爆: 「 嘩…白賴仁唔係話做生意架咩, 點解會…」
大漢: 「 又係你﹖﹖ 你係度做咩呀﹖」
阿爆比大漢發現左! 大漢同壯漢捉左阿爆去見白賴仁
大漢: 「 大佬, 呢條友係對面街鬼鬼鼠鼠咁, 唔知有乜陰毛。」
壯漢: 「 大漢…係陰謀呀, 叫左你唔好成日返大陸鬼混架啦…而家滿口大陸口音喇!」
大漢: 「 你嘈乜野呀, 係咪想打過呀﹖」
白賴仁: 「 你兩個收聲喇, 佢係兄弟黎架, 快d放左佢!」
白賴仁帶左班o靚同阿爆去一間茶餐廳聚舊
白賴仁: 「 阿爆, 好耐冇見啦, 近排點呀~」
阿爆: 「 ．．．你唔係話做生意架咩﹖ 點解頭先…  」
白賴仁: 「 哈哈, 我係做生意呀, 不過我係做地產生意, 而家呢度成條街都比我買晒, 個個都要交租比我!」( 聽聞佢間中撈下偏門, 賣下白花油咁)
阿爆: 「 但係…」
白賴仁: 「 聽講你近排同一條女行得好埋啵, 佢好似叫茄雲呀呵﹖」
阿爆當堂怯左一怯
阿爆: 「 …你想點…」
白賴仁: 「 佢好似差貴利好多錢啵」
阿爆: 「 你點知架﹖﹖ 你究竟想點!!!!!!」
阿爆好激動
白賴仁: 「 calm down 冷靜d…」
阿爆: 「 點解你連呢d野都知道架﹖」
阿爆忽然覺得白賴仁好可怕
白賴仁:「 哈哈, 因為果個貴利就係我喇! 本來諗住賣佢去做小姐架喇, 但係我收到風話佢近排痴埋左一個消防度, 原來就係你~」
阿爆: 「 你究竟想點, 我爛命就只得一條, 你要o既話就請便啦!  」
阿爆想走, 但係比好多白賴仁手下圍住!!
白賴仁: 「 我見你為左我同史談打車輪咁有義氣, 所以我想你唔好做消防, 過黎幫我手姐。 你過黎幫手既話, 果條女筆數咪就咁算囉~」
阿爆: 「 …」
白賴仁: 「 我比兩日時間你諗下, 有答案o既就上黎我office搵我喇, 呢個係地址。」
p.s. 預計仲有兩、三集就完 |
|
IP卡
狗仔卡
發表於 2004-10-18 15:47:42
提升卡
置頂卡
沉默卡
喧囂卡
變色å¡
顯身å¡
發表於 2004-10-18 16:23:00
