|
|
被指夜店胸襲劉綽琪 海俊傑激動控訴:無女人都唔會掂佢
正當亞視重頭劇《義無反顧》播放得如火如荼之際，突然傳出劇中主角海俊傑被指曾借醉行兇，對劉綽琪上下其手強吻胸襲15分鐘，並在女方面前播放「四仔」短片，似有性騷擾之嫌。雙方在本報記者追問下各有版本，據知劉綽琪已率先接受某周刊訪問，並公開海俊傑行兇後發出的道歉短訊﹔而事件男主角海俊傑則激動地否認此事，深感對方「博宣傳、作」，還揚言再被屈落去會爆大鑊。撰文﹕娛樂組
就此事，本報聯絡事件女主角劉綽琪，當她得知記者來意後，即支吾以對說﹕「﹗係，佢性騷擾我，（可唔可以講得清楚﹖）唔……我諗你打俾我助手啦，可以約時間做訪問，（你可唔可以描述事發經過﹖）﹖……我依家唔會接受你訪問住……等周刊出先啦，（有沒有跟海俊傑聯絡﹖）無﹗都唔係朋友，做咩聯絡﹖」說罷匆匆掛線。
助手堅稱有人借醉行兇
劉綽琪助手則向本報記者詳細描述說﹕「大約是七月左右，有一晚，有人好夜打畀綽琪，話自己有驚恐症，好驚要一個人獨處，約綽琪陪佢飲杯，綽琪驚有咩事，所以叫我陪佢，現場大家飲陣酒，有人就借醉撲落綽琪度抽水，仲不停咁毛手毛腳十五分鐘，綽琪覺得佢太過份，所以即刻走，之後就收到有人短訊話『Hey﹗ Don't be mad﹗ I was drunk﹗ 哥哥』（譯﹕唔好意思，我飲醉了﹗）。可能有人見綽琪鬼妹仔啦，其實拍劇陣都試過性騷擾綽琪，佢部電話畀綽琪睇，係一段四級情慾短片，（點解當時唔求助﹖）我想告佢性騷擾，但又無證據，可以點﹖」
「攬佢把鬼咩﹖黐線﹗」
至於被指是男主角的海俊傑，未待記者引述事件已激動地說﹕「我知咩事，我先接受完本周刊訪問。（究竟是否有性騷擾﹖）首先，無咁事，無深宵Call佢，無因為驚恐症要搵佢陪，驚恐症要食鎮靜劑，唔係搵人陪就得，所有工作人員、監製都知，而且服用鎮靜劑後會好，要覺，如果我真係要借驚恐症來呃女仔就好低招。我係有叫佢飲，不過當晚係一大班人，如果真係另有目的，我就單拖赴會啦，點會約一大班人﹖佢同周刊講我攬實佢嘛，我真係無﹗（為何發道歉短訊﹖）拍劇期間佢做好影響工作的事，影響到連服裝阿姐都話『嘩，佢咁樣得唔得﹖』不過我個人好有品，唔會講出，飲晚，我就係勸佢唔好再做，不過佢死口唔認，之得仲嬲到走，晚我坐佢對面，完全無身體接觸，絕對無攬佢，攬佢把鬼咩﹖黐線﹗我見佢嬲所以Send短訊畀佢話『唔好意思，你當我飲醉啦。』我意思只係話我多事勸佢單。」
海俊傑﹕還我清白﹗
至於播放「四仔」短片一事，海俊傑即說﹕「我承認我部手機的而且確有呢短片，係朋友Send畀我，係好搞笑隻，好多工作人員都有睇過，（佢話你咁做係性騷擾。）性騷擾﹖叫佢告我囉，佢想隊死我之嘛，我知佢條氣唔順，佢唔鍾意我話佢，我知佢同周刊講，話我拍劇時想錫佢，又話勸我唔好錫我都要夾硬錫佢嘛，黐線﹗我成世未掂過女人咩，錫佢把鬼﹖作咁叻不如去做編劇啦。我知件事對我好不利，但我行得正企得正，唔似人擘大眼講大話，我海俊傑又唔係豬八戒，唔會搵唔到女友，而且佢絕對唔係我杯茶。件事發生咁耐，依家先講出，博宣傳呀﹖如果佢再係咁，我會講晒佢出。」臨掛線前，海俊傑表示觀眾眼睛是雪亮的，希望可以還他一個清白。
[ 本帖最後由 射手shooter 於 2006-12-16 01:19 PM 編輯 ] |
|
IP卡
狗仔卡
發表於 2006-12-16 12:22:36
提升卡
置頂卡
沉默卡
喧囂卡
變色å¡
顯身å¡
發表於 2006-12-16 12:24:40
令我諗起Mr. Goodest
發表於 2006-12-16 12:39:33
發表於 2006-12-16 17:41:50
