FEEL 100% 百份百感覺 - 男性時裝發展史

leung_kenneth

有幾多人有睇開<<FEEL 100%>>?

可能有D人係因為睇過電視/電影版先去睇漫畫...
總係覺得如果係先睇過漫畫版o既話...
就好難接受電視/電影版o既角色性格...
只係要個名... 但完全唔同o既性格...
唉... 太浪費一套好漫畫...

<<FEEL 100%>>第1期始於92年...
07年7月書展出版o既第16期卒之大結局...
平均1年1期o既速度... 實在令不少fans髮指...
其實最初出版速度都係around 4-6個月出一期... 但之後因為好多問題...
由隔幾個月出... 到每年書展出... 到隔年書展出...
太過份喇...

其實我都唔係92年第1期就開始睇...
我一開始睇<<FEEL 100%>>應該係已經出到第6期... 95年o既事...
(*電影版第一集應該係96年o既事)
個故事o係當時的確頗浪漫...
許樂遇上自己o既100分少女... 而點解對於Jerry又永遠唔會有100分o既出現?

但故事發展落去... 去到12/13期o既時候...
係令人覺得有D偏離原本預期o既...
去到15期當知道16期要完o既時候...
就估倒個故事咁樣完結實在可惜...

呢兩年的確無特別期待結局o既來臨...
但今日買o左16期仍然覺得有D爛尾兼俾劉雲呃o左咁十幾年o既感覺...
(實在係爛得有D幽遊白書feel... 儘管有人會話幽遊白書無爛尾)
其實最後o個幾期都已經失去o左浪漫o既感覺...
亦唔見o左Jerry同許樂o既o個份青年才俊藝術家設計師魅力...
而只係淨翻許樂個人solo兼唔太好笑o既白痴部份...
由唔再係<<百份百感覺>>... 變成<<百份百搞笑>>...

原因係乜都唔重要喇...
最重要係結果令人有D失望嘛...

成個故事內容真係有好多Detail唔記得o左...
留待我用幾日時間由頭再睇一次之後再講...
但最令我印象深刻o既應該係92年一代型男Jerry竟然將T-shirt攝入牛仔褲一幕...
今時今日再由頭睇一次<<FEEL 100%>>...
真係可以話等如睇o左香港近15年o既男性時裝發展史...

[ 本帖最後由 leung_kenneth 於 2007-7-26  10:03 PM 編輯 ]

天才守門員

開頭d電影版都叫似樣少少........後期個d........
電視版睇到只想殺死個2條粉腸同個件豬排

tom

電視版好好睇

熱刺#29戴維斯

對於我來說只有Jerry直腳黑牛襯紅黑AJ11

肥仔麟

我只係睇過電影版
亦都只係覺得第一同二好睇
之後果d

炎夏

幽遊白書唔計亂交稿果幾個四格外我覺得收得ok

小妖

劉雲個女而家幾大?

個陣佢成日話要照顧佢個BB女 先會晝得咁慢

小妖

http://bee.newmonday.com.hk/showfeature.php?id=102

Dioray

我曾經識得一個係文傳做marketing工作的人，一提劉雲兩字，佢就火起，以下是他的評語節錄：

呢條友，認真仆x。都已經連編劇都搵埋，咩都唔洗佢做，齋畫畫。都一年出唔到一本，成日話無靈感，無靈感唔洗做呀…(下刪一百字)