萬千星輝頒獎典禮2009

射手shooter

http://event.tvb.com/42nd/voting/

我比較有興趣知邊個拎飛躍男及飛躍女,雖然幾出下

阿爆

講其中一樣野先 講左幾年都話捧敏之拎獎, 但年年最後都係空手而回

輝

paula

阿爆

2. 今年.. 男女主角就唔講喇, Laughing 哥又霸埋個男配角, 飛躍男藝員.. 多年候選既 思捷 x  疑似大熱既敖嘉年 x 簽約熱捧既黃浩然, 看似難揀, 但一早已決定花落誰家

henrytam

娛圈 360：萬千星虧頒獎禮 2009
2009年11月28日

無綫萬千星輝頒獎典禮下月 4日舉行，可是這僅屬於無綫高層揸弗的選舉，有見及此，本報娛樂版連日來宏觀網民和視迷意見，舉辦了這個萬千星虧頒獎禮，主旨相當明確──就是繼續鞭策無綫，向爛劇說不！　撰文：蘇芬妮

【萬千星虧】一個連陳志雲、樂小姐同珍姐都冇 say嘅頒獎禮。

最虧女主角
薛家燕《富貴門》

薛家燕由《真情》到《皆大歡喜》，以至近年的《銀樓金粉》，始終未擺脫好姨角色，依然是極盡浮誇之能事，其可怕的笑聲、哮喘般的語調、加上無事也擺出一副中馬票的浮誇表情，被網民拿來改圖戲弄，是繼胡囧囧（胡杏兒）後又一傑作。


最虧男主角
鄭嘉穎《宮心計》

鄭嘉穎比較時尚，演古裝劇格格不入，先天已有不足。撇除這點，他在《宮心計》的不濟演出的確有目共睹，莫講內心戲交唔足，連認認真真望住鏡頭念對白都似乎力有不逮，難怪被網友嘲笑為「橡膠穎」。不過，每當他與佘詩曼獨處演對手戲時，即情聖上身雙眼叉足電，內心戲出晒嚟。

最虧劇集
《桌球天王》

就算鄭少秋預料劇集開播因秋官效應而恒指大跌（跌 663點），也估不到大結局平均收視低到得 27點（約 172萬人次）。講真，套用無綫劇集方程式，將桌球穿插主角愛情線本身已教人呵欠連連，當看到秋官和鄧健泓拿着不倫不類的甚麼倚天 Cue及屠龍 Cue來一記「七重天」（好在冇冰火），畫面又出現比 PlayStation一代更遜的 CG，難道觀眾沒有打爆電視的衝動嗎？

我最厭惡電視男角色
鄧健泓《桌球天王》（靳子謙）

鄧健泓自喚陳志雲作 honey後，即時被力捧，無綫還安排他在劇集《桌球天王》擔任第一男主角，並邀得鄭少秋來襯托他的角色。
無奈入行 10年有多的鄧健泓慘被網友狂轟演技不濟，最慘還拖垮劇集收視，打爛秋官收視保證的金漆招牌。

我最厭惡電視女角色
胡杏兒《烈火雄心 3》（高惠盈）

自從胡杏兒在《太極》一囧成名，凡有她主演的劇集，例必被網民抽出來做個驗屍報告。胡囧囧的確吸取教訓，放棄從前浮誇的演繹方式，可惜她在《烈火雄心 3》的角色設計實太不討好，經常周旋於王喜和鄭嘉穎之間，又不時哭哭啼啼扮可憐。無可否認，這個獎是無綫連累她的！

最虧回歸男/女演員

呂良偉《富貴門》
薑越老越辣，米雪同夏雨等老戲骨之成功，並不代表年過半百藝人一定掂。久疏戰陣的呂良偉回巢拍攝《富貴門》，飾演 CEO卓一元，但阿呂竟冇晒丁力的氣勢，說話陰聲細氣娘娘腔，完全沒有 CEO霸氣。
戚美珍《富貴門》
硬化的表情，單頻的腔調，加上無論興奮、傷心還是抑鬱，均離奇地一個樣的戚美珍，要演呂良偉賢妻對她或對觀眾來說，都是件苦差。雖說好耐冇拍劇啫，都冇話咁甩皮甩骨 o架？

最虧劇集主題曲
汪明荃《愛在天邊》（《東山飄雨西關晴》主題曲）

《東山飄雨西關晴》乃民初劇，阿姐以懷舊風腔調呈獻，絕對配合劇集娘到爆的主題。阿姐起勁唱出第一句時，儼如帶聽眾感受寒風刺骨的冰冷。

宣傳易 Award
恒生銀行

無綫藝員做埋銀行 top sales都仲得。《富貴門》中，胡楓試過不厭其煩的對着鏡頭重複恒生銀行的退休保障計劃有幾好；劇中任職萬基銀行員工的羅嘉良和馬國明，甚至厚面皮到走進恒生開優越理財戶口，邊翻閱小冊子邊讚戶口怎好怎棒。從前沉悶的《宣傳易》變相在劇集播出，別具娛樂性。

飛躍退步男/女演員
鄭嘉穎、周麗淇

鄭嘉穎貴為視帝，他在《宮心計》的演出明顯跌 watt；至於他的舊愛周麗淇也好不到哪裏，這位 05年「飛躍進步女演員」得主，觀乎她在《桌球天王》的演出，居然跟新人差異不大。

最虧新人獎
梁嘉琪《學警狙擊》

演藝學院畢業生首次拍劇先食網民 50大板，演技和樣貌被批評到一文不值，都是無綫的錯。梁嘉琪在劇中飾演有哮喘病的差婆花若葆，執勤都會哮喘病發，身體的確虧。

最具創意特技效果
《宮心計》

《宮心計》以近鏡呈現侍婢的法式水晶甲來表現宮廷的奢華，又借高樓大廈（箭嘴示）現身宮中來凸顯唐朝興盛，也是別出心裁。無綫加插穿崩鏡頭力證《宮》劇乃本地製作，更是用心良苦。

最虧化妝獎
郭可盈《富貴門》

未知是否受到丈夫林文龍的負面新聞困擾，郭可盈拍攝劇集《富貴門》時骨瘦如柴，在高清鏡頭下，凹陷臉頰更無所遁形，但也為其飾演的奸角 Angie增添幾分猙獰感。

最佳潛水藝員
廖碧兒

廖碧兒曾是無綫頭號吸金機，但去年傾續約時扭扭擰擰，結果俾公司放入雪櫃。潛了近一年水，廖碧兒近日傾掂數，日前出席無綫台慶大晒 35D咪咪示人，正式宣佈她和咪咪一起上岸。

最凸出表現獎
陳法拉《有營煮婦》

新一代性感女神陳法拉在《有營煮婦》中，在沒劇情需要下賣弄性感，甚至突破廣管局灰色地帶，在合家歡時段上演一幕脫剩胸圍通屋走，同場加映除褲如廁，睇到觀眾眼凸凸。

終身成就獎
許文彪《大時代》

陳錦鴻在《大時代》飾演的許文彪，狂轟地產商炒高樓市陰乾窮人：「出面嗰班人呀，佢哋識建築識起樓咩？佢只係攞少少錢出嚟，攞少少時間，炒起個樓市就不停賺大錢。咁叫公平咩？你出去問吓人，是但問一個人，問佢哋想要啲乜嘢？佢哋答案好簡單，只係想要一間好普通好普通嘅樓。點解佢哋要用成世人嘅時間去供一層樓呀？因為啲有錢佬喺度玩嘢呀！越有錢就越有得玩呀！呢個世界公平咩？」呢個世界唯一嘅公平，咪就係你攞終身成就獎囉！

http://hk.apple.nextmedia.com/te ... amp;art_id=13467075

生果GJ
不過....最後終身成就獎係創世紀,唔係大時代囉

FlyingDonkey

http://www.hkcmforum.com/viewthr ... &extra=page%3D1

合拼

阿爆

胡定欣.. 烈焰紅唇

阿爆

柴九先下一城, 定得呢次機會呢 ?!

giggs903

原帖由 阿爆 於 2009-12-4  08:46 PM 發表
柴九先下一城, 定得呢次機會呢 ?!

嘩..今次點輸啊..

四奶奶都未必一定..佢真係好難有得輸

hoyte

劉心悠

Raul_Gonzalez

原帖由 hoyte 於 2009-12-4  21:08 發表
劉心悠

保此高班

rob_van_dam

陳恩薇,唔太覺有咩飛躍進步

阿爆

原帖由 阿爆 於 2009-11-6  12:18 AM 發表
講其中一樣野先 講左幾年都話捧敏之拎獎, 但年年最後都係空手而回

阿爆

想Marco 但唔係

rob_van_dam

好大路,冇咩驚喜

阿爆

原帖由 rob_van_dam 於 2009-12-4  09:15 PM 發表
好大路,冇咩驚喜

今年係呀... laughing 哥又係拎硬個男配角既

阿爆

阿余.. 每年都起碼有一個好既角色... 真係好幸福

henrytam

原帖由 阿爆 於 2009-12-4  09:14 PM 發表
想Marco 但唔係

如果冇Laughing哥,Macro可能有d機既

klinskan

金鈴~

henrytam

真係雯女?