|
|
晚上八時十五分,我終於完成了一天的工作.所有乘客下車後,我駕駛著空載的巴士回廠.
回到車廠後,我將巴士泊好,然後執拾細軟離開.不久,浩基,阿峰和阿新也將巴士駛回車廠,於是我們四人閒聊一番.
“頭先六點係平田有個女仔係你架車到同你傾左一兩句,究竟佢係邊個黎架?” 浩基問我.
正當我想向浩基解釋時,阿新卻插嘴說:”佢可能係今朝錫左Henry一啖既女仔.”
“唔係呀嘛?有女仔咁bad taste?”浩基不禁揶揄我一番.
“超!你唔抵得呀?拿,我見你地係兄弟先講,我已經同佢做左朋友喇,仲交換左地址電話添!”
“你咁既死樣邊溝到女架?”阿峰似乎懷疑我的能力.
“你地夠薑既話就同我輸賭.如果我能夠係兩個星期內約到佢出街既話,你地就要請我食飯三日.”
“驚你呀!賭未賭!”他們三人異口同聲說.
浩基看一看手錶,說:”我走先喇!我約左人食飯.係喎Henry,條女叫咩名呀?”
“楊愛瑾.”
浩基離開後,我,阿峰和阿新各自回家.
回到家後,我看著Miki寫給我的電話,猶豫著應否打個電話給她.不過我想不到我應該說甚麼,最後我沒有打電話給Miki.
翌日清晨,我在車廠取車後,和浩基將自己駕駛的巴士駛往平田村準備開工.我倆將巴士泊好後,一起往茶水站食早餐.
“話你知尋晚我有個朋友介紹左個幾掂既女仔俾我識.”
“係?你介唔介意話俾我知佢叫咩名?”
“佢叫鄧麗欣,英文名Stephy.尋晚食完飯後我車左佢返屋企,佢仲讚我架黑色掃把佬好型.”
“咁我祝你同佢發展到啦!”
吃完早餐後,我登上巴士,然後打開車門讓乘客上車.我感覺到Miki會在這段時間來到巴士總站.過了一會,Miki果然來到,登上我駕駛的巴士.
Miki上車後,我倆各自向對方說早晨.之後她依舊在司機位對面坐下,看著我駕駛巴士的形態.這種情況也出現於第二更的車程,不同的是我在第一更車程是載她往葵涌上班,而第二更車程是載她下班回家.
如是者我接載Miki上班下班個多星期,不過星期六日她卻沒有出現.在Miki乘搭我所駕駛的巴士期間,我倆會閒聊一兩句,但只限於時事新聞.
也許是我喜歡Miki的關係,每當我接載Miki時我會更起勁地駕駛巴士,在她面前盡情展示我的駕駛技術,增加她對我的好感.
與Miki認識差不多兩個星期了,我是時候盤算如何約會她.於是我下定決心在第二更車程向Miki提出約會的要求.
九月十一日下午五時,我如常在葵盛東村巴士總站接載Miki下班.在我駕駛期間,我不斷想我應該說甚麼.
過了四十分鐘,巴士到達觀塘裕民坊分站,平時這裏有很多乘客下車.趁巴士停車上落客時,我向Miki說:
“有冇睇過[向左走,向右走]?”
“冇呀”Miki回應道.
“你今晚得唔得閒呀?”
“得閒.咩事呀?”
“我想約你睇戲同食飯,唔知你可唔可以應承我呢?”
“好呀!”
“今晚八點落黎平田巴士總站三十八號站頭搵我.”
“好!到時見!”
成功約會Miki後,我的心情瞬間變得十分興奮.於是我趕快完成餘下的一轉車程,迎接這甜蜜的時刻.
晚上八時,我駕駛的巴士回到平田村巴士總站,Miki果然在站頭等我.
“砵砵砵”巴士響了幾下安,示意Miki上車.
巴士進入車廠後,Miki不停地四周圍望,大概是她以前沒有進入巴士廠的機會吧!
我將巴士泊好後,帶Miki到車廠旁邊的停車場取車.本來我想拖著Miki的手,但我恐怕此舉令她不高興,所以我沒有這樣做.
到了停車場取車後,我接載Miki往旺角.不消十五分鐘,我倆到達目的地.我找到車位將我部Evo 5泊好後,我倆的行程正式開始.
“仲有成個鐘先開場,我地去食野先好唔好?”我向Miki說.
“你鍾意啦!”
於是我帶Miki往戲院附近的餐廳吃晚飯.在餐廳坐下後,我倆點了一個二人套餐.在這頓晚飯進行期間,我們開始藉著對話了解對方.
“Miki,成日唔記得問你,你係做邊行架?”
“我係福建小學教書.”
“嗯……幾多錢一個月?”
“大約二萬蚊.Henry,你呢?”
“唔好以為做巴士佬好低微,我一個月都有萬二蚊.你係唔係自己一個人住?”
“係呀!你都係?”
“原本我父母同我一齊住,但我大學畢業後佢地搬走左,成屋得番我一個人住.”
“睇唔出你大學畢業喎!但點解你走去渣巴士?”
“純粹興趣,我三歲開始已經鍾意車.你估下我有幾多個車牌?”
“嗯……兩個?”
“錯,係四個.除左私家車同巴士,仲有電單車同輕型貨車.又差D唔記得問,你幾時生日?”
“二月十四日,情人節.”
“都幾特別喎!我係九月廿九日生日.”
“你以前有冇拍過拖?”
Miki這樣的問我,使我勾起心中的渴望.
”冇呀,不過我期待佢既出現.以你既美貌,你應該有唔少裙下之臣.”本來我想藉此向Miki表白,但我始終沒有向Miki表白的勇氣.
“我讀書果陣曾經有三個男仔追我,但我拒絕晒佢地,因為我覺得唔岩feel.係喎,除左渣車之外,你有咩興趣架?”
“打機,上網,踢波,睇波,攝影,砌模型.你呢?”
“唱歌,睇漫畫,游水,跳舞.”
“你鍾意咩顏色架?我鍾意紅色,黑色同藍色.”
“我鍾意紅色,橙色同粉色.”
“你既理想對象係點架?”
“唔需要英俊瀟灑,只要細心,岩feel,對我好就得.”
“同你差唔多,不過最重要既係佢唔係煙民,因為我好憎人食煙.D野凍晒喇,快D食埋D野先!”
於是我們趕快把桌上的食物吃光,然後往戲院看[向左走,向右走].而我為了取得Miki的歡心,我決定包辦這次約會的所有費用.
買了戲票後,我倆在座位中段坐下.
電影播放期間,我每隔一分鐘便將目光由熒幕轉移至Miki身上.每當Miki發現我望著我她時,她會向我微笑.
電影播放了差不多一半,我感覺到我右肩被一些東西壓住.我向右一看,發現Miki正在倚在我右肩上.此時我的心情既興奮又緊張.
“……”
“唔洗咁拘謹喎!我地係朋友黎架嘛!”
到了尾段,Miki受到情節影響哭了出來.我很害怕看見女孩子哭,所以我立刻向Miki遞上紙巾.
“唔好喊啦!我好驚見到女仔喊.”
“唔好意思,我睇得太入神喇!”
電影播放完畢,意味著這個約會到達尾聲.我倆離開戲院時,Miki對我說:
“多謝你令我今晚咁開心.”
“我都好開心,因為我第一次同女仔出街.”
之後我接載Miki回家,而我永遠不會忘記這個約會的每一個甜蜜時刻.
待續 |
|
IP卡
狗仔卡
發表於 2003-10-25 18:48:11
提升卡
置頂卡
沉默卡
喧囂卡
變色å¡
顯身å¡
發表於 2003-10-25 22:50:58
發表於 2003-10-26 14:50:27
