|
|
樓主 |
發表於 2006-2-9 01:39:08
|
顯示全部樓層
我的領隊人生特別篇之友情之戰(中)
2005年9月26日
"呼，好累呀！" 係凌亂不堪的床上訓左一對赤裸身體的男女，這個戰場完全顯露了尋晚"激戰"既激烈程度。兩人似乎都恢復意識了。
"早晨呀！美女！"
"賣口乖......" 比琳達起身準備著衫。佢而家背對住我，我一直望住佢，真係女神都冇咁完美，尤其佢個屁股......(天音：喂唔好再亂諗野啦=.=)
"係啦，丹尼爾！" 比琳達突然叫我，我回過神來，佢已經著哂衫，早知頭先睇來d啦= =........
"尋晚你爸媽同你講過咩？"
"冇乜特別我細佬有d事je?"
"剩係得咁多？"
"係呀！有咩特別事？"
比琳達先是猶疑了一會，最後都係出聲："我覺得你爸媽好似有d野暪住我地冇講出黎。"
"何以見得？"
"尋日我同佢講野既時候，總係覺得佢地有時講野就住就住咁，起初我以為佢地係見到我所以講野特別客氣。不過後來覺得好唔尋常，我有d擔心所以黎問你..."
"唔會掛........" 不過而家諗番起，佢地尋日又真係有d怪！而且比琳達一向都好"眼利"！
"可能你錯覺je。"
"唔.........可能真係我多心啦！"
"係囉，我而家好餓，快d熟野俾我食。"
比琳達沒好氣地瞪了我一眼，搖搖頭地出去了。
今日返到球場，我即刻同教練團一齊講下場波。
"查列特，隊員情況點？"
"非常好。尤其夏利遜同保羅羅賓遜，現在正在最佳狀態。"
"咁對Weymouth場波大家覺得應該用咩戰術迎戰？"
"領隊你會點排陣？"
"原班人馬的4-4-2。"
"打穩守突擊戰術吧。我地有拉姆辛同麥克史密夫兩隻快翼。"
"不過問題係後防線可以頂幾耐。"
"加斯居尼你有咩睇法？....喂喂..............."只見佢拎住枝XO係度飲。
"而家傾緊戰術你係度飲酒。" 哥連沒好氣地看著他。
"哈哈哈哈哈....唔好意思......"睇佢已經醉醉地啦=.=
"好心你唔好成日飲酒啦，傷身架。"
"係啦，我知道啦！" 誰知佢講完呢句之後再飲...."唉頂唔順d醉酒鬼= ="
"咁點算呀？"
"算啦唔洗預佢啦！我地繼續！"
兩小時後，在球場中圈上...........
"先主攻！" 球員們大叫道。
"冇錯，Weymouth其中一個弱點係左路防守，韋拿後面係冇後防掩護。所以我地開波初段放多d波俾拉姆辛做進攻。" 球員你眼望我眼，冇發表意見。
"不過同樣地基斯要單對單韋拿既機會相對大了，基斯，你沒有問題吧？"
"冇！" 見佢咁有自信既回答，我頓時放心了。
"咁好！頭5分鐘我地盡量進攻，之後就縮後等機會吧，後防可能要辛苦你們了。"
"放心！我地唔會有問題。" 根寧咸大聲叫道。
"領隊，我有個諗法............"多遜突然出聲。全部人目光集中在他身上。
"點樣？"
"由我緊釘班拿特吧。我對佢會比較熟路...."
"哦！點解你會對佢比較熟路呢？"
"因為我細路係熱刺踢波，係佢口中都知道唔少呢個球員既野。我相信我可以緊釘佢。"
"係喎佢細路係熱刺既米高多遜喎。" 韋特先出聲。
"估唔到你細路咁叻既。" 球員們交頭接耳講起米高多遜。但我突然見到奇雲佢塊面雛哂眉頭咁，唔知發生咩事
"咁好啦！多遜你負責釘住班拿特啦。其餘球員無需作任何人釘人戰術。"
"OK！" 跟住我將其餘戰術講哂俾佢地聽，叫佢地準備好。
係臨走前，收到主席既電話叫我入去佢辦公室。
入到去，見到除了盧靴利同侯西先生外，president派利臣先生都係度。
"丹尼爾，你黎啦！請坐。"
"聽日大戰黎啦！有冇信心？"
"我會盡我所能的。" 講真，面對一隻發緊癲既西牛，有邊個可以好有信心馴服到佢........
"哈哈哈，放鬆d啦！只要你盡力就得了，我地都知呢場勝算不高。"我同盧靴利主席又開始慢慢閒談起來。
"呀！係啦！派利臣先生有事想搵你........."
"哦！係咩事呢？"
"咁既！首先多謝你既優秀表現協助球隊暫時排到聯賽第二，我好感激你。我決定以個人名義俾£30,000你作球員買賣。"
"多謝呀，其實唔洗咁多！" 的確，我買親都係免費球員。
"得啦！你唔洗咁客氣既，仲有我想問下賴恩既情況........"
"賴恩！你想問佢咩？" 我感到好奇，點解佢會突然對一個平平無奇既球員感興趣。
"哦！我想問下佢操練情況點je........"
"唔錯，見佢操練都幾勤力。不過比較少出聲啦，又唔多同隊友玩。"
"原來係咁..............." 佢若有所思地歎了一聲。
"請問有咩特別事？"
"呀！冇呀！好啦，我有d事要走先啦。" 點解佢急急腳走左去既
"哈哈哈！咩你唔知咩？"
"唔知咩.............."
"你睇下兩個人個名就知？"
"名......President係Jim Parsons, 賴恩係Ryan Parsons.........唔.....唔通.."
"冇錯！佢地係父子。" 佢竟然係少爺仔@@
"佢見佢個仔近排都冇正選所以想黎問下je。不過放心，派利臣先生係通情達理既人，唔會因為咁要迫你出賴恩既......" 唉係就好啦！ 不過講真咁就解開左點解其它球員唔多願同佢玩，似終佢呢種身份比較易令人有偏見。
"好啦！我唔阻你啦準備比賽啦，再見！"
"好！" 唉，快d返屋企訓個好覺，聽日開波啦！
2005年9月27日
非聯賽南組第八場
 Weymouth VS Maidenhead United 
"好！各位球員！今日要全力以赴！"
"係！"
"好！出去吧！"
終於黎到啦！今季暫時最重要既比賽，出到更衣室時，竟見到希拉里，佢似乎準備緊d訪問稿。佢見到我就緩緩走過來。"加油呀！"
"係！我會的了。"
所有球員係球員通道上準備俾球證入場。我就先走出去後備席準備了。
"丹尼爾！" 突然有人叫我，我向後一看，是我今日的對手加利！
"我等今日等左好來啦！"
"我都係！"
"今日我地係敵唔係友，盡全力決戰，唔好有任何保留！" 佢伸出雙手......
"好！" 我拍一拍佢隻手以示友好！
呢個時候雙方球員已進場了，雙方都沒有任何傷兵，所以都出盡全力陣容。
Weymouth：巴列特; 禾特文, 包特, 奧拜恩; 佩斯亞, 卡利, 克捷臣, 韋拿; 班拿特, 積臣, 華尼
Maidenhead: 夏利遜; 基斯, 多遜, 根寧咸, 般頓; 拉姆辛, 格蘭, 湯美利臣, 麥克史密夫; 尼高斯, 保羅羅賓遜
"唔好緊張.....唔好緊張呀............"
"加油呀丹尼爾！" 忽然聽到身後有聲，係比琳達！原來佢坐係我後面，仲有阿爸阿媽tim！
"爸！媽！睇住我表演啦！"
此時，球證已經點齊人數。"咇！！！"正式開波！
開賽兩分鐘，格蘭搶到卡利控球，前者即刻送俾拉姆辛，如我所料佢前面空哂。"上呀！拉姆辛！"
誰知竟然突然有人簽出搶到拉姆辛控球，那人竟是韋拿！
"點........點會" 我同拉姆辛都嚇一大跳，韋拿竟然係自已接近低線地區出現。
"哇！！！韋拿好靚仔呀！" 原來韋拿有唔少女fans既=.=...............
韋拿開始盤球了，輕易地扭過拉姆辛，並且以飛快速度直迫基斯
"好來冇見喇！基斯！"
"今次我係唔會輸俾你！睇住黎！"基斯即刻出雙腳飛剷，韋拿看似想做個假動作
"哼！我估計到啦！" 只見韋拿冷笑一聲。原來佢傳俾中場克捷臣再同佢做one-two，即時成條右路空哂。"咩話，激氣！" 韋拿左路傳中，中路三位前鋒已被其它三位後防緊纏，但球場似乎越過三個球員。原來真正既目標右路後上既佩斯亞，由於般頓正mark住華尼，所以沒有時間理佩斯亞。
"弊啦！" 夏利遜似乎唔夠時間補位！佩利亞球不著地volley！
好在中網側。
嚇一跳，不過開賽不到五分鐘就已經發出警告了。
"激氣！" 基斯仲惱緊頭先既失誤。
"頭先只係熱身，跟住就唔會手軟！"韋拿向基斯發出"必勝宣言"。
"咩話？" 基斯好似想打了，隊長多遜去叫佢冷靜。
估唔到開賽冇來戰術就被打亂了，我向加利方面望了望，只見佢以一種非常自滿的神情望住我。"你有咩方法對負我呀？"
好！有趣！愈難打我愈感到刺激！
"要慢慢黎呀，最緊要控球在腳！"
如今，既然戰術已無用，唯有減少對方控球機會了。
開賽9分鐘，克捷臣大腳傳俾積臣，積臣二傳俾左路韋拿！當然基斯正緊釘佢。
"今次我絕對唔會俾你過到！"
韋拿對住基斯，冷笑了一聲"哼！睇黎你仲未明白。"
"咩話！？"基斯未講完，韋拿已用速度壓過了他。"激氣！"
韋拿再次壓入左路，然後大腳傳中！"基克！頂入佢！"
佢想傳俾積臣，不過195CM身高的根寧咸已準備同佢鬥頂。
"哼！我實頂贏！"
"咁就難講了！" 只見積臣即刻跳起。哇！佢跳得好高，高過根寧咸了。
積臣一頂，直飛入夏利遜右邊網仔！開賽11分鐘，Weymouth首先得到領先。
"好！" 加仔果邊大叫。
我無言了，積臣的起跳真是可怕！
韋拿經過基斯，以一種豪氣既笑容望住佢！
"激氣！？"
弊了，睇黎我仲太低估韋拿既實力，而家戰術完全失敗，點算好呢？
to be continued......
[ 本帖最後由 JohnTerry 於 2006-2-14 11:31 PM 編輯 ] |
|
IP卡
狗仔卡
發表於 2006-2-8 22:29:00
顯身å¡
發表於 2006-2-8 23:13:01
