向內蒙出發 – 黃沙中的小朋友 (第四日 六月二十七日 少雨) #227

麥旋風

原帖由 ~~Miguel~~ 於 2006-6-30  02:09 AM 發表

好唔好玩~

我夠膽講話一流

麥旋風

原帖由 講野無point的人 於 2006-6-30  02:28 AM 發表

report~

冇問題
依幾日攪埋搬屋果D野我就會打既啦

Sol_Campbell

原帖由 麥旋風 於 2006-7-1  11:10 AM 發表

我夠膽講話一流

咁大膽

Sol_Campbell

原帖由 麥旋風 於 2006-7-1  11:11 AM 發表

冇問題
依幾日攪埋搬屋果D野我就會打既啦

打左未

源．京一

PHOTO

麥旋風

原帖由 Sol_Campbell 於 2006-7-7  01:37 PM 發表

打左未

未
因為未攪掂tv card既問題

麥旋風

原帖由 源．京一 於 2006-7-7  01:42 PM 發表
PHOTO

好快，俾d時間我

捷克NeVeD子彈

已經俾左40分鐘時間你,夠未

麥旋風

原帖由 捷克NeVeD子彈 於 2006-7-7  08:18 PM 發表
已經俾左40分鐘時間你,夠未

吊你癮

源．京一

原帖由 麥旋風 於 2006-7-7  10:04 PM 發表

吊你癮

吊子彈

麥旋風

原帖由 源．京一 於 2006-7-7  11:30 PM 發表

吊子彈

抵吊

麥旋風

終於，係攪掂左十九吋芒下，有番D mood打第一日既report

向內蒙出發 – 親切的黃沙 (第一日 六月二十四日　晴)
時晨大概是五點鐘，剛睇完世盃最後一場分組賽，雖然整晚沒有睡眠，但精神卻仍飽滿，應該是因為期待吧。完成最後行李點算後，開始玩相機，拍低「離開前的一刻」，點知鬼馬婆婆依個時候醒左，不停問我食唔食早餐，又問我食唔食蕉，攪到我都有點尷尬。
六點鐘，正式出發，搭到地鐵既頭班車，有點意外一朝早已經咁多人，香港真係一個繁忙既社會。
0638，同班fd剛好到達旺角中旅社，又一個估唔到，已有部份人到達，不止我們幾個對這旅程有期待嘛﹗
七點三，旅遊巴向深圳開出，第三個估唔到，估唔到依家D旅遊巴咁鬼死靚，拍得住飛機果下得人驚。
過左兩個關，大概九點鐘終於到達到深圳寶安國際機場，外觀睇落去都唔錯架，但入面嘛……淨係自動售賣機入面D水係黃色已經夠嚇死人……攪左兩個鐘，值機埋(Check in也，內地係咁叫既)，十一點鐘左右終於起飛，點知，依個時候就發生第一個人間慘劇，我竟然失敗到昨晚唔記得叉電，部相機冇電﹗﹗救命呀﹗﹗……卒之，望住窗前無邊際既雲海慢慢飛過，一切只可留在我的腦海中……
冇得影相之下，我唯有補充番我既睡眠，話晒果面都有得睇波嘛，嘻嘻。不過飛機餐好快就送到，雖然食就唔係太好食架啦，但見佢個包裝咁靚，而且冇聽鬼馬婆婆話食個早餐先，已經飢不擇食。
成個機程大概有三個鐘，隔黎兩個都係唔識既，冇得傾計又冇野玩，都幾悶，點知依間航空公司有D野玩-----底價$500既機票競投，雖則我得個睇字，但過程既刺激都幾好睇，而且有咁既諗頭去吸引客人，係限米煮限飯之下，依個創意都值得欣賞下。
下午兩點正，安全到達左呼和浩特機場，強調安全依兩個字係因為係飛之前唔係好信得過大陸果D航空公司，但估唔到成個過程都好穩定下，拍得住其他國際航空公司，大陸野唔係下下都差嘛~
正當乘車到賓館時，發現周圍都好多工地下，而且商店都幾多，除左鋪名會多左行蒙古字之外，基本都同一般內地較繁華既城市都冇咩大分別。聽我地個導遊講(趙先生，係內蒙古大學外事處處長)，原來內蒙古連續幾年都保持住兩位數既正增長，所以會見到城市不斷發展緊，尢其當中幾個大城市，即呼和浩特同包頭咁。怪得之啦……
三點鐘，到達酒店，當晚我地係住係內蒙古大學入面既桃李湖賓館，命名既原因係因為附近有個桃李湖，但神奇在我地係酒店房入面點睇都睇唔到個桃李湖……番到房，除左即時放低晒D行李之外，第一時間就係開著部電視搵CCTV5同埋叉電，哈。
四點鐘，無啦啦開會，原來當晚有個歡迎晚會，內蒙古大學學生會同我地傾下計玩下遊戲咁，開會就係為左要揀個司儀、諗遊戲同埋表現節目。曾經有衝動諗過做唔做司儀，但始終仲未突破到自己個心態，成日話要做好自己，但依樣做幾廿年都未做到……卒之，司儀有左人選，遊戲都有左頭緒，到表演嘛，分組自行決定。依照慣例，慢熱既我唔會太快有意見(因為Load得慢…)，但我唔怕做參與，有左初步Idea之後，輔助既角式就由我做啦，哈。至於表演D乜，一陣先講。
六點鐘，晚飯時間，成班真係呆晒係度。唔係D食物唔岩胃口，而係多到離晒大譜，十八大筤都唔知止唔止﹗之前冇講，依家補番講，我地依個團係由中央教育部方面資助既，所以有個中聯辦既官員陪同我地一齊去，兩個單位都咁猛，唔難令我地諗到點解依餐點解咁豐富，官字兩個口，食都食得多D。(講笑，有官員睇度既話唔該唔好咁認真，小朋友唔識世界嘛，嘻。)講番D食物，話晒內蒙都內陸地區，雖則有黃河在左近，係飛機上亦見好多農田，但都係以食肉為主，冇乜魚同菜，而且偏向spicy(有冇人識寫依個字？)。好在我都唔揀飲擇食，唔駛餓死。
晚上八時正，交流&歡迎晚會開始，我地同內大生卡啦咁坐，本身我既策略係睇下果到邊個女仔坐左先，我先坐埋去，點知佢地又係等我地坐左先，卒之兩個男生坐左係我隔黎，失策﹗一坐低，兩個內大生就即爭住同我講野，好在平時睇得多《我猜》，訓練有數，普通話對答還可以，傾得幾開心下，我地什至傾到國家大事添，哈哈。講番個晚會，整體黎講算係唔錯，當地既學生比起我地想像之中更為熱情，而且好識得表現自己，唔會怕醜，只要一拎至咪係手上，說話就會源源不絕，令當晚既氣氛攪到好好。
交流會結束之後，我地同內大生圍住校園走左個園，順便傾下計，一傾之下先知佢地既視野真係好廣闊，唔好講話大概了解下整個中國既情況，就連日本同韓國既GDP都可以隨口講到出黎，果個學生仲要係讀中文系既咋喎，真係咪話唔驚。雖然香港係一個資訊爆炸既社會，依D資料可能隨手上下網都搵得到，但係有幾多個學生真係會搵依D野黎睇、黎記？相反，佢地搵資料來得俾我地少，但就係因為少，佢地識得珍惜，亦識得運用，回想香港雖然將會攪通識教育，但有幾多學生真係會將依一科所學到既野裝備自己？又會有幾個學生考完就算，搵完補習拎個A就算？依一點，我自慚形愧中……

[ 本帖最後由 麥旋風 於 2006-7-8  12:31 AM 編輯 ]

Fantasista

原帖由 麥旋風 於 2006-7-8  00:19 發表
依一點，我自慚形愧中…….

x2

STAM

好睇

不過
唔難令我地諗到點解依餐點解咁豐富

AI3

平仔

自己無得去旅行,,唯有睇下你果d

好睇~~

choy991044

我要睇相
最憎千字文

源．京一

原帖由 choy991044 於 2006-7-8  01:44 AM 發表
我要睇相
最憎千字文

Smithy

原帖由 choy991044 於 2006-7-8  01:44 AM 發表
我要睇相
最憎千字文

麥旋風

原帖由 choy991044 於 2006-7-8  01:44 AM 發表
我要睇相
最憎千字文

因為果日未有相機
所以未有相
第二日開始有架啦