向內蒙出發 – 黃沙中的小朋友 (第四日 六月二十七日 少雨) #227

Sol_Campbell

原帖由 麥旋風 於 2006-7-11  05:51 PM 發表

第一日咪講左囉
得兩個男仔坐我隔黎
攪到我識唔到女仔

可惜

麥旋風

原帖由 Raul 於 2006-7-13  12:17 PM 發表

with photo gallery

抽過先俾你啦
如果唔係真係Gb幾兩GB架

Damn Kirby

真係正

麥旋風

向內蒙出發 – 初遇晨曦 (第三日 六月二十六日　繼續晴空)

　　原本以為去到大草原依D咁偏僻既地方，一定會Miss左兩場世界盃，點知當地做得旅遊區，竟然體貼到有酒吧播波，真抵鍚﹗﹗於是，當晚幾乎成團人去晒間酒吧到睇英格蘭對厄瓜多爾，由於當地人唔太熱衷於足球，攪到我地好似包晒成個場咁，認真巴閉﹗不過，我地幾個睇完上半場之後，就番左去訓，因為，好戲在後頭。

　　其實好戲有兩個，一，就係三點既荷蘭對葡萄牙，依場我同朝健都好期待，所以寧願放棄反英格蘭，都要睇；二嘛，就係日出，難得黎到咁空曠既地方，唔睇皮蛋黃都要睇依個咸蛋黃﹗於是，我地較好鬧鐘之後，打開埋蒙古包上面個天窗，睇住星星大覺訓啦。

　　誰不知，未等到鬧鐘鬧聲，先被午夜既寒風刮醒，真係好凍﹗粗略估計，應該得番十二、三度左右，攪到不停失溫，無辦法之下，唯有冒住有「千年蟲」既危機蓋上「千年被」黎訓，先勉強訓得著（旋按︰依個係我阿姨聽收音機講既，佢話蒙古包入面D被完全唔洗，個個都蓋過，有人仲見過有蟲添~﹗）。

　　去到三點，耳邊響起李克勤既「情非首爾」，等佢唱多兩句之後，身旁既樹熊忍唔住起身，依個時候我先慢慢起身，同佢講聲︰「唔該，係我既。」無錯，其實係我手機鬧鐘既聲音。嘈醒左唔睇波既樹熊，我叫醒埋朝健，就急急腳走左去啦。

　　去到酒吧，得番幾丁友，包括我地中聯辦既官員熱水球(原名︰葉水球)，可見大家之前果日都玩得累了嘛﹗所以相較於上一場英格蘭，大家都冇乜力叫lu~

　　依場波我地又係睇得半場，之後就要出發去睇日出。叫醒埋劉邦同樹熊之後，本來打算去洗個面先行，但一來當時已經好凍，唔太想行番轉頭去老遠既洗手間，二來當地冇熱水系統，水喉流既水完全係冰水黎，拎黎洗面簡直係自己同自己玩「凍柑」，所以最後我地都打消左個念頭，直接去睇日出算。

　　四點幾去到企定定，見到天開始光，我地都好期待。而估唔到既人，果到竟然有隻狗走埋黎，同我地一齊睇添。睇見隻狗既眼神帶點憂鬱，我地仲笑話佢原本仲有隻狗女陪佢睇，依家肯定諗番起D傷心事，哈。

　　等左成個鐘，成班友企晒係度吹風，個太陽終於肯係個山頭冒出黎俾我地見啦﹗﹗果一下既感動，真係唔識用任何既說話去形容﹗﹗




　　睇完咁靚既畫面之後，我地都心滿意足，總算冇白費一番心機起身。玩多陣相機之後，我地就番番去訓啦。

　　訓到八點半，食埋個早餐，我地又出發，今次係去探訪蒙民家庭。

　　原本以為蒙民一定住蒙古包，點知去到除左有幾個蒙古包之外，仲有一間修葺緊既平房，入去一睇，間間房都好大。特別既係，佢地訓既唔係一張張獨立既床，而係一個約一米高由房去到窗既大櫃，上面再鋪張毯，咁就俾幾個一齊訓。不過依個都唔係最神奇，更加令我地驚訝既係，佢地既廁所竟然裝左按摩浴缸﹗後尾聽番趙老師講，佢話蒙古人養埋咁多生畜，其實好有錢。所以話，唔好成日用既定眼光睇人。

　　睇完之後，我地入左去其中一個蒙古包，主人家請我地食幾款特別既奶製食品，味道都係酸酸地咁，但幾好咬口，唔錯唔錯。但當我地食緊野時，個主人家唔係太笑，我地以為佢唔係好歡迎我地，於是成班就撩佢傾計，點知傾傾下佢突然話不如唱首民族歌曲我地聽，仲換埋蒙古服陪我地影相，果一刻真係有D受寵若驚。其實會唔會只要你對蒙古人熱情，佢地就會熱情咁對番你呢？

　　探訪完之後，我地上番車，再向下一站出發------包頭。

　　包頭依個城市其實主要靠一間企業帶動，果間野叫做包頭鋼鐵，係全球一百強企業之一，我地聽日就會去果到參觀。係未去到之前，我地先係中途既一個小城市武川食個午飯先。

　　今餐我地食一種叫做莜麵既物體，佢有好多種形狀，係點D醬汁黎食既。但其實佢俾我既感覺只係一堆粉皮，口感唔太好，可能唔太肚餓掛。

　　食埋野之後，就上車大覺訓。訓到中路，有人撩鋤D，咁就玩啦。初頭都贏到既，點知後尾一玩計分即刻乃晒野，連炒兩鋪，有人見到咁既情況即刻抽水，話落車前最低分果個罰唱歌。雖然輸緊，但無理由縮沙咁，於是奮力頑抗，攪到臨落車前幾個都差唔多分，於是我快速派牌，期望力挽狂瀾，可惜，最後都係輸左，要唱歌。不過，唔緊要，有拖冇久(旋按︰到依家都未唱，大家唔好篤爆我，嘻﹗)。

　　四點終於到達到包頭賓館，個個一拎左房匙之後，即衝上去爭住沖番一日冇沖過既涼。

　　六點半食埋晚餐之後，八點鐘自由活動。雖然已經係八點鐘，但當地既日照時間好長，到九點先真正入黑，所以都唔怕蕩失路。原本打算去打保齡球，但估唔到佢地價錢追得上香港，所以我地都係決定行街街，繼續補充手信。

　　去到一條類似女人街既步行街，乜都有，有衫有褲有鞋有玩具，但樣樣都好似熟口熟面，好似係深圳都見唔少，其實依D野係咪真係全中國都有得賣架？卒之最後只係買左個五皮野既「米刻」電話繩就歸去了。

但當我地沿路番去時，見到八一公園果面好熱鬧，原來係小食檔，我口痕痕梗唔會錯過啦。於是買左個油炸冰淇淋同幾串羊肉串，真係唔錯。



　　去埋超市shop下零食之後，攪到十點，我地番去酒店準備睇意大利對澳洲。除左樹熊要保衛番家國之外，我地幾個都撐意大利。可惜，等左好耐都冇入波，我地都好眼訓。終於，最後一分鐘，偉大的意大利左後衛博到十二碼，隨住旁述暴走中既咆哮，我地亦都終於訓得。

[ 本帖最後由 麥旋風 於 2006-7-18  11:52 PM 編輯 ]

ohcl

順便宣傳一下
你個愛情故已經貼到第二集~

ohcl

　原本以為去到大草原依D咁偏僻既地方，一定會Miss左兩場世界盃，點知當地做得旅遊區，竟然體貼到有酒吧播波，真抵鍚﹗﹗於是，當晚幾乎成團人去晒間酒吧到睇英格蘭對千里達，由於當地人唔太熱衷於足球，攪到我地好似包晒成個場咁，認真巴閉﹗不過，我地幾個睇完上半場之後，就番左去訓，因為，好戲在後頭。

　　其實好戲有兩個，一，就係三點既荷蘭對葡萄牙，依場我同朝健都好期待，所以寧願放棄反英格蘭，都要睇；二嘛，就係日出，難得黎到咁空曠既地方，唔睇皮蛋黃都要睇依個咸蛋黃﹗於是，我地較好鬧鐘之後，打開埋蒙古包上面個天窗，睇住星星大覺訓啦。

英格蘭千里達跟住播荷蘭葡萄牙????!!!!????!!!

麥旋風

原帖由 ohcl 於 2006-7-18  11:43 PM 發表
　原本以為去到大草原依D咁偏僻既地方，一定會Miss左兩場世界盃，點知當地做得旅遊區，竟然體貼到有酒吧播波，真抵鍚﹗﹗於是，當晚幾乎成團人去晒間酒吧到睇英格蘭對千里達，由於當地人唔太熱衷於足球，攪到我地 ...

唔係咩？唔記得左啦

.........

原帖由 ohcl 於 2006-7-18  11:43 PM 發表
英格蘭千里達跟住播荷蘭葡萄牙????!!!!????!!!

ohcl

原帖由 麥旋風 於 2006-7-18  11:44 PM 發表

唔係咩？唔記得左啦

一個分組賽一個十六強喎

ohcl

51 25 June 2006 Stuttgart  ENG:ECU  1:0 (0:0) Photos | Video | More
52 25 June 2006 Nuremberg  POR:NED  1:0 (1:0) Photos | Video | More

giggs903

講事講..咁去要幾錢

麥旋風

原帖由 ohcl 於 2006-7-18  11:46 PM 發表

一個分組賽一個十六強喎

係喎，係厄瓜多爾

麥旋風

原帖由 giggs903 於 2006-7-18  11:47 PM 發表
講事講..咁去要幾錢

如果跟出面團去，起碼都三、四千
未計機場費之類既野

但近交流團去
二千蚊包晒

giggs903

原帖由 麥旋風 於 2006-7-18  11:50 PM 發表

如果跟出面團去，起碼都三、四千
未計機場費之類既野

但近交流團去
二千蚊包晒

三四千又去幾耐呢

麥旋風

原帖由 giggs903 於 2006-7-18  11:53 PM 發表

三四千又去幾耐呢

好似都有六日

giggs903

原帖由 麥旋風 於 2006-7-18  11:58 PM 發表

好似都有六日

都唔知叫唔叫貴.,
識唔識到D異地異性呢

麥旋風

原帖由 giggs903 於 2006-7-18  11:59 PM 發表

都唔知叫唔叫貴.,
識唔識到D異地異性呢

如果計晒所有費用+埋玩，我估要六千至七千
睇你目的係咩啦

講真，除左sales之外，冇乜機會識到
因為果度好少做夜市生意
冇Disco既物體
但如果你既功力可以去到周街搭訕都識到人既
咁應該唔成問題

[ 本帖最後由 麥旋風 於 2006-7-19  12:05 AM 編輯 ]

giggs903

原帖由 麥旋風 於 2006-7-19  12:03 AM 發表

講真，除左sales之外，冇乜機會識到
因為果度好少做夜市生意
冇Disco既物體
但如果你既功力可以去到周街搭訕都識到人既
咁應該唔成問題

都叫係中國大陸啊..都貴貴地喎
咁你同乜人去呢..(我好明顯係未得閒睇你篇野住的)

Damn Kirby

估唔到你係蒙古都見證到偉大的左後衛

麥旋風

原帖由 giggs903 於 2006-7-19  12:06 AM 發表

都叫係中國大陸啊..都貴貴地喎
咁你同乜人去呢..(我好明顯係未得閒睇你篇野住的)

都係架
依期抵去既我估係上海果頭
幾千蚊六日至七日
去晒果區所有地方