向內蒙出發 – 黃沙中的小朋友 (第四日 六月二十七日 少雨) #227

ohcl

可以貼到下面個blog嗎?
hkcm部落庫

麥旋風

原帖由 ohcl 於 2006-7-8  10:42 AM 發表
可以貼到下面個blog嗎?
hkcm部落庫

當然冇問題啦

ohcl

原帖由 麥旋風 於 2006-7-8  11:01 AM 發表

當然冇問題啦

係丫
遲d你個愛情故都會貼番上去
冇問題ma

ps:你未作完ga

麥旋風

原帖由 ohcl 於 2006-7-8  11:03 AM 發表

係丫
遲d你個愛情故都會貼番上去
冇問題ma

ps:你未作完ga

邊個愛情古？
已經忘記得一乾二淨

ohcl

原帖由 麥旋風 於 2006-7-8  11:08 AM 發表

邊個愛情古？
已經忘記得一乾二淨

收pm

麥旋風

原帖由 ohcl 於 2006-7-8  11:13 AM 發表

收pm

居然有依個？
我以為失傳左添
唔該晒你

但應該寫唔到落去
因為對當中所有既當事人都已經有晒定論
感覺唔同晒
再寫落去好破壞個整體
留番佢爛尾可能好D

ohcl

原帖由 麥旋風 於 2006-7-8  11:25 AM 發表

居然有依個？
我以為失傳左添
唔該晒你

但應該寫唔到落去
因為對當中所有既當事人都已經有晒定論
感覺唔同晒
再寫落去好破壞個整體
留番佢爛尾可能好D

其實不如唔好post最後一集
咁樣好似完整d

麥旋風

原帖由 ohcl 於 2006-7-8  11:32 AM 發表

其實不如唔好post最後一集
咁樣好似完整d

係完整D
但我比較鍾意無尾既結局
吊人癮D

你喜啦
話晒個blog都係你攪

ohcl

原帖由 麥旋風 於 2006-7-8  11:39 AM 發表

係完整D
但我比較鍾意無尾既結局
吊人癮D

你喜啦
話晒個blog都係你攪

你吊人癮都唔好唔滿足佢地d癮先得ga

麥旋風

原帖由 ohcl 於 2006-7-8  11:42 AM 發表

你吊人癮都唔好唔滿足佢地d癮先得ga

俾D人有想像既空間嘛

麥旋風

向內蒙出發 – 草原上的Engine人 (第二日 六月二十五日　無盡的晴空&星空)

　　昨晚組長吩咐落，執定D野落背囊，唔駛帶Gip去蒙古包，因為之後仲會住番依家間賓館。依個真係一個好複雜既問題，背囊咁丁個，點樣可以帶咁多野？仲要帶埋第三日去包頭既野果下神奇……於是乎，又幾簡得幾簡，簡陋之下果然有D問題，埋下伏線先……
　　八點鐘食早餐，又係好豐富既一餐，有包有麵有肉有湯，樣樣都唔錯，但特別既係當地既奶茶﹗強調「當地」兩個字，就係因為「當地」既奶茶同香港既完全唔同。香港既奶茶，係茶中加奶，但內蒙嘛，奶源豐富，反而係奶中加茶，有強烈既奶味，飲慣香港既會覺得好怪，但飲落去咸咸地，其實唔錯。

　　九點鐘，出發去格根塔拉草原，亦即係蒙古包既所在地﹗﹗
　　去蒙古包既車程有成三、四個鐘，本身都預左補充番因睇波冇左既睡眠時間。但當去到車程一半，一望窗口，竟然已經係一個個無盡既草源﹗雖然有時睇D wallpaper都會見到D一望無際既地平線，但絕對唔會比親眼目睹果下咁震撼﹗依一個驚喜，對於我地幾個讀緊電腦工程既同學仔黎講真係無可比擬既感動，無他，長駐係四面都係牆既電腦房，日日夜夜都係對住部無情既電腦，忽然間，去到一個無拘束既大草原，成個學期積積埋埋既壓力彷彿於無形間消失得無影無蹤，不禁大嘆︰「我無黎錯依度﹗」

　　下午十二時半，到達左格根塔拉，見到各式各樣既蒙古包，有戰車型、有酒店型，而我地住既係簡樸型，要體驗內蒙古生活嘛，哈。不過雖則係簡樸，個蒙古包底都係有石屎做底，後尾問番，原來依家既蒙古人好多都已經定居左，所以好少會再用D即時搭建既蒙古包lu。

影左幾幅相之後，我地行左去個空地到，原來有個歡迎儀式，一班著住蒙古服飾既人載歌載舞咁帶我地行到紅地毯到排成一排，之後就每個遞一個小杯既酒俾我地。有睇過電視都知到蒙古既酒酒性好猛，三杯不醉都已經好威，我平時飲一罐啤酒都已經盡，突然間黎個咁激……不過既然係歡迎儀式，無理由抗拒架，於乎小試一口，果然，直燒喉嚨﹗果一刻除左笑，已經唔知道講咩……

　　飲完酒之後，好在未暈，安頓好晒D行李後就去食晏。
　　走入餐廳，原來有表演睇，係蒙古戲曲。但一來唔好聽，二來聽唔明，三來好肚餓，於是冇理佢，食野算。今餐既主菜係煮羊肉，除左兩個食唔到羊既女仔之外，我地個個都好期待。不過，係未黎主菜之前，先黎好豐富既前菜，無錯，係豐富既前菜，估唔到佢地連雞都只當係前菜，不過又係既，果到食牛食羊，隻隻都咁大隻，雞咁丁隻，係前菜架啦……食到咁上下，主菜終於黎啦，煮羊肉全隻出場﹗
　　依一下真係好攪笑，冇意味過佢真係成個足球咁大個咁上碟，正考慮緊係咪輪住每人咬一啖之際，發現原來有把平時去大快樂鋸扒既刀，於是組長大人浩哥就出手解決佢。睇住佢出盡九牛二虎之力去殺一隻羊，我地明白到咩叫獅子撲兔都出盡全力既道理，為左報答佢，我地食多左幾件，哈。講笑姐，其實要切出黎真係好辛苦，我地又未去到庖丁個level，唯有請教趙生(導遊)。果然，佢純熟既刀法好快手就切左好多片肉出黎，佢唔做教授既話真係可以考慮下做切羊肉。講番D羊，除左難咬左少少之外，基本上都幾好食，o趙下o趙下用黎送酒就真係一流。
　　食野期間有個小插曲，就係我地阿朝健兄本來想問侍應拎多個杯，於是乎佢用普通話講啦︰「可以給我一個杯嗎？」點知個侍應笑一笑，答︰「English…」。老友，普通話都讀得字正腔圓嘛，哈。
　　食完飯，我地周圍玩下相機，影下相，見到咁靚既環境真係好難忍手，嘻。

　　到兩點半，我地去睇表演，有摔跤同騎術表演。唔講真係唔知，原來日本人認為佢地係源於蒙古，所以D蒙古酒同日本既sake有D似，摔跤既手法亦同相撲有D類同。至於騎術，可謂嘆為觀止，三匹馬並排俾六個人係度玩疊羅漢，夠膽練依下野已經唔講得少，做到出黎果下真係令人覺得不可思議﹗

　　睇完表演，到我地自己玩，試下騎下馬仔，坐下駱駝車咁。攪笑既係，有駱駝見我地影相，竟然識笑!?

本來仲可以騎多陣馬，但我地見冇乜特別，於是乎我地走去玩第樣-----四驅車。

　　雖然未考到車牌，但都玩得，係越野上奔馳既感覺真係唔話得，唔識得用言語去形容，自己想像啦﹗
比較特別既係，玩既途中我地經過左叫敖包既祭壇，帶住我地行既哥哥叫我地拎住支香圍住個壇順時行三個圈，逆時行三個圈，之後簽香油錢，咦？難道依個係內蒙古祈福黨集團!?

玩完車之後，就去左買手信，成班友癲左咁，見講到價就狂買，當然，我都唔例外，嘻。
七點鐘，晚飯時間，繼上餐煮羊肉之後，今次到烤羊肉。

　　見到咁大隻脾，已經流晒口水，差D唔等人切，就自己一口咬落去。經過浩哥巧妙既切片後，我地個個爭住食，果然，冇令我地失望，真係好好食，我夠膽講，比起煮羊肉係有過之而無不及﹗
　　正當食得興起之際，果班著住蒙古服飾既人入左黎，原來係敬酒。敬酒係蒙古人既傳統，佢地會敬客人三杯酒，如果客人可以三杯不醉，當地既人就會好尊敬佢。面對咁既情況，幾大都要飲既啦。飲左三杯之後，我一如既往，成塊面紅晒，連眼都紅埋，攪到成台人都好擔心。但另一邊箱更厲害，浩哥飲極唔停，仲嫌個酒杯細，換個平時去酒樓飲汽水既大杯，令到我地幾個今晚同佢「同包訓」既人好緊張，諗緊駛唔駛收起晒D利器。
　　晚飯過後，我地去睇篝火晚會，又係D我地唔識欣賞既歌舞表演，雖則幾佩服佢既聲勢可以同莫華倫相比，我地幾個即場學都學唔到，但都係忍受唔住，於是我地離隊走左去空礦地方睇星星。
　　真係唔係我誇大，香港既星空完全唔可以同內蒙既星空比較，唔駛抬起頭，就咁直望，單眼睇到既星星已經比香港所睇到既多。雖然我地幾個都冇研究天文依方面既野，但可以係人生之中見到咁美妙既畫面，已經覺得一切都不重要。

WainSeven

即使出面打到火紅火綠
都要抽o的時間撐下老旋

麥旋風

原帖由 WainSeven 於 2006-7-11  05:26 PM 發表
即使出面打到火紅火綠
都要抽o的時間撐下老旋

多謝俾面

Fantasista

頭尾兩張睇唔到

麥旋風

原帖由 Fantasista 於 2006-7-11  05:27 PM 發表
頭尾兩張睇唔到

咁去我Xanga睇
mcflurry1807

WainSeven

o係內蒙都有睇波?

麥旋風

原帖由 WainSeven 於 2006-7-11  05:31 PM 發表
o係內蒙都有睇波?

拎正牌睇CCTV5

WainSeven

原帖由 麥旋風 於 2006-7-11  05:37 PM 發表

拎正牌睇CCTV5

內蒙o的旅遊點有冇現代化晒?

麥旋風

原帖由 WainSeven 於 2006-7-11  05:38 PM 發表

內蒙o的旅遊點有冇現代化晒?

你說得無錯
由於近幾年內蒙發展得好快
基本上佢同一般城市冇咩分別
格根塔拉草原已經係最原始既旅遊區之一
但都有間酒吧睇波
包頭同呼和浩特更加唔駛講

阿忠