|
|
發表於 2006-5-20 17:17:14
|
顯示全部樓層
原帖由 thomaskung 於 2006-5-20 03:34 PM 發表
老摩既4-3-3打法注定左正前鋒係配角....
佢要前鋒撞散對方後防....頭鎚SET二傳...同埋將個波送去兩邊既翼....
事實上...係當今球壇真係冇乜呢D咁既球員....
高治啱做二傳手....但係佢唔夠把握力同 ...
唔可以籠統o甘講摩連奴o既 4-3-3 下前鋒o既主要工作係二傳
什至唔認為前鋒有太多二傳工作
事實上車路士要將波送去兩翼
都唔係太過依賴前鋒做二傳
基本上依靠中場傳送什至係兩翼自己由中後場運球上去
因為車路士中場組織強
兩翼 , 兩閘進攻效率都叫做高 ( 保羅費拉那例外 ..  )
所以唔會點依賴前鋒做二傳
而且季中至季尾o既車路士
已經用少左好多兩翼
由中場一路差入去o既攻勢多左
反而我認為車路士前鋒o既主要工作係撞散對方後防
呢個的確中 pt
透過前鋒o既走位配合拉開空位
再俾空間兩翼 , 進攻中場入禁區 , 射門
或者再交俾前鋒埋門
( 呢點比較多應運係杜奧巴身上
但基斯普上陣都有唔少走位
當然以體力拉開對方後防就少過杜奧巴好多 )
同埋車路士前鋒另一個工作
都係有完成攻勢 , 埋門一腳
無論係中場長傳直線突破
或者接應兩翼橫傳
唔少都係以前鋒為目標 ( 呢點比較多應運係基斯普身上 )
就係因為杜奧巴 , 基斯普踢法上o既分別
所以不同前鋒上陣
進攻又有唔同
杜奧巴多係中場攞波踢
佢參與組織攻勢o既工作多 D
雖然未之於係類似一個策劃組織 , 派牌
但係都唔只簡單o既駁腳二傳
又或者佢會自己運球入禁區
當然啦 , 前面提過o既把握能力令佢晒唔少機會
至於基斯普多留係最前等機會
根本唔使點預佢做二傳什至係策劃組織
一味係最前等餵
好處當然係把握力較強
但係無機會黎就好沉
守方會易打 D
車路士中前場o既負擔就多左
但呢個時候前鋒作用已經唔係大配角
分析完兩種踢法就可以解釋到高洛治 , 科素呢堆前鋒
高治事實上唔可以當佢係專責入球o既正前鋒 ( 呢點大家應該認同 )
佢o既長處係二傳
但係把握能力比杜奧巴還要差
係 4-3-3 只有一個正前鋒o既情況下
擺一個把握力差得如此o既前鋒實在太危險
( 看看利物浦隊中對謝拉特入球能力o既依賴 )
況且前面講過車路士唔係太依賴前鋒做二傳
要分波以中場球員已足夠
所以高洛治根本唔可以放係現今 4-3-3 o既車路士
至於科素
當年摩連奴捨科素
原因我認為應該係佢o既把握力係摩連奴心目中
比基斯普等差
杜奧巴又比佢擅頂
既然佢o既長處係把握力 , 擅頂
又有其他比佢更好o既選擇
( 什至古莊臣都要改做中場 )
球會無理由養兩個踢法類同o既球員
所以正如你所講
杜奧巴已經合適過到高洛治 , 科素好多
去到舒夫真高
事實上唔多想佢黎車路士
主要係年齡問題
不過以佢o既把握力
應該可以做到基斯普o既角色
再重申一次唔認為車路士太需要前鋒做二傳
又或者佢可以做到強化版o既基斯普
重申一次個人認為車路士最理想o既前鋒人選
應該係既有把握能力
又有製做機會同埋揣擾能力
反而搵一個做二傳o既會無咩效果
未睇過施積踢波
但係既然擅頂同埋良好身體對抗性呢兩樣
杜奧巴都做到
除非施積把握力強
否則都係同杜奧巴重疊o既多
睇過摩連奴近期o既訪問
佢意思似係留杜奧巴放基斯普o既多
要用舒夫真高o既把握力都無可厚非 |
|
IP卡
狗仔卡
顯身å¡
發表於 2006-5-21 01:25:35
