|
|
發表於 2006-5-18 18:27:04
|
顯示全部樓層
原帖由 熱刺#29戴維斯 於 2006-5-18 04:30 PM 發表
只能講句
我仍然偏好於仲有大把上升能力空間同改變o既謝拉特
林柏特的能力同長處
要有隊友配合先發揮到
隊友彼此之間越帶動到
佢就越發揮到
這恰巧就是老摩建本身的建隊概念
加上車仔高質素的球員
幸運 ...
唔多認同第一個 pt
林柏特o既表現相信唔係隊友帶動出黎
睇番兩季前雲尼亞里時代o既 4-4-2
當時林柏特中場拍馬基里尼 / 華朗
呢個陣可以話將林柏特o既功效發揮到
類似謝拉特現時係利物浦o既 free role
現時馬基里尼 , 艾辛的確係幫到林柏特唔少
只可以話馬基里尼 , 艾辛二人分擔左林柏特一部分o既攻守工作
但如果話係因為車路士呢條中線o既結構
而做就出林柏特o既表現
未免有點本末倒置
事實上 , 無可否認o既一點係車路士 , 利物浦兩條中線
同樣係以林柏特 , 謝拉特二人作重心 , 主導
而同時兩間會已經到達左依賴一個球員o既地步
季中車路士作客曼城
林柏特缺陣下o既老鼠拉龜經已証明到
至於利物浦
幸運地佢地擁有沙比亞朗素
一個功能上 , 質素上叫做可以係某程度上取代到謝拉特o既球員
於是賓尼迪斯索性將沙比亞朗素推前至謝拉特o既位置 , 角色
防守中場則由斯素高 , 夏文負責
加上係謝拉特缺陣下利物浦幸運地對手唔算強
影響先至唔太大
但若果沙比亞朗素 , 謝拉特同時缺陣
中場一樣會死火
這點唔多唔少也會是波歷克加盟車路士之原因
就係有必要要搵一個類似沙比亞朗素o既球員係
必要時取代林柏特o既角色
平日又可分擔林柏特o既工作
無可否認謝拉特有改變球實o既能力
但林柏特o既罰球 , 冷箭 ( 林柏特係有遠射，只不過我承應中距離多 )
一樣會有同樣效果
再談談利物浦o既中場
事實上謝拉特 workload 過大
賓尼迪斯可能因為想減輕謝拉特o既 workload
又或者是希望給予斯素高正選 
季中出現唔少謝拉特以右翼示人o既情況
但顯然佢未能掌握邊線角色
踢踢下又重現 free role
事實上唔鼓勵謝拉特再踢右翼
至於二人係國家隊中場線主導o既選擇取捨
可以睇番英格蘭係 EURO 04 o既經驗
事實上打番平排中場線
未必會令到其中一人工作量過大
因為無論係謝拉特 , 林柏特邊個偏守
始終唔會肯忍手完全退縮
最後會係二人輪流攻守
主導權平分
呢個組合係我比較想英格蘭o甘踢
當然最好o既配合係 4-1-4-1
雙特後面有個 dmc 豆住
可惜艾力神無選柏加
我認為佢係英格蘭暫時最一心一意防守
而防守力最強o既一個純 dmc
反而如果用夏格維斯 , 卡域克做呢個 dmc o既角色
始終二人唔係純 dmc
恐怕會分薄雙特o既功能
第二個可能係將雙特其中一人推前打副鋒
取代朗尼角色
呢個副鋒位置的確係謝拉特比較合適
而謝拉特係呢個陣下當然成為主導
我唔懷疑謝拉特會做唔起有效攻擊
但呢個情況下一定會晒左林柏特
呢個時候可以睇番 EURO 04 o既英格蘭
當時林柏特打類似 dmc
amc 位俾左史高斯
結果林柏特淪為類似古莊臣o既配角角色
這經驗証實將主導分予雙特其中一人
只係會晒左其中一人
可能效果會同第一個方案一樣
但第一個方案肯定比較穩定
不過始終現時英格蘭中場唔多唔少o既主導權都係碧咸手上
一日碧咸係大哥係話事果個
一日都會影響到雙特發揮
無論中場主導係雙特均分定係分予其中一人
只要碧咸可以安於本分踢右翼
什或至英格蘭肯棄用碧咸
已經係最簡單而直接o甘提高中場效率o既手法
[ 本帖最後由 Samaritans 於 2006-5-18 07:07 PM 編輯 ] |
|
IP卡
狗仔卡
顯身å¡
發表於 2006-5-18 12:32:08
發表於 2006-5-18 13:38:48
發表於 2006-5-18 16:30:57
佢有得踢先算啦