09/10 香港足球討論區 4

StupidPhilip

愉園獲格國2小將來投
2010-3-5

【大公報訊】正於港甲聯賽護級的愉園，獲格魯吉亞2名小國腳加盟，愉園總監鄺曉明表示該2名小將未必會立即成為隊中核心，作用有待觀察。

由於鄺曉明創辦的科化足球學校與格魯吉亞足總有合作，因此雙方定下球員交流計劃：2名格魯吉亞小國腳來港的機票、薪酬等費用一概由該國足總承擔；而愉園足球隊亦在球季完結後保送球員到格魯吉亞訓練。2名來港的格魯吉亞小國腳分別司職前鋒與中場，早前隨愉園訓練了2周，料月中獲得工作證後再來港報到。鄺曉明稱2名格國小國腳比賽經驗尚欠缺，加盟後先讓他們作外援替補。

鄺曉明還稱：「若果愉園降班，球員就會獲准自由轉會，屆時有哪些人想去格魯吉亞試訓就讓他們去；如球隊護級成功，計劃保送去格國受訓的會是甲組隊年輕球員，如馬肇均、黃俊皓、曾至孝等。」

http://www.takungpao.com/news/10/03/05/WF-1223356.htm

尹邦美

原帖由 射手shooter 於 2010-3-4  11:13 PM 發表


全港有幾多個有A牌?

數手指數得晒, 除左黎祥 & 招積外就只得和叔, 陳曉明, cap頓榮...

尹邦美

原帖由 StupidPhilip 於 2010-3-5  01:47 AM 發表
港足新帥月內確定
2010-3-5

【大公報訊】金判坤與香港足總的合約本月底屆滿，足總主席梁孔德昨稱：新港足教練人選會在本月內確定，但足總要先跟香港體育學院討論聘請教練事宜。梁孔德透露足總將聘請1名能同時擔任教練班 ...

真係慳得就慳, 要兩樣有齊又得閒既係得招積...

者尺

保送球員到格魯吉亞訓練

StupidPhilip

ABC防中梅示敦
梅示敦, ABC
ABC係我係我，橫睇掂睇都係我……同MC Jin一樣，大中的美籍華裔防守中場梅示敦（Lex）都不介意被人稱呼ABC，「咁我係竹升仔吖嘛，即係ABC囉。」在美國紐約出世及長大，但就甚少留意NBA、NFL或者Hip Hop，反而鍾意美國人毫不起眼的足球。做過大學隊隊長，又拿過美國次級聯賽PDL冠軍，及後機緣巧合地透過另一美國仔「皮蛋黃」黃興桂搭路加盟大中，佢叫梅示敦。今次搵埋Lex口中的「Peter叔」黃興桂來次三角深情Q&A，火花呀，火花！
記：記者　黃：黃興桂　梅：梅示敦

記：不如先講吓你哋點認識？

黃：其實我都係上年先識阿Lex，有日收到侯澄滔電話，即係五六十年代東方三劍俠之一，佢話有個世姪想嚟香港落班，所以我就飛返香港幫手。

梅：（用半鹹淡廣東話）係呀，我同Peter叔素未謀面，但佢都不辭勞苦咁幫我。

黃：都要你係好嘢，我先會幫。當時我約佢踢咗三場波，因為我要肯定佢有質素，先可以介紹畀人。你唔好笑呀，雖然我老，但踢嘅衞生波唔講得笑，連金牌門將葉鴻輝都有join我哋㗎。

三場波睇到似馬基列尼
記：就係呢三場波，你就決定幫佢？

黃：冇錯，我覺得佢係馬基列尼型球員，人仔細細但防守出色，夠拚搏、有體能、工作效率強，夠晒料立足香港球壇。之後我就親自打電話，推薦佢畀幾家球會。

梅：嗯，我好記得嗰時到沙田試腳，Peter叔驚我唔識路，就山長水遠陪埋我去。可惜因為我係美籍，但又係華人，所以好多球會都因為咁而唔考慮。

黃：都荒謬，乜香港啲外援好高質素咩？點解黑皮膚就代表好波過黃皮膚先！依家又唔係叫你畀幾萬蚊人工，我覺得佢好過好多外援啦，只係好多香港教練唔懂得用防守球員。

重慶大廈 噩夢一場
梅：好彩，最終都獲得大中賞識，實現落班夢。不過有件事好難忘，因為我喺紐約時上網搜尋到重慶大廈房租平，所以我就住咗一個禮拜，但最後都頂唔順搬走咗。

黃：梗係啦，你屋企個廁所都大嗰度幾倍啦！

記：Lex，踢咗港甲半季，感覺如何？

梅：無可否認，香港足球嘅設備或聯賽水平都唔算高，要知道美國從學院開始，訓練系統已好完善，球迷亦較為投入。不過香港亦有唔少球隊具質素，好似傑志，而大中就夠團結，隊友關係好融洽。

記：咁同邊個最老友？

梅：其實個個都好friend，因為我係大中嘅翻譯員，教練好多時都透過我同外援解釋佢哋嘅要求，自然熟落。至於年輕球員亦玩得埋，好似盧俊傑同吳國熙等，早前就齊齊幫我搬屋。

記：踢完今季後，會唔會繼續留港？

梅：未知呀，始終自己未站穩正選位置，唔排除會離開。不過現時唔會諗太多啦，餘下半季會專心訓練同比賽，就算他朝返回美國都要無憾。

梅示敦Profile
Lexton Moy

國籍：美國　年齡：25歲

出生地：紐約　球會：大中

位置：中場

圖、文：梁嘉輝


筆者都好想有梅示敦半點勇氣，拋開一切追尋夢想。梅示敦來港前，與女朋友Cooper結伴到南非做義工，一做就大半年，體驗生活之餘，亦幫到人。返美後決定來港實現球員夢，今次輪到Cooper陪愛郎到港生活，但她顯然不大喜歡這彈丸之地。
「女友總覺得香港好逼、好繁忙，而且空氣差，感覺唔太舒服，不過經過半年後已陸續適應。」
去南非做義工，同小孩玩得好投入。
最愛咖喱魚蛋雞蛋仔
「我哋最鍾意香港係食嘢多選擇，落街就有咖喱魚蛋同雞蛋仔，加上周圍都係茶餐廳，雖然唐人街都有，但味道就差得遠。我哋得閒亦會去諾士佛臺、蘇豪區等地方飲嘢，輕鬆一下。」

談及女友放棄事業來港相伴，外形酷酷的Lex亦不期然眼濕濕，總覺得女友太委屈。所謂得一知己死而無憾，女人愛上男人時，確實甚麼也願意付出。


香港球會都有用互聯網與球迷溝通，可惜唔少網站肉酸欠誠意，最弊是十年都不Update一次。大中升班後缺乏人氣，梅示敦自發性幫球會整網頁、設立球迷會，所以Lex身兼球員同翻譯之餘，原來還是技術員，我是班主就「請硬佢」！
「我喺紐約已做開網頁，建立咗spirrs.com，主要提供全球性足球新聞，另外亦給予網民一處落腳地，互相討論及分享足球短片。既然我識得整網頁，就幫大中做埋，希望有更多人認識球會。」

炮製球迷打氣Tee
除了網頁，梅示敦早前更親自炮製首件大中球迷打氣Tee，由設計到同廠商接洽，都是他一手一腳做晒，認真熱心。

「我設計完之後就上網搵廠，終於搵到間喺福建嘅製衣廠，價錢平之餘質料又好，我屋企依家擺咗幾百件Tee呀！其實我將來都想推出自己品牌，設計一類融合中國與美國文化嘅時裝。至於球迷會，已經由我女朋友全權負責，當然起初嘅成員都係佢來港後所識嘅同事，但我相信只要球隊成績好，一定陸續有球迷加入。」

紋身明志：我係中國人訪問當日梅示敦脫去上衣給筆者欣賞其紋身，肚位是他爺爺及嫲嫲的名字，手臂紋了「Lex」，而背脊就紋了自己中文名。記得有位紋身師傅講過，ABC先會紋中文字上身，因為他們覺得身為中國人是引以為傲，反而香港人就多數畫公仔、紋英文。

熱刺#29戴維斯

原帖由 StupidPhilip 於 2010-3-5  12:51 AM 發表


今天足總董事會
網誌分類：足主的話 | 網誌日期：3分鐘前
每月足總董事會

今天下午有足總會議。

以前，足總董事局會議每3個月開一次，每季3至4次。有甚麼急需要討論的，未討論已經過了時。

我作為顧問，「皇帝不 ...

叫你拉去頭馬ga la

henrytam

原帖由 熱刺#29戴維斯 於 2010-3-6  05:14 PM 發表

叫你拉去頭馬ga la

去拉下頭馬好過啦

StupidPhilip

乙組足球聯賽/港會反勝屯門
2010-3-7

【大公報訊】港會在昨晚舉行的香港乙組足球聯賽榜首大戰中，主場以3：1反勝志切升班的屯門，保住「龍頭」位置外更將領先優勢擴大至6分，問鼎冠軍機會甚濃。

昨仗屯門雖是遠道到港會作客，但在逾百名擁躉現場助威下氣勢更勝主隊港會，這場乙組榜首大戰不但有香港足總職員拍攝影片，連流浪總監李輝立也是座上客。有越位之嫌的屯門前鋒基斯在16分鐘為客軍射成1：0，主場的港會到37分鐘由中場Sandor禁區外凌空抽射「世界波」扳平。港會左翼潘家明在84分鐘「執死雞」射成2：1，補時階段屯門隊長朱國良單刀施射斜出，注定屯門未能扳平之餘，港會射手Abbas更在完場前一刻射成3：1。

昨仗過後，港會在乙組11戰得25分續居榜首，屯門10戰僅得19分雖仍列次席，但比少踢1場的駿昇花花僅多1分，在爭取升班資格上失去主動權。

http://www.takungpao.com/news/10/03/07/WF-1224384.htm

StupidPhilip

http://www.takungpao.com/news/10/03/07/WF-1224389.htm

唔出威靈臣?

甲足聯賽/南華變陣攻擊流浪
2010-3-7

【大公報訊】香港甲組足球聯賽第13周首場比賽今午舉行，受傷患困擾左路無兵可用的南華將再次讓梁倬軒擔任正選左中場。這名在甲組正選處子戰踢了60多分鐘就被因傷換出的年輕球員，寄望今午作客流浪能踢足全場、達到球隊要求之餘更想有所貢獻，取得入球或助攻。

梁倬軒在周三港足對也門的亞洲杯外圍賽後備上陣，這是他首次於香港出戰國際A級賽，梁倬軒自評表現太緊張：「始終有主場球迷注視，加上半場前開始熱身不久郭建邦就受傷要由我入替，一上場有少少未能適應比賽節奏。」身為班霸南華的一員，去年8月入選港足時更是未曾在甲組賽上陣，梁倬軒習慣了外界的批評：「我比賽經驗少，但都入選香港隊，如果踢得不好，受批評會正常，我只能做好自己，始終我足球生涯起步遲，只能把握機會盡量學習。」

在聯賽對愉園一役首次甲組正選登場的梁倬軒自評當日表現中規中矩，今午再獲正選機會自然有更大期望：「希望明（今）日能踢足全場吧。我在香港隊與南華都試過踢大半場比賽，應該不會再緊張，希望能表現自己、達到球隊要求外還能有貢獻，有助攻或入球。」

陳肇麒傷患嚴重

南華目前正受傷兵問題困擾，郭建邦與史高斯肌肉受傷，後者連亞洲足協杯第2場分組賽也未必能趕及候命，要由梁倬軒客串左翼，左後衛則由潘耀焯取代黃展鴻，此前足踝受傷的前鋒陳肇麒抱恙缺操，領隊兼總教練金判坤在球隊昨晨於跑馬地4號場操練後承認讓「肇麒」隨港足赴日本征戰東亞錦標賽並非好決定：「最初我們以為那只是小傷，後來醫生證實陳肇麒是舊患復發，比想像中嚴重，讓他去日本並不是好的做法。」金判坤還對梁倬軒任正選抱有期望：「他需要證明自己是有能力作為南華的一分子。」

流浪今午除了尚未「刑滿」的馬高遜與保羅續「坐波監」，還有安杜累積5面黃牌自動停賽，可能要改以迪達「掛帥」攻堅，球隊將集中注意力於防守務求保持不敗。

流浪對南華的聯賽今午3時於深水埗運動場舉行，門票分收40元及20元（優惠票）。

StupidPhilip

http://www.takungpao.com/news/10/03/07/WF-1224390.htm

大中足總杯揭幕對公民
2010-3-7

【大公報訊】香港足總杯今午在青衣運動場開鑼，以聯賽為重的大中在揭幕戰將起用王康耀及安東尼任左、右後衛，抗衡有辛祖復任正選夥拍迪天奴攻堅的公民，「雙料娛樂」的尾場則由沙田對傑志。

大中與公民昨午同時段分別在跑馬地2、3號場訓練，不過就如公民行政總監貝可泓所言，兩隊在賽前1天只作輕鬆練習，不可能泄漏軍情，貝可泓在訓練後更主動與大中教練陳浩然寒暄，先禮後兵。大中今仗有張子鍵及盧俊傑停賽，兩閘人選改為安東尼與王康耀，傷勢未完全康復的內援門將郭劍橋仍不會上陣，大中續由黎柏勇把關，陳浩然承認球隊重視聯賽多於足總杯：「杯賽同線有公民和南華，要過兩關不是沒有機會，但不能稱為上籤，反而本月13日聯賽還要對天水圍飛馬，我都想球隊的聯賽排名高一些。聯賽對同級球隊愉園、晨曦、沙田、流浪及大埔的5場比賽希望拿到最少10分，因為球隊目標是以最少24分完成今季聯賽，而上半季只收穫了12分。」

公民今仗將有辛祖復任正選夥拍迪天奴組成「雙箭頭」，不過徐德帥、馮啟匡及沈國輝就停賽，球隊行政總監貝可泓提醒球員比賽關鍵是耐心：「保持耐性，今季球員試過圍攻對手半場沒收穫後變得急躁，反而被對手有機會『偷雞』。我已對球員講不一定要在90分鐘內取勝，就算是加時甚至互射12碼才贏，我們一樣是達到目的。」

公民對大中的足總杯初賽今午5時在青衣運動場鳴笛，7時沙田對傑志，比賽法定時間90分鐘未分勝負就加時30分鐘決勝，加時仍未分高下就互射12碼球。比賽門票分收60元及20元（優惠票）。

StupidPhilip

http://hk.apple.nextmedia.com/te ... amp;art_id=13794636



馬會泵水救足運　包底建精英足訓中心
2010年03月07日

【記者呂焯均報道】東亞運動會香港足球代表隊勇奪冠軍，在較高水平的東亞足球錦標賽卻捧蛋還原。港府決定由坐擁龐大賭波收益的馬會開動大水喉救足運，在將軍澳開辦足球精英訓練中心，有 6至 8個足球場，把全港甲組足球隊、港隊及各個青少年級別精英代表隊集中訓練。馬會將全力承擔巨額建造費及為日後營運包底。


甲組球隊集中訓練

民政事務局聘請的顧問已完成香港足球發展研究，本月中向立法會滙報。顧問指出，本港足球運動欠缺訓練場地，是本地足球水平長期未能提升的主因之一。即使甲組足球隊，以及近年興起的地區球隊，例如沙田、大埔及天水圍飛馬，大多是租用康樂及文化事務署轄下球場，球場卻另需租給其他團體和學校使用，故甲組足球隊可用時間不多。香港足球代表隊和青少年的代表隊，也同樣沒有完善的訓練設施。
顧問建議，本港建造一個大型足球精英訓練中心，將全港甲組球隊和精英球員的訓練集中一起，每支球隊每日都可在中心內操練。集合各甲組隊精英球員的香港代表隊於出賽前也會在中心內集訓。其他各級青少年代表隊，中心也成為他們的訓練學校。

設於將軍澳堆填區
中心將設於將軍澳康城港鐵站毗鄰的堆填區修復土地上，規模龐大，有 6至 8個足球場，又附設配套設施，包括體能訓練及會議室等，教練與球員可在中心內開會檢討訓練；研究賽前戰術部署及賽後檢討等。當球場有空檔，亦可出租給其他團體或外隊，以補貼中心的運作開支。
中心的建造費約數億元，而日後運作也需長期補貼，故港府已邀請馬會承辦整個項目。馬會預計會成立一間獨立公司營運該中心，香港足球總會則提供協助，安排教練及訓練。
足總前主席、現任董事余錦基表示，他曾接獲政府顧問的諮詢，他建議其中兩個球場是真草球瑒，其餘是成本較輕的人造草場，因人造草場建造和保養費均較低，但使用次數較多，即使下雨仍可使用，這才能配合訓練需要。

http://hk.apple.nextmedia.com/te ... amp;art_id=13794636

尹邦美

原帖由 StupidPhilip 於 2010-3-7  11:07 AM 發表
http://hk.apple.nextmedia.com/te ... amp;art_id=13794636

http://hk.apple.nextmedia.com//i ... 307/small/07la3p6.j ...

花左150萬做顧問報告都係講返轉頭, 係就快d confirm啦...
塊地真係好正唔起真係size晒...

StupidPhilip

2-0    

梁振邦 2'
里奧 7'

射手shooter

原帖由 尹邦美 於 2010-3-7  12:05 發表

花左150萬做顧問報告都係講返轉頭, 係就快d confirm啦...
塊地真係好正唔起真係size晒...

馬會最叻比人搵笨

有義務冇權利

Manu super fans

原帖由 射手shooter 於 2010-3-7  03:32 PM 發表


馬會最叻比人搵笨

有義務冇權利

獨家開賭仲唔夠大權!!!

StupidPhilip

里奧真屈機

里奧 27' 3-0

射手shooter

四海流浪 2:5 南華

梁振邦 2'
里奧 7'
里奧 27'
歐陽耀冲 (PEN.) 52'
樊偉軍 60'
劉嘉城 67'
威靈臣 88'

2076

豬仔勁

2076

不過習慣左旺角場超近座位, 睇青衣場真係冇咩癮

射手shooter

連續三個星期都要入場支持大埔


2010-03-17 (三) -- 新界地產和富大埔  vs 泰港        AFC Cup        將軍澳運動場     20:00
2010-03-20 (六) -- 新界地產和富大埔  vs 傑志           甲組聯賽          大埔運動場          15:00
2010-03-28 (日) -- 新界地產和富大埔 vs 沙田         甲組聯賽                 大埔運動場         15:00
2010-04-03 (六) -- Q.Final 新界地產和富大埔 vs 沙田         足總盃         元朗大球場         14:00